മരണവീടുകളിൽ കേന്ദ്രീകരിച്ച് കവർച്ച നടത്തുന്നയാൾ അറസ്റ്റിൽ
text_fieldsകോട്ടയം: മരണവീടുകൾ കേന്ദ്രീകരിച്ച് കവർച്ച നടത്തുന്ന സ്ഥിരം മോഷ്ടാവ് അറസ്റ്റിൽ. പിണ്ണാക്കനാട് കാളകെട്ടി അമ്പാട്ട് ഫ്രാൻസിസാണ് (ചക്കര -38) പിടിയിലായത്. പത്രവാർത്തകൾ നോക്കി മരണവീടുകളിൽ എത്തുന്ന ഇയാൾ പരിചിതനെപ്പോലെ പെരുമാറുകയും മോഷണം നടത്തി മുങ്ങുകയുമായിരുന്നു പതിവെന്ന് പൊലീസ് പറഞ്ഞു.
അതിരമ്പുഴയിലെ ഒരുവീട്ടിൽനിന്ന് സ്വർണവും പണവും മോഷണം പോയ കേസിൽ പ്രത്യേക സംഘം നടത്തിയ അന്വേഷണത്തിലാണ് ഇയാൾ കുടുങ്ങിയത്. മോഷ്ടിച്ച സ്വർണം കോട്ടയത്തുള്ള ജ്വല്ലറിയിൽ വിൽപന നടത്തുകയായിരുന്നു. ഇവിടെനിന്ന് സ്വർണവും കണ്ടെടുത്തു.
ഇയാൾക്കെതിരെ ഇടുക്കി, പത്തനംതിട്ട ജില്ലകളിലെ സ്റ്റേഷനുകളിൽ സമാനരീതിയിൽ മോഷണത്തിന് കേസുണ്ട്.ഏറ്റുമാനൂർ എസ്.എച്ച്. രാജേഷ് കുമാർ, എസ്.ഐമാരായ ദീപക്, ഷാജിമോൻ, എ.എസ്.ഐമാരായ പ്രദീപ്, ടി.വി. തോമസ്, സി.പി.ഒമാരായ സാബു മാത്യു, സ്മിജിത്ത് വാസവൻ, എന്നിവരടങ്ങുന്ന സംഘമാണ് പ്രതിയെ പിടികൂടിയത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.