കൗ​തു​ക​വും ആ​ശ​ങ്ക​യും നിറച്ച് മുണ്ടക്കയത്തെ മോ​ക്ക്ഡ്രി​ല്‍

മു​ണ്ട​ക്ക​യം: പ​റ​ത്താ​നം പു​ളി​ക്ക​ല്‍ന​ഗ​ര്‍ ഭാ​ഗ​ത്ത് ഉ​രു​ള്‍പൊ​ട്ട​ലി​നു സാ​ധ്യ​ത​യു​ള​ള​തി​നാ​ല്‍ പ്ര​ദേ​ശ​വാ​സി​ക​ള്‍ വീ​ട് ഒ​ഴി​യ​ണ​മെ​ന്നും അം​ഗ​ന്‍വാ​ടി​യി​ലെ ദു​രി​താ​ശ്വാ​സ കേ​ന്ദ്ര​ത്തി​ലേ​ക്ക് മാ​റ​ണ​മെ​ന്നു​മു​ള്ള മൈ​ക്ക് അ​നൗ​ണ്‍സ്‌​മെ​ന്റി​ൽ നാ​ട് ആ​ശ​ങ്ക​യി​ലാ​യി. ക​ന​ത്ത​ചൂ​ടി​നി​ട​യി​ല്‍ ഉ​രു​ൾ​പൊ​ട്ട​ല്‍ ഉ​ണ്ടാ​വു​ക​യെ​ന്ന​ത് കേ​ട്ടു​കേ​ള്‍വി പോ​ലു​മി​ല്ല. എ​ന്നാ​ല്‍, വ​ന്ന​ത് പ​ഞ്ചാ​യ​ത്തും ദു​ര​ന്ത നി​വാ​ര​ണ അ​തോ​റി​റ്റി​യു​മാ​യ​തി​നാ​ൽ വി​ശ്വ​സി​ക്കാ​തി​രി​ക്കാ​നും വ​യ്യ.

മി​നി​റ്റു​ക​ള്‍ ക​ഴി​ഞ്ഞ​പ്പോ​ള്‍ ആം​ബു​ല​ന്‍സും ഫ​യ​ര്‍ഫോ​ഴ്‌​സും പൊ​ലീ​സു​മൊ​ക്കെ ചീ​റി​പ്പാ​ഞ്ഞു​വ​ന്ന​തോ​ടെ ജ​നം ഭീ​തി​യി​ലാ​യി. വി​വി​ധ ഭാ​ഗ​ങ്ങ​ളി​ല്‍ ര​ക്ത​ത്തി​ല്‍ കു​ളി​ച്ചും അ​പ​ക​ടാ​വ​സ്ഥ​യി​ലു​മാ​യി നി​ര​വ​ധി​യാ​ളു​ക​ള്‍ കി​ട​ക്കു​ന്നു. ദു​ര​ന്ത നി​വാ​ര​ണ അ​തോ​റി​റ്റി​യും അ​ഗ്നി​ര​ക്ഷ സേ​ന​യും പൊ​ലീ​സും ചേ​ര്‍ന്നു ര​ക്ഷാ പ്ര​വ​ര്‍ത്ത​ന​ങ്ങ​ളു​ടെ തി​ര​ക്കി​ലാ​യി. അ​പ​ക​ട​ത്തി​ല്‍പ്പെ​ട്ട​വ​രു​മാ​യി ആം​ബു​ല​ന്‍സു​ക​ള്‍ ചീ​റി​പ്പാ​ഞ്ഞു. ദു​ര​ന്ത​ഭൂ​മി​യി​ല്‍ വി​ല​പി​ക്കു​ന്ന പ്ര​ദേ​ശ​വാ​സി​ക​ളും ര​ക്ഷാ​പ്ര​വ​ര്‍ത്ത​ന​ങ്ങ​ളി​ല്‍ സ​ജീ​വ​മാ​യി. ഓ​ടി​ക്കൂ​ടി​യ​വ​ര്‍ക്ക് സം​ഭ​വം കൗ​തു​ക​മാ​യെ​ങ്കി​ലും പ​ല​രു​ടെ​യും മു​ഖ​ത്ത് സ​ങ്ക​ട​വും ആ​ശ​ങ്ക​യും നി​റ​ഞ്ഞു.

ഉ​രു​ള്‍പൊ​ട്ട​ല്‍ പ്ര​തി​രോ​ധ ത​യാ​റെ​ടു​പ്പി​ന്‍റെ ഭാ​ഗ​മാ​യി ന​ട​ത്തി​യ മോ​ക്ക്ഡ്രി​ല്‍ ആ​ണ് നാ​ടി​നെ കൗ​തു​ക​ത്തി​ലും ആ​ശ​ങ്ക​യി​ലു​മാ​ക്കി​യ​ത്. പാ​റ​ത്തോ​ട്, മു​ണ്ട​ക്ക​യം, കോ​രു​ത്തോ​ട്, കൂ​ട്ടി​ക്ക​ല്‍ എ​രു​മേ​ലി, കാ​ഞ്ഞി​ര​പ്പ​ള​ളി, മ​ണി​മ​ല, ചി​റ​ക്ക​ട​വ് പ​ഞ്ചാ​യ​ത്തു​ക​ൾ​ക്കാ​യാ​ണ് പ​രി​ശീ​ല​നം ന​ട​ത്തി​യ​ത്. മു​ണ്ട​ക്ക​യം, കാ​ഞ്ഞി​ര​പ്പ​ള്ളി എ​ന്നി​വി​ട​ങ്ങ​ളി​ൽ​നി​ന്നു പൊ​ലീ​സ്, അ​ഗ്നി ര​ക്ഷ സേ​ന, ദു​ര​ന്ത നി​വാ​ര​ണ അ​തോ​റി​റ്റി ഉ​ദ്യോ​ഗ​സ്ഥ​ര്‍, ആ​രോ​ഗ്യ​വ​കു​പ്പ് ഉ​ദ്യോ​ഗ​സ്ഥ​ര്‍, വൈ​ദ്യു​തി വ​കു​പ്പ്, ത​ഹ​സി​ല്‍ദാ​ര്‍മാ​രാ​യ ജോ​സു​കു​ട്ടി, ത​ഹ​സി​ല്‍ദാ​ര്‍ സു​നി​ല്‍കു​മാ​ര്‍, വി​ല്ലേ​ജ് ഓ​ഫി​സ​ര്‍ സു​ബൈ​ര്‍, ജ​ന​പ്ര​തി​നി​ധി​ക​ളാ​യ ശ​ശി​കു​മാ​ര്‍, രേ​ഖ ദാ​സ്, വാ​ര്‍ഡ്‌ മെം​ബ​ര്‍ ഡ​യ​സ് കോ​ക്കാ​ട്ട് തു​ട​ങ്ങി​യ​വ​ർ നേ​തൃ​ത്വം ന​ല്‍കി.