ഓ​ളം, താ​ളം കോ​ട്ട​യ​ത്താ​ഘോ​ഷം

നഗരം ആഘോഷിക്കുകയാണ്​ സൂർത്തുക്കളേ...

​കോ​ട്ട​യം: പാ​ട്ടി​ലും നൃ​ത്ത​ത്തി​ലും മ​യ​ങ്ങി​യ ന​ഗ​രം. പാ​തി​ര പ​ക​ലാ​ക്കി ന​ഗ​ര​ത്തി​ലൂ​ടെ ന​ട​ന്നു​നീ​ങ്ങു​ന്ന പെ​ൺ​കു​ട്ടി​ക​ൾ, മേ​ക്ക​പ്പി​ട്ട്​ ​ചി​ല​ങ്ക കി​ലു​ക്കി ഗ്രീ​ൻ റൂ​മി​ൽ​നി​ന്ന്​ ഓ​ടി​ക്കി​ത​ച്ചെ​ത്തു​ന്ന സു​ന്ദ​രി​ക​ളും സു​ന്ദ​ര​ന്മാ​രു​മാ​യ മ​ത്സ​രാ​ർ​ഥി​ക​ൾ. രാ​​ത്രി​യും ക​ട​ന്ന്​ പു​ല​ർ​ച്ച​യി​ലേ​ക്കു​നീ​ണ്ട മ​ത്സ​ര​ങ്ങ​ൾ... ഈ ​കാ​ഴ്ച​ക​ൾ​ക​ണ്ട്​ ന​ഗ​രം പ​റ​ഞ്ഞു; എ​ന്നും ഇ​ങ്ങ​നെ ആ​യി​രു​ന്നെ​ങ്കി​ൽ. വെ​റു​തെ പ​റ​യു​ന്ന​ത​ല്ല; തി​ങ്ക​ളാ​ഴ്ച മു​ത​ൽ കോ​ട്ട​യം ന​ഗ​ര​ത്തി​ൽ​നി​ന്നു​ള്ള കാ​ഴ്ച​ക​ൾ അ​ത്ര​യേ​റെ മ​നോ​ഹ​ര​ങ്ങ​ളാ​ണ്. എം.​ജി സ​ർ​വ​ക​ലാ​ശാ​ല ക​ലോ​ത്സ​വ​ത്തെ ര​ണ്ടു​കൈ​യും നീ​ട്ടി സ്വീ​ക​രി​ച്ച്​ ആ​ഘോ​ഷി​ക്കു​ക​യാ​ണ്​ ന​ഗ​രം.

രാ​ത്രി എ​ട്ടോ​ടെ ആ​ളൊ​ഴി​യു​ന്ന സെ​ൻ​ട്ര​ൽ ജ​ങ്​​ഷ​നും തി​രു​ന​ക്ക​ര മൈ​താ​ന​വും പാ​തി​രാ​​ത്രി​യി​ലും വി​ദ്യാ​ർ​ഥി​ക​ൾ അ​വ​രു​ടേ​താ​ക്കി. മാ​റ്റം​ക​ണ്ട്​ അ​ന്തം​വി​ട്ട്​ ആ​സ്വ​ദി​ക്കു​ക​യാ​ണ്​ ന​ഗ​ര​വാ​സി​ക​ളും. ര​ണ്ടാം ദി​ന​മാ​യ ചൊ​വ്വാ​ഴ്ച നാ​ല്​ സ്​​റ്റേ​ജ്​ ഇ​ന​ങ്ങ​ളി​ലും 11 സ്​​റ്റേ​ജി​ത​ര ഇ​ന​ങ്ങ​ളി​ലു​മാ​ണ്​ മ​ത്സ​രം ന​ട​ന്ന​ത്. രാ​വി​ലെ ഒ​മ്പ​തി​ന്​ മ​ത്സ​ര​ങ്ങ​ൾ ആ​രം​ഭി​ക്കു​മെ​ന്ന്​ പ​റ​ഞ്ഞി​രു​​ന്നെ​ങ്കി​ലും സ്​​റ്റേ​ജ്​ മ​ത്സ​ര​ങ്ങ​ൾ വൈ​കി.

സി.​എം.​എ​സ് കോ​ള​ജി​ൽ പെ​ൺ​കു​ട്ടി​ക​ളു​ടെ ഭ​ര​ത​നാ​ട്യം ആ​രം​ഭി​ച്ച​ത്​ 11.45 നാ​ണ്. മ​ത്സ​രാ​ർ​ഥി​ക​ളു​ടെ എ​ണ്ണം കൂ​ടു​ത​ലാ​യ​തി​നാ​ൽ പ​ല മ​ത്സ​ര​ങ്ങ​ളും അ​വ​സാ​നി​ച്ച​ത്​ പു​ല​ർ​ച്ച​യോ​ടെ. ഭ​ര​ത​നാ​ട്യ​ത്തി​ൽ 75 പേ​രും മോ​ഹി​നി​യാ​ട്ട​ത്തി​ൽ 50 പേ​രു​മാ​ണ്​ മ​ത്സ​രി​ച്ച​ത്. പ​രി​ച​മു​ട്ടി​ൽ മാ​​ത്ര​മാ​യി​രു​ന്നു കു​റ​വ്. നാ​ലു ടീം. ​ക​ന​ത്ത ഉ​ച്ച​ച്ചൂ​ടും വ​ക​വെ​ക്കാ​തെ ​തി​രു​ന​ക്ക​ര​യി​ലെ മോ​ണോ​ആ​ക്ട്​ സ​ദ​സ്സും വേ​ദി​യും​ സ​ജീ​വ​മാ​യി​രു​ന്നു.

ദേ, ഇതാണ്​ കലോത്സവത്തിന്​ പേരിട്ട മീനാക്ഷി

കോ​ട്ട​യം: ഇ​ത്ത​വ​ണ​ത്തെ എം.​ജി സ​ർ​വ​ക​ലാ​ശാ​ല ക​ലോ​ത്സ​വ​ത്തെ വ്യ​ത്യ​സ്ത​മാ​ക്കു​ന്ന​ത്​ അ​തി​ന്‍റെ പേ​രാ​ണ്. ‘വീ ​ദ പീ​പി​ൾ ഓ​ഫ്​ ഇ​ന്ത്യ’ എ​ന്ന ആ ​പേ​രി​നു പി​ന്നി​ലു​ള്ള​ത് ലോ ​അ​ക്കാ​ദ​മി അ​വ​സാ​ന​വ​ർ​ഷ വി​ദ്യാ​ർ​ഥി​നി മീ​നാ​ക്ഷി ത​മ്പി​യാ​ണ്.

രാ​ജ്യ​ത്തി​ന്‍റെ മ​തേ​ത​ര​ത്വ​ത്തെ​യും സ​ഹോ​ദ​ര്യ​ത്തെ​യും സ​മ​ത്വ​ത്തെ​യും ത​ച്ചു​ട​ക്കാ​ൻ ശ്ര​മി​ക്കു​ന്ന ഫാ​ഷി​സ്റ്റ് ഭ​ര​ണ​കൂ​ട​ത്തി​നെ​തി​രാ​യ പ്ര​തി​ഷേ​ധ​മാ​യി ക​ല മാ​റു​മ്പോ​ൾ ഇ​ത​ല്ലാ​തെ അ​നു​യോ​ജ്യ​മാ​യ മ​റ്റൊ​രു പേ​രി​ല്ലെ​ന്ന്​ പ​റ​യു​ന്നു, മീ​നാ​ക്ഷി. ക​ലോ​ത്സ​വ​ത്തി​ന്​ പേ​ര്​ ക്ഷ​ണി​ച്ച അ​റി​യി​പ്പി​ൽ ആ​ശ​യ​മാ​യി ന​ൽ​കി​യ​ത്​ ജ​നാ​ധി​പ​ത്യ​മാ​യി​രു​ന്നു. അ​ങ്ങ​നെ​യാ​ണ്​ ആ ​പേ​രി​ലേ​ക്ക്​ എ​ത്തി​യ​ത്.

ഒ​മ്പ​തു വേ​ദി​ക​ൾ​ക്കും ഭ​ര​ണ​ഘ​ട​ന മൂ​ല്യ​ങ്ങ​ളാ​യ സെ​ക്യു​ല​ർ, സോ​ഷ്യ​ലി​സ്റ്റ്, ഡെ​മോ​ക്രാ​റ്റി​ക്, ജ​സ്റ്റി​സ്, റി​പ്പ​ബ്ലി​ക്, സോ​വ​റൈ​ൻ, ലി​ബ​ർ​ട്ടി, ഇ​ക്വാ​ളി​റ്റി, ഫ്ര​റ്റേ​ണി​റ്റി എ​ന്നീ പേ​രു നി​ർ​ദേ​ശി​ച്ച​തും മീ​നാ​ക്ഷി​ത​ന്നെ. ഭ​ര​ത​നാ​ട്യ​ത്തി​ൽ ഡി​പ്ലോ​മ നേ​ടി​യ മീ​നാ​ക്ഷി കേ​ര​ള സ​ർ​വ​ക​ലാ​ശാ​ല​ക്കും എം.​ജി സ​ർ​വ​ക​ലാ​ശാ​ല​ക്കും വേ​ണ്ടി മ​ത്സ​രി​ച്ച്​ സ​മ്മാ​നം നേ​ടി​യി​ട്ടു​ണ്ട്. ക​ഴി​ഞ്ഞ ത​ദ്ദേ​ശ തെ​ര​ഞ്ഞെ​ടു​പ്പി​ൽ മൂ​വാ​റ്റു​പു​ഴ മു​നി​സി​പ്പാ​ലി​റ്റി​യി​ൽ എ​ൽ.​ഡി.​എ​ഫ്​ സ്ഥാ​നാ​ർ​ഥി​യാ​യി​രു​ന്നു. അ​ജി​ത്​ ത​മ്പി​യും ജി​ജി​യു​മാ​ണ്​ മാ​താ​പി​താ​ക്ക​ൾ.

പരിചമുട്ടിൽ ചരിത്രമെഴുതി യു.സി

കോ​ട്ട​യം: എം.​ജി ക​ലോ​ത്സ​വം പ​രി​ച​മു​ട്ട്​ മ​ത്സ​ര​ത്തി​ൽ ആ​ലു​വ യു.​സി കോ​ള​ജ്​ നേ​ടി​യ ഒ​ന്നാം​സ്ഥാ​നം ച​രി​ത്ര​മാ​ണ്. ആ​ദ്യ​മാ​യാ​ണ്​ എം.​ജി​യി​ൽ പ​രി​ച​മു​ട്ട്​ മ​ത്സ​ര ഇ​ന​മാ​കു​ന്ന​ത്. മ​ണ​ർ​കാ​ട്​ കു​ഞ്ഞ​പ്പ​നാ​ശാ​ന്‍റെ ശി​ക്ഷ​ണ​ത്തി​ൽ അ​ര​ങ്ങു​ത​ക​ർ​ത്ത കു​ട്ടി​ക​ൾ ഒ​ന്നാം​സ്ഥാ​ന​വു​മാ​യി മ​ട​ങ്ങി. 40 വ​ർ​ഷ​മാ​യി കു​ഞ്ഞ​പ്പ​നാ​ശാ​ൻ ക​ലാ​രം​ഗ​ത്തു​ണ്ട്.