വോട്ട പ്രദക്ഷിണം

ക​ന്നി വോ​ട്ട​ർ​മാ​ർ​ക്കൊ​പ്പം ഹോ​ളി ആ​ഘോ​ഷി​ച്ച് ​ഫ്രാ​ൻ​സി​സ്​ ജോ​ർ​ജ്​

കോ​ട്ട​യം: നി​റ​ങ്ങ​ൾ വാ​രി​വി​ത​റി​യ ഹോ​ളി ആ​ഘോ​ഷ​ത്തി​നി​ട​യി​ൽ സി.​എം.​എ​സ് കോ​ള​ജി​ലെ​ത്തി​യ യു.​ഡി.​എ​ഫ് സ്ഥാ​നാ​ർ​ഥി അ​ഡ്വ. കെ. ​ഫ്രാ​ൻ​സി​സ് ജോ​ർ​ജി​ന് തു​റ​ന്ന ജീ​പ്പി​ൽ സ്വീ​ക​ര​ണ​മൊ​രു​ക്കി വി​ദ്യാ​ർ​ഥി​ക​ൾ. സ്ഥാ​നാ​ർ​ഥി​യോ​ടൊ​പ്പം കേ​ര​ള കോ​ൺ​ഗ്ര​സ് ചെ​യ​ർ​മാ​ൻ പി.​ജെ. ജോ​സ​ഫി​ന്‍റെ മ​ക​നും പാ​ർ​ട്ടി​യു​ടെ ഉ​ന്ന​താ​ധി​കാ​ര സ​മി​തി അം​ഗ​വു​മാ​യ അ​പു ജോ​ൺ ജോ​സ​ഫും പ​ങ്കു​ചേ​ർ​ന്നു.

കേ​ര​ള കോ​ൺ​ഗ്ര​സ് സ്ഥാ​പ​ക നേ​താ​വാ​യ കെ.​എം. ജോ​ർ​ജി​ന്‍റെ മ​ക​നാ​യ സ്ഥാ​നാ​ർ​ഥി​ക്കു​വേ​ണ്ടി പാ​ർ​ട്ടി ചെ​യ​ർ​മാ​നാ​യ പി.​ജെ. ജോ​സ​ഫി​ന്‍റെ മ​ക​ൻ അ​പു പാ​ട്ട് പാ​ടി​യാ​ണ് വി​ദ്യാ​ർ​ഥി​ക​ളോ​ട് വോ​ട്ട് അ​ഭ്യ​ർ​ഥ​ന ന​ട​ത്തി​യ​ത്. കെ.​എ​സ്.​യു ജി​ല്ല പ്ര​സി​ഡ​ന്‍റ്​ കെ.​എ​ൻ. നൈ​സാം, സം​സ്ഥാ​ന ഭാ​ര​വാ​ഹി ജി​ത്തു ജോ​സ്, യ​ശ്വ​ന്ത് പി. ​നാ​യ​ർ, പാ​ർ​ഥി​വ് സ​ലി​മോ​ൻ, അ​ശ്വി​ൻ സാ​ബു, ദേ​വ ദേ​വ്, മു​ഹ​മ്മ​ദ് റി​സ്വാ​ൻ എ​ന്നി​വ​ർ സ്ഥാ​നാ​ർ​ഥി​യെ അ​നു​ഗ​മി​ച്ചു.

വോട്ടര്‍മാരെ നേരില്‍ക്കണ്ട് ചാഴികാടൻ

കോ​ട്ട​യം: ലോ​ക്‌​സ​ഭ മ​ണ്ഡ​ലം എ​ൽ.​ഡി.​എ​ഫ്​ സ്ഥാ​നാ​ർ​ഥി തോ​മ​സ് ചാ​ഴി​കാ​ട​ന്റെ ര​ണ്ടാം​ഘ​ട്ട പ്ര​ചാ​ര​ണം ആ​വേ​ശ​ക​ര​മാ​യി മു​ന്നേ​റു​ക​യാ​ണ്. പ​ര​മാ​വ​ധി വോ​ട്ട​ര്‍മാ​രെ നേ​രി​ല്‍ ക​ണ്ട് വോ​ട്ട​ഭ്യ​ർ​ഥി​ക്കു​ന്ന തി​ര​ക്കി​ലാ​ണ് സ്ഥാ​നാ​ർ​ഥി. തി​ങ്ക​ളാ​ഴ്ച പാ​ലാ നി​യോ​ജ​ക മ​ണ്ഡ​ല​ത്തി​ലാ​യി​രു​ന്നു സൗ​ഹൃ​ദ സ​ന്ദ​ര്‍ശ​നം. രാ​വി​ലെ 10ന്​ ​കൊ​ട്ടാ​ര​മ​റ്റം ബ​സ്​​സ്റ്റാ​ന്‍ഡി​ല്‍ നി​ന്നാ​യി​രു​ന്നു സ​ന്ദ​ര്‍ശ​നം തു​ട​ങ്ങി​യ​ത്. കേ​ര​ള കോ​ണ്‍ഗ്ര​സ് എം ​ചെ​യ​ര്‍മാ​ന്‍ ജോ​സ് കെ. ​മാ​ണി എം.​പി​യും പാ​ര്‍ട്ടി നേ​താ​ക്ക​ളും ഒ​പ്പ​മു​ണ്ടാ​യി​രു​ന്നു.

താ​ലൂ​ക്ക് ആ​ശു​പ​ത്രി, പാ​ലാ​യി​ലെ സ്വ​കാ​ര്യ ആ​ശു​പ​ത്രി​ക​ള്‍, മ​ഠ​ങ്ങ​ള്‍, ആ​രാ​ധ​നാ​ല​യ​ങ്ങ​ള്‍ എ​ന്നി​വി​ട​ങ്ങ​ളി​ലും സ്ഥാ​നാ​ർ​ഥി എ​ത്തി. സോ​ഷ്യ​ല്‍ മീ​ഡി​യ​യി​ലും എ​ല്‍.​ഡി.​എ​ഫ് പ്ര​ചാ​ര​ണം ശ​ക്ത​മാ​ണ്.

ആരാധനാലയങ്ങൾ സന്ദർശിച്ച്​ തുഷാർ

കോ​ട്ട​യം: എ​ൻ.​ഡി.​എ സ്ഥാ​നാ​ർ​ഥി തു​ഷാ​ർ ​വെ​ള്ളാ​പ്പ​ള്ളി അ​യ​ർ​കു​ന്ന​ത്താ​ണ്​ തി​ങ്ക​ളാ​ഴ്ച പ​ര്യ​ട​നം ന​ട​ത്തി​യ​ത്. രാ​വി​ലെ ഒ​മ്പ​തി​ന്​ മ​ണ​ർ​കാ​ട് ദേ​വീ​ക്ഷേ​ത്ര​ത്തി​ൽ പ്രാ​ർ​ഥ​ന​യോ​ടെ​യാ​യി​രു​ന്നു ആ​രം​ഭം. ​തു​ട​ർ​ന്ന്​ തു​രു​ത്തി​പ്പ​ള്ളി കാ​വ് ദേ​വീ​ക്ഷേ​ത്രം, മ​റ്റ​ക്ക​ര മ​ഞ്ഞ​ക്കാ​വ് ആ​ശ്ര​മം എ​ന്നി​വി​ട​ങ്ങ​ളി​ലെ​ത്തി പ്രാ​ർ​ഥി​ച്ചു. സേ​വാ​ഭാ​ര​തി ജി​ല്ല പ്ര​സി​ഡ​ന്റ്‌ എം.​എ. രാ​ജീ​വു​മാ​യി വീ​ട്ടി​ലെ​ത്തി കൂ​ടി​ക്കാ​ഴ്ച ന​ട​ത്തി. ളാ​ക്കാ​ട്ടൂ​ർ എ​ൻ.​എ​സ്.​എ​സ്​ ക​ര​യോ​ഗം, മാ​ട​പ്പാ​ട് ശാ​ന്തി​ഗി​രി ആ​ശ്ര​മം, എ​സ്.​എ​ൻ. പു​രം ക്ഷേ​ത്രം, ഇ​ട​ക്കാ​ട്ടു​കു​ന്നു​പ​ള്ളി, മ​ണ​ർ​കാ​ട് ഇ​ല്ലം എ​ന്നി​വി​ട​ങ്ങ​ൾ സ​ന്ദ​ർ​ശി​ച്ചു.