കോടികള്‍ വെള്ളത്തിൽ; മനക്കച്ചിറ ടൂറിസം പദ്ധതി അവഗണനയില്‍

ച​ങ്ങ​നാ​ശ്ശേ​രി: കോ​ടി​ക​ള്‍ ജ​ല​രേ​ഖ​യാ​ക്കി​യ മ​ന​ക്ക​ച്ചി​റ ടൂ​റി​സം പ​ദ്ധ​തി​യി​ല്‍ വീ​ണ്ടും പോ​ള നി​റ​ഞ്ഞു. ടൂ​റി​സം പ​ദ്ധ​തി തു​ക​ക്കു പു​റ​മെ കോ​ടി​ക​ള്‍ ചെ​ല​വ​ഴി​ച്ചി​ട്ടും എ.​സി. ക​നാ​ലി​ലെ പോ​ള​ക​ള്‍ സ്ഥി​ര​മാ​യി നീ​ക്കാ​ൻ അ​ധി​കൃ​ത​ര്‍ക്കാ​യി​ട്ടി​ല്ല. സി.​എ​ഫ്. തോ​മ​സ് എം.​എ​ല്‍.​എ​യു​ടെ നി​ര്‍ദേ​ശ​പ്ര​കാ​രം 2017 മാ​ര്‍ച്ചി​ല്‍ ജ​ല​സേ​ച​ന​വ​കു​പ്പ് 11.66 ല​ക്ഷം രൂ​പ അ​നു​വ​ദി​ച്ചു പോ​ള നീ​ക്കി​യി​രു​ന്നു. സം​ര​ക്ഷ​ണ​മി​ല്ലാ​താ​യ​തോ​ടെ വീ​ണ്ടും പോ​ള ക​യ​റി. ആ​ല​പ്പു​ഴ-​ച​ങ്ങ​നാ​ശ്ശേ​രി റോ​ഡി​ന്​ സ​മാ​ന്ത​ര​മാ​യി എ.​സി. ക​നാ​ലി​ല്‍ മ​ന​ക്ക​ച്ചി​റ മു​ത​ലാ​ണ് പോ​ള നി​റ​ഞ്ഞ​ത്. എ.​സി ക​നാ​ലി​ല്‍ ന​ട​ന്നി​രു​ന്ന ച​ങ്ങ​നാ​ശ്ശേ​രി ജ​ലോ​ത്സ​വ​ത്തി​നു മു​ന്നോ​ടി​യാ​യി ഓ​രോ വ​ര്‍ഷ​വും ല​ക്ഷ​ങ്ങ​ളാ​ണ് പോ​ള നീ​ക്കാ​ന്‍ ചെ​ല​വ​ഴി​ച്ചി​രു​ന്ന​ത്. മൂ​ന്നു വ​ര്‍ഷ​മാ​യി പോ​ള മൂ​ലം ജ​ലോ​ത്സ​വം പോ​ലും മു​ട​ങ്ങി. ഒ​ന്നേ​കാ​ല്‍ കോ​ടി മു​ട​ക്കി നി​ര്‍മാ​ണം പൂ​ര്‍ത്തി​യാ​ക്കി ഉ​ദ്ഘാ​ട​നം ചെ​യ്ത​താ​ണ് മ​ന​ക്ക​ച്ചി​റ പ​ദ്ധ​തി. എ​ന്നാ​ൽ, ഇ​ന്നും തു​ട​ങ്ങി​യി​ട​ത്തു​ത​ന്നെ നി​ല്‍ക്കു​ക​യാ​ണ്. ച​ങ്ങ​നാ​ശ്ശേ​രി മു​ത​ല്‍ മ​ങ്കൊ​മ്പ് വ​രെ​യു​ള്ള 20 കി.​മീ. നീ​ള​ത്തി​ലാ​ണ് പ​ദ്ധ​തി വി​ഭാ​വ​നം ചെ​യ്തി​രു​ന്ന​ത്. എ.​സി. ക​നാ​ലി​ന് വ​ട​ക്കു​ഭാ​ഗ​ത്ത് റോ​ഡി​നും ക​നാ​ലി​നും സ​മാ​ന്ത​ര​മാ​യി പ​വി​ലി​യ​ന്‍ നി​ര്‍മി​ക്കു​ക​യും ത​റ​യി​ല്‍ ടൈ​ല്‍സ് പാ​കു​ക​യും ചെ​യ്തു. ചു​റ്റു​മ​തി​ല്‍ നി​ര്‍മാ​ണ​വും ന​ട​ത്തി. 2021 ഫെ​ബ്രു​വ​രി​യി​ലാ​ണ്​ മ​ന്ത്രി ക​ട​കം​പ​ള്ളി സു​രേ​ന്ദ്ര​ന്‍ ന​വീ​ക​രി​ച്ച പ​ദ്ധ​തി​യു​ടെ ഉ​ദ്ഘാ​ട​നം ഓ​ണ്‍ലൈ​നി​ൽ നി​ര്‍വ​ഹി​ച്ച​ത്. ടൂ​റി​സം പ​ദ്ധ​തി​യു​ടെ ഭാ​ഗ​മാ​യി 10 മ​ഴ​ക്കൂ​ടാ​ര​ങ്ങ​ളും ന​വീ​ക​രി​ച്ചു.

ഇ​തി​ല്‍ മൂ​ന്നെ​ണ്ണം കോ​ഫി, സ്‌​നാ​ക് ബാ​റു​ക​ളാ​യി പു​നഃ​ക്ര​മീ​ക​രി​ച്ചു. ടി​ക്ക​റ്റ് കൗ​ണ്ട​ര്‍ പ്ര​വ​ര്‍ത്ത​നം ഉ​ട​ന്‍ ആ​രം​ഭി​ക്കു​മെ​ന്നാ​ണ്​ ഡി.​ടി.​പി.​സി അ​ധി​കൃ​ത​ർ പ​റ​യു​ന്ന​ത്. പ​ദ്ധ​തി​യു​ടെ ആ​രം​ഭ​ഭാ​ഗ​ത്ത് ക​നാ​ലി​നു ന​ടു​വി​ൽ പ​വി​ലി​യ​നും ന​വീ​ക​രി​ച്ചി​ട്ടു​ണ്ട്. എ​ന്നാ​ല്‍, ഇ​വി​ടേ​ക്ക് എ​ത്ത​ണ​മെ​ങ്കി​ല്‍ വ​ള്ളം മാ​ത്ര​മാ​ണ് ഏ​ക ആ​ശ്ര​യം. ക​ര​യി​ല്‍നി​ന്ന്​ പ​വി​ലി​യ​നി​ലേ​ക്ക് പാ​ലം നി​ര്‍മി​ക്കാ​ന്‍ ഡി.​ടി.​പി.​സി​ക്ക് ആ​ലോ​ച​ന ഉ​ണ്ടെ​ങ്കി​ലും ഇ​റി​ഗേ​ഷ​ന്‍ വ​കു​പ്പി​ന്റെ അ​നു​മ​തി ആ​വ​ശ്യ​മാ​ണ്. പൊ​തു​ജ​ന​ങ്ങ​ള്‍ക്ക് പ്ര​യോ​ജ​ന​മാ​കു​ന്ന​വി​ധം എ​ന്നു തു​റ​ന്നു​ന​ല്‍കു​മെ​ന്ന​ത് ചോ​ദ്യ​മാ​യി

ശേ​ഷി​ക്കു​ന്നു.