സിൽവർലൈനിന്‍റെ ട്രാക്ക്​ തെറ്റിച്ച മാടപ്പള്ളിയുടെ ചെറുത്തുനിൽപ്

ച​ങ്ങ​നാ​ശ്ശേ​രി: സി​ൽ​വ​ർ​ലൈ​ൻ വി​രു​ദ്ധ സ​മ​ര​പോ​രാ​ട്ട​ത്തി​ന്‍റെ മു​ഖ​മാ​യി മാ​ട​പ്പ​ള്ളി മാ​റി​യി​ട്ട്​ വെ​ള്ളി​യാ​ഴ്ച ഒ​രു​വ​ർ​ഷം. മാ​ട​പ്പ​ള്ളി​യി​ലെ ചെ​റു​ത്തു​നി​ൽ​പ്​ സം​സ്ഥാ​നം മു​ഴു​വ​ൻ പ​ട​ർ​ന്ന​തോ​ടെ പ​ദ്ധ​തി​ക്കാ​യു​ള്ള തി​ടു​ക്കം​ താ​ൽ​ക്കാ​ലി​ക​മാ​യെ​ങ്കി​ലും സ​ർ​ക്കാ​റി​ന്​ ഉ​​പേ​ക്ഷി​ക്കേ​ണ്ടി​വ​ന്നു. പ​ഞ്ചാ​യ​ത്തി​ലെ റീ​ത്തു​പ​ള്ളി​ക്കു മു​ന്‍വ​ശ​ത്ത് ന​ട​ന്ന കെ-​റെ​യി​ല്‍ സി​ല്‍വ​ര്‍ലൈ​ന്‍ വി​രു​ദ്ധ സ​മ​ര​ത്തെ പൊ​ലീ​സ് അ​തി​ക്രൂ​ര​മാ​യി അ​ടി​ച്ച​മ​ര്‍ത്തി​യ​തോ​ടെ​യാ​ണ് സ​മ​രം ശ്ര​ദ്ധാ​കേ​ന്ദ്ര​മാ​യ​ത്. പ്ര​തി​ഷേ​ധ​വു​മാ​യി നി​ര​ന്ന നാ​ട്ടു​കാ​രെ മ​ര്‍ദി​ക്കു​ക​യും സ്ത്രീ​ക​ള​ട​ക്ക​മു​ള്ള​വ​രെ റോ​ഡി​ലൂ​ടെ വ​ലി​ച്ചി​ഴ​ക്കു​ക​യും കൂ​ട്ട​മാ​യി അ​റ​സ്റ്റ്​ ചെ​യ്യു​ക​യും ചെ​യ്തു. സ​മ​ര​ത്തി​നെ​തി​രാ​യ പൊ​ലീ​സ് ന​ട​പ​ടി സം​സ്ഥാ​ന​ത്താ​കെ​യും നി​യ​മ​സ​ഭ​യി​ലും ച​ര്‍ച്ച​യാ​യി. പ്ര​തി​ഷേ​ധാ​ഗ്നി സം​സ്ഥാ​ന​ത്താ​കെ പ​ട​രു​ക​യും പ്ര​തി​ഷേ​ധ​ങ്ങ​ള്‍ ശ​ക്ത​മാ​വു​ക​യും ചെ​യ്തു.

ക​ഴി​ഞ്ഞ​വ​ർ​ഷം മാ​ര്‍ച്ച് 17നാ​യി​രു​ന്നു സം​ഭ​വം. ക​ല്ലി​ടാ​ന്‍ ഉ​ദ്യോ​ഗ​സ്ഥ​ർ എ​ത്തു​മെ​ന്ന വി​വ​ര​ത്തെ​തു​ട​ർ​ന്ന്​ ​നാ​ട്ടു​കാ​ർ മ​നു​ഷ്യ​മ​തി​ല്‍ തീ​ര്‍ത്ത് പ്ര​തി​ഷേ​ധി​ച്ചു.

11.30ഓ​ടെ ക​ല്ലി​ടു​ന്ന വാ​ഹ​നം എ​ത്തി​യ​തി​നെ തു​ട​ര്‍ന്ന് പ്ര​തി​ഷേ​ധം ശ​ക്ത​മാ​യി. നാ​ട്ടു​കാ​ര്‍ വാ​ഹ​നം ത​ട​യു​ക​യും വ​ണ്ടി​യു​ടെ ചി​ല്ല് അ​ടി​ച്ചു​പൊ​ട്ടി​ക്കു​ക​യും ചെ​യ്തു. തു​ട​ര്‍ന്ന് ഇ​വ​ര്‍ സ്ഥ​ല​ത്തു​നി​ന്നും പി​ന്‍വാ​ങ്ങി. തു​ട​ര്‍ന്ന് വ​ൻ പൊ​ലീ​സ്​ സം​ഘ​ത്തി​ന്‍റെ അ​ക​മ്പ​ടി​യോ​ടെ വീ​ണ്ടും സ്ഥ​ല​ത്തെ​ത്തി​യ ഉ​ദ്യോ​ഗ​സ്ഥ​ർ ബ​ല​മാ​യി ക​ല്ലി​ടാ​ൻ ആ​രം​ഭി​ച്ചു. ഇ​ത്​ ത​ട​യാ​ൻ ശ്ര​മി​ച്ച രാ​ഷ്ട്രീ​യ​ക്കാ​ര​ട​ക്ക​മു​ള്ള സ​മ​ര​സ​മി​തി നേ​താ​ക്ക​ളെ പൊ​ലീ​സ് ബ​ല​മാ​യി അ​റ​സ്റ്റ് ചെ​യ്തു നീ​ക്കി. മു​ണ്ടു​കു​ഴി ഈ​യ്യാ​ലി​ല്‍ തെ​ക്കേ​തി​ല്‍ റോ​സ്​​ലി​ന്‍ ഫി​ലി​പ്പി​നെ റോ​ഡി​ലൂ​ടെ വ​ലി​ച്ചി​ഴ​ച്ചു. ഈ ​സ​മ​യം വാ​വി​ട്ടു നി​ല​വി​ളി​ക്കു​ന്ന ഇ​വ​രു​ടെ മ​ക​ള്‍ സോ​മി​യ നാ​ടി​ന്റെ​യാ​കെ വേ​ദ​ന​യാ​യി മാ​റി​യി​രു​ന്നു. ഇ​തോ​ടെ സ​ർ​ക്കാ​റും പൊ​ലീ​സും പ്ര​തി​രോ​ധ​ത്തി​ലാ​യി. കോ​ൺ​ഗ്ര​സും ബി.​ജെ.​പി​യും സ​മ​രം ഏ​റ്റെ​ടു​ത്തു. ഇ​തി​നൊ​പ്പം പ​ദ്ധ​തി​ക്കെ​തി​രെ ജ​ന​രോ​ഷ​വും ശ​ക്ത​മാ​യി.

പ്ര​തി​ഷേ​ധ​ങ്ങ​ളു​ടെ പേ​രി​ല്‍ നൂ​റു​ക​ണ​ക്കി​നാ​ളു​ക​ളു​ടെ പേ​രി​ല്‍ കേ​സെ​ടു​ത്തു. റോ​സ്‌​ലി​ന്‍ ഫി​ലി​പ്പി​ന്‍റെ പേ​രി​ല്‍ ജു​വ​നൈ​ന്‍ ജ​സ്റ്റി​സ് ആ​ക്ട് പ്ര​കാ​ര​വും കേ​സെ​ടു​ത്തു. പ്ര​തി​പ​ക്ഷ നേ​താ​വ് വി.​ഡി. സ​തീ​ശ​ന്‍, മു​ന്‍ മു​ഖ്യ​മ​ന്ത്രി ഉ​മ്മ​ന്‍ ചാ​ണ്ടി, കേ​ന്ദ്ര​മ​ന്ത്രി വി. ​മു​ര​ളീ​ധ​ര​ന്‍, ര​മേ​ശ് ചെ​ന്നി​ത്ത​ല തു​ട​ങ്ങി നി​ര​വ​ധി രാ​ഷ്ട്രീ​യ നേ​താ​ക്ക​ൾ മാ​ട​പ്പ​ള്ളി​യി​ലേ​ക്കെ​ത്തി. പി​ന്നാ​ലെ സ​മ​ര​സ​മി​തി ജി​ല്ല ക​മ്മി​റ്റി​യു​ടെ ആ​ഭി​മു​ഖ്യ​ത്തി​ല്‍ ഏ​പ്രി​ല്‍ 20 മു​ത​ല്‍ സ​ത്യ​ഗ്ര​ഹ സ​മ​രം ആ​രം​ഭി​ക്കു​ക​യും ചെ​യ്തു. ഇ​ത്​ തു​ട​രു​ക​യാ​ണ്.