അങ്കത്തട്ടേറാൻ പോരാളികളൊരുങ്ങി

കോ​ട്ട​യം: പാ​ർ​ല​മെ​ന്‍റ്​ തെ​ര​ഞ്ഞെ​ടു​പ്പ്​ പ്ര​ചാ​ര​ണ​ത്തി​ൽ ഏ​റെ ദൂ​രം മു​ന്നി​ലോ​ടു​ക​യാ​ണ്​ എ​ൽ.​ഡി.​എ​ഫ്​ സ്ഥാ​നാ​ർ​ഥി തോ​മ​സ്​ ചാ​ഴി​കാ​ട​ൻ. നേ​ര​ത്തേ സ്ഥാ​നാ​ർ​ഥി​ത്വം പ്ര​ഖ്യാ​പി​ച്ച​താ​ണ്​ ഇ​ദ്ദേ​ഹ​ത്തി​ന്​ പ്ര​ചാ​ര​ണ​രം​ഗ​ത്ത്​ ഗു​ണ​മാ​യ​ത്. എ​ന്നാ​ൽ, അ​തൊ​ന്നും വി​ജ​യ​സാ​ധ്യ​ത​യെ ബാ​ധി​ക്കു​ന്ന വി​ഷ​യ​ങ്ങ​ള​ല്ലെ​ന്ന്​ പ​റ​ഞ്ഞ്​ മു​ന്നേ​റു​ക​യാ​ണ്​ യു.​ഡി.​എ​ഫ്​ സ്ഥാ​നാ​ർ​ഥി ഫ്രാ​ൻ​സി​സ്​ ജോ​ർ​ജ്. വൈ​കി​യെ​ത്തി​യ എ​ൻ.​ഡി.​എ സ്ഥാ​നാ​ർ​ഥി തു​ഷാ​ർ വെ​ള്ളാ​പ്പ​ള്ളി ഇ​വ​ർ​ക്കൊ​പ്പ​മെ​ത്താ​നു​ള്ള ഓ​ട്ട​പ്പാ​​ച്ചി​ലി​ലും. തി​ങ്ക​ളാ​ഴ്ച ന​ട​ക്കു​ന്ന റോ​ഡ്​ ഷോ​യോ​ടെ തു​ഷാ​ർ ക​ള​ത്തി​ലി​റ​ങ്ങും.

തോ​മ​സ്​ ചാ​ഴി​കാ​ട​ൻ കോ​ട്ട​യം, ഏ​റ്റു​മാ​നൂ​ർ നി​യോ​ജ​ക മ​ണ്ഡ​ല​ങ്ങ​ളി​ൽ സൗ​ഹൃ​ദ സ​ന്ദ​ർ​ശ​ന​ത്തോ​ടെ​യാ​ണ്​ ഞാ​യ​റാ​ഴ്ച​ത്തെ പ​ര്യ​ട​ന​ത്തി​ന്​ തു​ട​ക്ക​മി​ട്ട​ത്. വ​രും ദി​വ​സ​ങ്ങ​ളി​ല്‍ സൗ​ഹൃ​ദ സ​ന്ദ​ര്‍ശ​ന​ങ്ങ​ള്‍ കൂ​ടു​ത​ല്‍ മ​ണ്ഡ​ല​ങ്ങ​ളി​ലേ​ക്ക് വ്യാ​പി​പ്പി​ക്കാ​നും പ​ര​മാ​വ​ധി വോ​ട്ട​ര്‍മാ​രെ കാ​ണാ​നു​മാ​ണ് എ​ൽ.​ഡി.​എ​ഫ് നീ​ക്കം.

കോ​ട്ട​യം എ​സ്.​എ​ച്ച് മൗ​ണ്ട് ക്നാ​നാ​യ ക​ത്തോ​ലി​ക്ക പ​ള്ളി​യി​ലെ ഊ​ട്ടു​നേ​ർ​ച്ച​യി​ൽ പ​ങ്കെ​ടു​ക്കാ​നെ​ത്തി​യ ഫ്രാ​ൻ​സി​സ്​ ജോ​ർ​ജ് വി​ശ്വാ​സി​ക​ളെ നേ​രി​ൽ ക​ണ്ട് സൗ​ഹൃ​ദ​സം​ഭാ​ഷ​ണം ന​ട​ത്തി. പു​തി​യ വോ​ട്ട​ർ​മാ​രു​മാ​യും സം​വ​ദി​ച്ചു.

ഊ​ട്ടു​നേ​ർ​ച്ച​ക്കെ​ത്തി​യ എ​തി​ർ സ്ഥാ​നാ​ർ​ഥി തോ​മ​സ് ചാ​ഴി​കാ​ട​നു​മാ​യി അ​ൽ​പ​​നേ​രം കു​ശ​ലാ​ന്വേ​ഷ​ണം ന​ട​ത്തി​യ ശേ​ഷ​മാ​ണ് മ​ട​ങ്ങി​യ​ത്. തു​ട​ർ​ന്ന് സം​ക്രാ​ന്തി ലി​റ്റി​ൽ ഫ്ല​വ​ർ പ​ള്ളി, പാ​ക്കി​ൽ കാ​ര​മൂ​ട് പ​ള്ളി, പാ​ലാ​യി​ലെ വി​വി​ധ പ്ര​ദേ​ശ​ങ്ങ​ൾ എ​ന്നി​വി​ട​ങ്ങ​ൾ സ​ന്ദ​ർ​ശി​ച്ചു.

തു​ഷാ​ർ വെ​ള്ളാ​പ്പ​ള്ളി സ്ഥാ​നാ​ർ​ഥി​ത്വം പ്ര​ഖ്യാ​പി​ച്ച ഉ​ട​ൻ മ​ത​മേ​ല​ധ്യ​ക്ഷ​രെ​യും ആ​ത്മീ​യ-​സാ​മു​ദാ​യി​ക നേ​താ​ക്ക​ളെ​യും സ​ന്ദ​ർ​ശി​ച്ചി​രു​ന്നു. ഞാ​യ​റാ​ഴ്ച പാ​ലാ, ക​ടു​ത്തു​രു​ത്തി മ​ണ്ഡ​ല​ങ്ങ​ളി​ലെ വോ​ട്ട​ർ​മാ​രെ നേ​രി​ൽ​ക്ക​ണ്ട് വോ​ട്ട് അ​ഭ്യ​ർ​ഥി​ച്ചു. തി​ങ്ക​ളാ​ഴ്ച വൈ​കീ​ട്ട്​ നാ​ലി​ന്​ പൊ​ലീ​സ് പ​രേ​ഡ് ഗ്രൗ​ണ്ടി​ൽ​നി​ന്ന്​ തി​രു​ന​ക്ക​ര​യി​ലേ​ക്ക്​ ന​ട​ത്തു​ന്ന റോ​ഡ് ഷോ​യോ​ടെ പ​ര​സ്യ​പ്ര​ചാ​ര​ണ​ത്തി​ന് തു​ട​ക്ക​മാ​കും.

ബി.​ജെ.​പി കേ​ര​ള പ്ര​ഭാ​രി പ്ര​കാ​ശ്​ ജാ​വ്​​ദേ​ക്ക​ർ ഉ​ദ്​​ഘാ​ട​നം ​ചെ​യ്യും. എ​ൻ.​ഡി.​എ സം​സ്ഥാ​ന-​ജി​ല്ല നേ​താ​ക്ക​ൾ ഷോ​യി​ൽ പ​ങ്കെ​ടു​ക്കും.