1243 കോ​ടി​യു​ടെ പദ്ധതി; മലങ്കര കുടിവെള്ള പദ്ധതി നിർമാണോദ്​ഘാടനം നാളെ

കോ​ട്ട​യം: മീ​ന​ച്ചി​ൽ താ​ലൂ​ക്കി​ന്‍റെ ദാ​ഹ​മ​ക​റ്റാ​ൻ 1243 കോ​ടി​യു​ടെ മ​ല​ങ്ക​ര-​മീ​ന​ച്ചി​ല്‍ കു​ടി​വെ​ള്ള പ​ദ്ധ​തി​ക്ക് ശ​നി​യാ​ഴ്ച തു​ട​ക്ക​മാ​കും. 42,230 കു​ടും​ബ​ങ്ങ​ള്‍ക്ക്​ ശു​ദ്ധീ​ക​രി​ച്ച കു​ടി​വെ​ള്ളം ല​ഭ്യ​മാ​ക്കു​ക​യാ​ണ് ല​ക്ഷ്യം. ജ​ല അ​തോ​റി​റ്റി സം​സ്ഥാ​ന​ത്ത്​ ന​ട​പ്പാ​ക്കു​ന്ന ഏ​റ്റ​വും വ​ലി​യ പ്രോ​ജ​ക്ടു​ക​ളി​ലൊ​ന്നാ​ണ് 1243 കോ​ടി​യു​ടെ മ​ല​ങ്ക​ര-​മീ​ന​ച്ചി​ൽ ജ​ൽ ജീ​വ​ൻ പ​ദ്ധ​തി. ജ​ല​വി​ത​ര​ണ ശൃം​ഖ​ല​ക്ക്​ 2085 കി​ലോ​മീ​റ്റ​ർ പൈ​പ്പ് ലൈ​നു​ക​ളാ​ണ് സ്ഥാ​പി​ക്കു​ക. 154 ജ​ല​സം​ഭ​രണിയും ഇ​തി​നാ​യി സ്ഥാ​പി​ക്കും. ക​ട​നാ​ട്, രാ​മ​പു​രം, ഭ​ര​ണ​ങ്ങാ​നം, മീ​ന​ച്ചി​ൽ, ത​ല​പ്പു​ലം, മേ​ലു​കാ​വ്, മൂ​ന്നി​ല​വ്, ത​ല​നാ​ട്, തി​ട​നാ​ട്, പൂ​ഞ്ഞാ​ർ, പൂ​ഞ്ഞാ​ർ തെ​ക്കേ​ക്ക​ര, കൂ​ട്ടി​ക്ക​ൽ എ​ന്നീ പ​ഞ്ചാ​യ​ത്തു​ക​ള്‍ക്ക്​ ജ​ൽ ജീ​വ​ൻ പ​ദ്ധ​തി​യു​ടെ പ്ര​യോ​ജ​നം ല​ഭി​ക്കും.

പ​ഞ്ചാ​യ​ത്തു​ക​ളി​ലെ കു​ടി​വെ​ള്ള ക​ണ​ക്ഷ​നി​ല്ലാ​ത്ത എ​ല്ലാ വീ​ട്ടി​ലും ക​ണ​ക്ഷ​ൻ ന​ല്‍കും. ശ​നി​യാ​ഴ്ച പാ​ലാ ടൗ​ൺ ഹാ​ളി​ൽ ന​ട​ക്കു​ന്ന ച​ട​ങ്ങി​ൽ ജ​ല​വി​ഭ​വ മ​ന്ത്രി റോ​ഷി അ​ഗ​സ്റ്റി​ൻ പ​ദ്ധ​തി​യു​ടെ നി​ർ​മാ​ണോ​ദ്ഘാ​ട​നം നി​ർ​വ​ഹി​ക്കും. മ​ന്ത്രി വി.​എ​ൻ. വാ​സ​വ​ൻ അ​ധ്യ​ക്ഷ​ത വ​ഹി​ക്കും. ചീ​ഫ്​ വി​പ്പ്​ ഡോ. ​എ​ൻ. ജ​യ​രാ​ജ്, എം.​പി​മാ​രാ​യ തോ​മ​സ്​ ചാ​ഴി​കാ​ട​ൻ, ആ​ന്‍റോ ആ​ന്‍റ​ണി, ഡീ​ൻ കു​ര്യാ​ക്കോ​സ്, എം.​എ​ൽ.​എ​മാ​രാ​യ സെ​ബാ​സ്റ്റ്യ​ൻ കു​ള​ത്തു​ങ്ക​ൽ, മാ​ണി സി. ​കാ​പ്പ​ൻ, പി.​ജെ. ​ജോ​സ​ഫ്, ജി​ല്ല പ​ഞ്ചാ​യ​ത്ത്​ പ്ര​സി​ഡ​ന്‍റ്​ കെ.​വി്​ ബി​ന്ദു, ക​ല​ക്ട​ർ വി. ​വി​ഘ്​​നേ​ശ്വ​രി തുടങ്ങിയവർ പ​ങ്കെ​ടു​ക്കും.