മണര്‍കാട് ശീട്ടുകളി: മാലം സുരേഷ്​ കോടതിയിൽ കീഴടങ്ങി

കോട്ടയം: മണര്‍കാട് ശീട്ടുകളിക്കേസിൽ ക്രൗണ്‍ ക്ലബ്​ സെക്രട്ടറി മണർകാട് മാലം വാവത്തിൽ കെ.വി. സുരേഷും (മാലം സുരേഷ്), ക്ലബ്​ പ്രസിഡൻറ്​ കെ.എം. സന്തോഷും കോട്ടയം ഫസ്​റ്റ്​ ക്ലാസ്​ മജിസ്​ട്രേറ്റ്​ കോടതിയിൽ കീഴടങ്ങി. പിന്നീട്​ കോടതി ഇരുവർക്കും ജാമ്യം അനുവദിച്ചു.

നേരത്തേ ​െവള്ളിയാഴ്​ച അന്വേഷണ ഉദ്യോഗസ്​ഥന്​ മുന്നിൽ ഹാജരാകണമെന്ന്​ കാട്ടി പൊലീസ്​ ഇരുവർക്കും നോട്ടീസ്​ നൽകിയിരുന്നു. ഇതിനിടെയാണ്​ ഇരുവരും കോടതിയിലെത്തി ജാമ്യം നേടിയത്​.

നടപടികൾക്കിടെ ഇരുവർക്കും കോടതിയുടെ വിമർശനവും നേരിട്ടു.

പൊലീസ് സ്​റ്റേഷനിൽനിന്നും ജാമ്യം നേടി പുറത്തിറങ്ങാൻ സാധിക്കുമായിരുന്ന കേസായിരുന്നു​െവന്ന്​ കോടതി വ്യക്​തമാക്കി.

കേസിൽ അറസ്​റ്റിലായ പ്രതിക​ളെല്ലാം സ്​റ്റേഷനിൽനിന്ന്​ ജാമ്യം ലഭിച്ചിട്ടുണ്ട്​. കോവിഡ്​ നിയന്ത്രണങ്ങൾ നിലനിൽക്കുന്നതിനിടെയാണ്​ ഇത്തരം നടപടിയെന്നും കോടതി ചൂണ്ടിക്കാട്ടി.

എന്നാൽ, പൊലീസ്​ മാനസികമായി പീഡിപ്പിക്കുമെന്നതിനാലാണ്​ ​കോടതിയിലെത്തിയതെന്ന്​ മാലം സുരേഷി​െൻറ ​ അഭിഭാഷകൻ കോടതിയെ അറിയിച്ചു. ജൂലൈ 11ന് ക്രൗൺ ക്ലബിൽ നടത്തിയ റെയ്ഡിൽ 17.88 ലക്ഷം രൂപ പിടിച്ചെടുക്കുകയും ചീട്ടുകളിച്ച 43 പേർ അറസ്​റ്റിലാകുകയും ചെയ്​തിരുന്നു.

സംഭവത്തിൽ ക്ലബ്​ സെക്രട്ടറി മാലം സുരേഷിനെയും പ്രസിഡൻറിനെയും പ്രതിചേർത്തിരുന്നെങ്കിലും അറസ്​റ്റ്​ ചെയ്​തിരുന്നില്ല.

തുടർന്ന് ​െവള്ളിയാഴ്​ച ​ ചോദ്യം ചെയ്യലിന്​ ഹാജരാകാൻ അന്വേഷണ ഉദ്യോഗസ്ഥനായ കാഞ്ഞിരപ്പള്ളി ഡിവൈ.എസ്‌.പി ജെ. സന്തോഷ്‌കുമാർ നോട്ടീസ്​ നൽകുകയായിരുന്നു.

ഇവർ​ േചാദ്യം ചെയ്യലിന്​ ഹാജരാകുമെന്നാണ്​ വിവരം. നേരത്തേ, മാലം സുരേഷ് കോട്ടയം സെഷൻസ് കോടതിയിൽ മുൻകൂർ ജാമ്യാപേക്ഷ സമർപ്പിച്ചിരുന്നെങ്കിലും തള്ളിയിരുന്നു.