മെഡിക്കൽ കോളജ്;​ തകർച്ചഭീഷണി നേരിട്ട് മറ്റൊരു ശൗചാലയം

ഗാ​ന്ധി​ന​ഗ​ർ: കോ​ട്ട​യം മെ​ഡി​ക്ക​ൽ കോ​ള​ജി​ലെ മ​റ്റൊ​രു ശു​ചി​മു​റി​യും ത​ക​ർ​ച്ച​ഭീ​ഷ​ണി​യി​ൽ. ഇ.​എ​ൻ.​ടി വി​ഭാ​ഗ​ത്തി​ന്‍റെ ശ​സ്ത്ര​ക്രി​യ തി​യ​റ്റ​റി​നോ​ട് ചേ​ർ​ന്ന ശു​ചി​മു​റി​യാ​ണ് ഏ​തു​നി​മി​ഷ​വും ത​ക​ർ​ന്നു വീ​ഴാ​മെ​ന്ന നി​ല​യി​ലു​ള്ള​ത്. പ​ഴ​യ അ​ത്യാ​ഹി​ത വി​ഭാ​ഗ​ത്തി​ന്‍റെ ര​ണ്ടാം നി​ല​യി​ലാ​ണ് ഇ.​എ​ൻ.​ടി തി​യ​റ്റ​റും വാ​ർ​ഡും പ്ര​വ​ർ​ത്തി​ക്കു​ന്ന​ത്. ഇ​തി​ൽ തി​യ​റ്റ​ർ പ്ര​വ​ർ​ത്തി​ക്കു​ന്ന ഭാ​ഗ​ത്തെ ശു​ചി​മു​റി​യു​ടെ പു​റ​ത്തെ ഭി​ത്തി പൊ​ട്ടി വി​ണ്ടു​കീ​റി​യ നി​ല​യി​ലാ​ണ്.

മൂ​ന്നാം നി​ല​യു​ടെ മു​ക​ളി​ലാ​ണ് വാ​ട്ട​ർ ടാ​ങ്ക് സ്ഥാ​പി​ച്ചി​രി​ക്കു​ന്ന​ത്. കെ​ട്ടി​ട​ത്തി​ന് ബ​ല​ക്ഷ​യം സം​ഭ​വി​ച്ച​തി​നാ​ൽ ഈ ​ടാ​ങ്കി​ലേ​ക്ക് വെ​ള്ളം പ​മ്പ് ചെ​യ്യ​രു​തെ​ന്ന് പി.​ഡ​ബ്ല്യു.​ഡി അ​ധി​കൃ​ത​ർ അ​റി​യി​ച്ചി​രി​ക്കു​ക​യാ​ണ്. ഇ.​എ​ൻ.​ടി വാ​ർ​ഡ്, തി​യ​റ്റ​ർ, അ​സ്ഥി​രോ​ഗ വി​ഭാ​ഗം ഒ.​പി, പ്ലാ​സ്റ്റ​ർ ഇ​ടു​ന്ന മു​റി, പ്ലാ​സ്റ്റ​ർ ക​ട്ടി​ങ്​ മു​റി, പ്രൊ​സീ​ജി​യ​ർ മു​റി, ജ​ന​റ​ൽ സ​ർ​ജ​റി ഒ.​പി, ന്യൂ​റോ മെ​ഡി​സി​ൻ ഒ.​പി എ​ന്നി​വ ഈ ​കെ​ട്ടി​ട​ത്തി​ലാ​ണ്​ പ്ര​വ​ർ​ത്തി​ക്കു​ന്ന​ത്. ഏ​തു​സ​മ​യ​വും ത​ക​ർ​ന്നു വീ​ഴാ​വു​ന്ന ത​ര​ത്തി​ലാ​ണ് കെ​ട്ടി​ട​ത്തി​ന്‍റെ ഇ​പ്പോ​ഴ​ത്തെ സ്ഥി​തി. പി.​ഡ​ബ്ല്യു.​ഡി അ​ധി​കൃ​ത​രു​ടെ നി​ർ​ദേ​ശ​ത്തെ​തു​ട​ർ​ന്ന്​ ശു​ചി​മു​റി ഉ​പ​യോ​ഗി​ക്കു​ന്നി​ല്ല.

എ​ന്നാ​ൽ, താ​ഴ​ത്തെ നി​ല​യി​ൽ വി​വി​ധ വ​കു​പ്പു​ക​ൾ പ്ര​വ​ർ​ത്തി​ക്കു​ന്ന​തി​നാ​ൽ ഈ ​വി​ഭാ​ഗ​ങ്ങ​ളി​ലെ വ​കു​പ്പ് മേ​ധാ​വി​ക​ൾ അ​ട​ക്കം ഡോ​ക്ട​ർ​മാ​ർ ഇ​രി​ക്കു​ന്ന​ത് ഈ ​കെ​ട്ടി​ട​ത്തി​ലാ​ണ്. ഡോ​ക്ട​ർ​മാ​രെ കാ​ണാ​ൻ ആ​യി​ര​ക്ക​ണ​ക്കി​ന് രോ​ഗി​ക​ളാ​ണ് ഞാ​യ​റാ​ഴ്ച ഒ​ഴി​കെ ദി​വ​സ​ങ്ങ​ളി​ൽ എ​ത്തു​ന്ന​ത്. കൂ​ടാ​തെ പ്ലാ​സ്റ്റ​ർ ക​ട്ടി​ങ്​ മു​റി​യു​ടെ മേ​ൽ​ഭാ​ഗ​ത്തി​നും വി​ള്ള​ൽ വീ​ണി​ട്ടു​ണ്ട്.

കെ​ട്ടി​ട​ത്തി​ന്‍റെ ബ​ല​ക്ഷ​യം ആ​ശു​പ​ത്രി അ​ധി​കൃ​ത​രെ പി.​ഡ​ബ്ല്യു.​ഡി അ​ധി​കാ​രി​ക​ൾ അ​റി​യി​ച്ചി​ട്ടു​ണ്ടെ​ങ്കി​ലും ഇ.​എ​ൻ.​ടി വാ​ർ​ഡും അ​സ്ഥി​രോ​ഗ ഒ.​പി​ക​ളും അ​നു​ബ​ന്ധ മു​റി​ക​ളും ഒ​ഴി​പ്പി​ക്കാ​ൻ ആ​ശു​പ​ത്രി അ​ധി​കൃ​ത​ർ ത​യാ​റാ​യി​ല്ല. എ​ന്നാ​ൽ, കെ​ട്ടി​ട​ത്തി​ന്‍റെ ഒ​രു​ഭാ​ഗം ഏ​തു​നി​മി​ഷ​വും നി​ലം പ​തി​ക്കാ​വു​ന്ന​ത് കാ​ണി​ച്ച് ഈ ​വി​ഭാ​ഗ​ത്തി​ലെ ഡോ​ക്ട​ർ​മാ​ർ ആ​ശു​പ​ത്രി അ​ധി​കൃ​ത​ർ​ക്ക് രേ​ഖാ​മൂ​ലം ക​ത്ത് ന​ൽ​കി​യി​ട്ടു​ണ്ടെ​ന്നാ​ണ്​ വി​വ​രം.