എം.ജിയിൽ അരലക്ഷത്തോളം ബിരുദസീറ്റുകൾ ഒഴിഞ്ഞു കിടക്കുന്നു

കോ​ട്ട​യം: അ​ടി​സ്ഥാ​ന സൗ​ക​ര്യ​മി​ല്ലാ​ത്ത കോ​ള​ജു​ക​ളെ ​ വി​ദ്യാ​ർ​ഥി​ക​ൾ കൈ​വി​ട്ട​തോ​ടെ, എം.​ജി​യി​ൽ ഒ​ഴി​ഞ്ഞു​കി​ട​ക്കു​ന്ന​ത്​ അ​ര​ല​ക്ഷ​ത്തോ​ളം ബി​രു​ദ​സീ​റ്റു​ക​ൾ. ആ​ദ്യ മൂ​ന്ന്​ അ​ലോ​ട്ട്​​മെ​ന്‍റു​ക​ൾ പൂ​ർ​ത്തി​യാ​യ​പ്പോ​ൾ മൊ​ത്തം 40,241 സീ​റ്റു​ക​ളാ​ണ്​ ഒ​ഴി​ഞ്ഞു​കി​ട​ക്കു​ന്ന​ത്.

ബി.​കോം മോ​ഡ​ൽ ര​ണ്ട്​ ക​മ്പ്യൂ​ട്ട​ർ അ​പ്ലി​ക്കേ​ഷ​നി​ലാ​ണ്​ കൂ​ടു​ത​ൽ ഒ​ഴി​വു​ക​ൾ. ഒ​ന്നാം വ​ർ​ഷ ബി​രു​ദ​ക്ലാ​സു​ക​ൾ ആ​രം​ഭി​ച്ചി​രി​ക്കെ, ഇ​നി സ​പ്ലി​മെ​ന്‍റ​റി അ​ലോ​ട്ട്​​മെ​ന്‍റു​ക​ളാ​ണ്​ അ​വ​ശേ​ഷി​ക്കു​ന്ന​ത്. എം.​ജി സ​ർ​വ​ക​ലാ​ശാ​ല​ക്ക്​ കീ​ഴി​ലു​ള്ള 212 ആ​ർ​ട്സ് ആ​ൻ​ഡ്​ സ​യ​ന്‍സ് കോ​ള​ജു​ക​ളി​ലാ​യി മൊ​ത്തം 59,432 സീ​റ്റു​ക​ളാ​ണു​ള്ള​ത്. ഇ​തി​ൽ 19,191 സീ​റ്റു​ക​ളി​ലാ​ണ്​ പ്ര​വേ​ശ​നം ന​ട​ന്നി​രി​ക്കു​ന്ന​ത്. 40,241 സീ​റ്റു​ക​ൾ കാ​ലി.

145 സ്വാ​ശ്ര​യ കോ​ള​ജു​ക​ളി​ലാ​യി 41,792 സീ​റ്റു​ക​ളാ​ണു​ള്ള​ത്. ഇ​തി​ൽ 31,787 സീ​റ്റു​ക​ളി​ലും പ​ഠി​ക്കാ​ൻ വി​ദ്യാ​ർ​ഥി​ക​ളി​ല്ല. സ​ർ​ക്കാ​ർ കോ​ള​ജു​ക​ളി​ൽ 637 സീ​റ്റു​ക​ളാ​ണ്​ ഒ​ഴി​ഞ്ഞു​കി​ട​ക്കു​ന്ന​ത്. എ​യ്​​ഡ​ഡ്​ കോ​ള​ജു​ക​ളി​ൽ 16,313 സീ​റ്റു​ക​ളാ​ണ്​ കു​ട്ടി​ക​ളെ കാ​ത്തി​രി​ക്കു​ന്ന​ത്. മെ​റി​റ്റ്​ -4262, മാ​നേ​ജ്​​മെ​ന്‍റ്​ -2170, ക​മ്യൂ​ണി​റ്റി ക്വോ​ട്ട -1385 എ​ന്നി​ങ്ങ​നെ​യാ​ണ്​ സീ​റ്റു​ക​ളു​ടെ​ ഒ​ഴി​വ്.

എം.​ജി​യി​ലേ​ക്ക്​ ഏ​ക​ജാ​ല​കം​വ​ഴി 46,600 പേ​രാ​ണ്​ മൊ​ത്തം അ​പേ​ക്ഷി​ച്ച​ത്. ഇ​തി​ൽ ബി.​കോം മോ​ഡ​ൽ ഒ​ന്ന്​ ഫി​നാ​ൻ​സ്​ ആ​ൻ​ഡ്​​ ടാ​ക്​​സേ​ഷ​നാ​യി​രു​ന്നു ആ​വ​ശ്യ​ക്കാ​ർ ഏ​റെ.

അ​തേ​സ​മ​യം, സ​പ്ലി​മെ​ന്‍റ​റി അ​ലോ​ട്ട്​​മെ​ന്‍റു​ക​ൾ പൂ​ർ​ത്തി​യാ​കു​ന്ന​തോ​ടെ കോ​ള​ജു​ക​ളി​ലേ​ക്കെ​ല്ലാം വി​ദ്യാ​ർ​ഥി​ക​ൾ എ​ത്തു​മെ​ന്നാ​ണ്​ സ​ർ​വ​ക​ലാ​ശാ​ല​യു​ടെ പ്ര​തീ​ക്ഷ. മു​ൻ​വ​ർ​ഷ​ത്തെ അ​പേ​ക്ഷി​ച്ച്​ സ​യ​ൻ​സ്​ വി​ഷ​യ​ങ്ങ​ളി​ല​ട​ക്കം അ​പേ​ക്ഷ​ക​രു​ടെ എ​ണ്ണം വ​ർ​ധി​ച്ചെ​ന്നും ​ പ്ര​വേ​ശ​ന​ന​ട​പ​ടി​ക​ൾ തു​ട​രു​ന്ന​തി​നാ​ൽ സീ​റ്റു​ക​ൾ നി​ക​ത്ത​പ്പെ​ടു​മെ​ന്നും ഇ​വ​ർ പ​റ​യു​ന്നു. സ​ർ​ക്കാ​ർ, എ​യ്​​ഡ​ഡ്​ കോ​ള​ജു​ക​ളി​ലെ സീ​റ്റു​ക​ളി​ൽ അ​വ​സാ​ന​ഘ​ട്ട​ത്തി​ൽ ഒ​ഴി​വു​ണ്ടാ​കി​ല്ലെ​ന്നും സ​ർ​വ​ക​ലാ​ശാ​ല വ്യ​ക്ത​മാ​ക്കു​ന്നു.

പ്ര​വേ​ശ​ന​ന​ട​പ​ടി​ക​ൾ തു​ട​രു​ന്ന ബി​രു​ദാ​ന​ന്ത​ര​ബി​രു​ദ​ത്തി​ൽ സീ​റ്റു​ക​ളെ​ക്കാ​ൾ കൂ​ടു​ത​ൽ അ​പേ​ക്ഷ​ക​രു​ണ്ട്. മൊ​ത്ത​മു​ള്ള 11,542 പി.​ജി സീ​റ്റു​ക​ളി​ലേ​ക്ക്​ 14,474 അ​പേ​ക്ഷ​ക​രാ​ണു​ള്ള​ത്.

സ​ർ​ക്കാ​ർ-129, എ​യ്​​ഡ​ഡ് ​-1484, സ്വാ​ശ്ര​യം -6265 എ​ന്നി​ങ്ങ​നെ 7878 സീ​റ്റു​ക​ളാ​ണ്​ നി​ല​വി​ൽ ഒ​ഴി​ഞ്ഞു​കി​ട​ക്കു​ന്ന​ത്.

എം.​എ​സ്​​സി കെ​മി​സ്​​ട്രി​ക്കാ​ണ്​ ഏ​റ്റ​വും കൂ​ടു​ത​ൽ​പേ​ർ അ​പേ​ക്ഷി​ച്ച​ത്. ഏ​റ്റ​വും കു​റ​വ്​ എം.​എ അ​നി​മേ​ഷ​നും. സ്വാ​ശ്ര​യ​മേ​ഖ​ല​യി​ലെ എം.​കോം ഫി​നാ​ൻ​സ്​ ആ​ൻ​ഡ്​​ ടാ​ക്​​സേ​ഷ​നി​ലാ​ണ്​ കൂ​ടു​ത​ൽ കാ​ലി സീ​റ്റു​ക​ൾ.

എ​ന്നാ​ൽ, ബി.​എ​ഡ്​ പ്ര​വേ​ശ​ന​ത്തി​ന്​ വ​ൻ തി​ര​ക്കാ​ണ്​ അ​നു​ഭ​വ​പ്പെ​ടു​ന്ന​ത്. മൊ​ത്ത​മു​ള്ള 2399 സീ​റ്റു​ക​ളി​ലേ​ക്കാ​യി 7634 അ​പേ​ക്ഷ​ക​രാ​ണു​ള്ള​ത്. 1460 പേ​ർ പ്ര​വേ​ശ​നം നേ​ടി​ക്ക​ഴി​ഞ്ഞു. സ്വാ​ശ്ര​യ​മേ​ഖ​ല​യി​ല​ട​ക്കം 939 സീ​റ്റു​ക​ൾ മാ​ത്ര​മാ​ണ്​ ഇ​നി അ​വ​ശേ​ഷി​ക്കു​ന്ന​ത്.