തദ്ദേശ തെരഞ്ഞെടുപ്പിന്​ സജ്ജമായി ജില്ല

പോ​ളി​ങ്​ ദി​വ​സ​മാ​യ ചൊ​വ്വാ​ഴ്ച പൊ​തു​അ​വ​ധി

കോ​ട്ട​യം: ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ളി​ലേ​ക്കു​ള്ള തെ​ര​ഞ്ഞെ​ടു​പ്പി​നാ​യി ജി​ല്ല ഒ​രു​ങ്ങി​യ​താ​യി ജി​ല്ല തെ​ര​ഞ്ഞെ​ടു​പ്പ് ഉ​ദ്യോ​ഗ​സ്ഥ​ൻ കൂ​ടി​യാ​യ ക​ല​ക്ട​ർ ചേ​ത​ൻ​കു​മാ​ർ മീ​ണ അ​റി​യി​ച്ചു. ചൊ​വ്വാ​ഴ്​​ച രാ​വി​ലെ ഏ​ഴു മു​ത​ൽ വൈ​കീ​ട്ട്​ ആ​റു​വ​രെ​യാ​ണ് പോ​ളി​ങ്. ആ​റു​മ​ണി വ​രെ വ​രി​യി​ൽ നി​ൽ​ക്കു​ന്ന​വ​ർ​ക്ക് ടോ​ക്ക​ൺ ന​ൽ​കി വോ​ട്ട് ചെ​യ്യാ​ൻ അ​വ​സ​ര​മൊ​രു​ക്കും. തെ​ര​ഞ്ഞെ​ടു​പ്പി​ന്‍റെ പ​ര​സ്യ പ്ര​ചാ​ര​ണം ഞാ​യാ​റാ​ഴ്ച വൈ​കീ​ട്ട്​ ആ​റി​ന്​ അ​വ​സാ​നി​ച്ചു. പോ​ളി​ങ്​ ദി​വ​സം ജി​ല്ല​യി​ൽ പൊ​തു​അ​വ​ധി​യാ​യി​രി​ക്കും. തെ​ര​ഞ്ഞെ​ടു​പ്പ് സാ​മ​ഗ്രി​ക​ളു​ടെ വി​ത​ര​ണ, സ്വീ​ക​ര​ണ കേ​ന്ദ്ര​ങ്ങ​ളാ​യും പോ​ളി​ങ്​ ബൂ​ത്തു​ക​ളാ​യും പ്ര​വ​ർ​ത്തി​ക്കു​ന്ന സ്ഥാ​പ​ന​ങ്ങ​ൾ​ക്ക് തി​ങ്ക​ൾ, ചൊ​വ്വ ദി​വ​സ​ങ്ങ​ളി​ല്‍ അ​വ​ധി​യാ​യി​രി​ക്കും.

ആ​കെ 1611 വാ​ർ​ഡു​ക​ൾ;​ ജ​ന​വി​ധി തേ​ടി 5281 പേ​ർ

ജി​ല്ല പ​ഞ്ചാ​യ​ത്ത്, 11 ബ്ലോ​ക്ക്​ പ​ഞ്ചാ​യ​ത്തു​ക​ൾ, 71 ഗ്രാ​മ​പ​ഞ്ചാ​യ​ത്തു​ക​ൾ, ആ​റു ന​ഗ​ര​സ​ഭ​ക​ൾ എ​ന്നി​വ​യു​ൾ​പ്പെ​ടെ 89 ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ളി​ലെ 1611 നി​യോ​ജ​ക​മ​ണ്ഡ​ല​ങ്ങ​ളി​ലേ​ക്കാ​ണ് ജി​ല്ല​യി​ൽ തെ​ര​ഞ്ഞെ​ടു​പ്പ്. ആ​കെ 1925 ബൂ​ത്തു​ക​ൾ സ​ജ്ജ​മാ​ക്കി​യി​ട്ടു​ണ്ട്. ജി​ല്ല​യി​ൽ ആ​കെ 16,41,249 വോ​ട്ട​ര്‍മാ​രാ​ണു​ള്ള​ത്. സ്ത്രീ​ക​ൾ- 8,56,321; പു​രു​ഷ​ന്മാ​ർ- 7,84,842; ട്രാ​ൻ​സ്‌​ജെ​ൻ​ഡ​റു​ക​ൾ- 13; പ്ര​വാ​സി വോ​ട്ട​ർ​മാ​ർ- 73 ആ​കെ സ്ഥാ​നാ​ർ​ഥി​ക​ൾ- 5281. ജി​ല്ല പ​ഞ്ചാ​യ​ത്ത്- 83, ബ്ലോ​ക്ക് പ​ഞ്ചാ​യ​ത്ത്- 489, ഗ്രാ​മ​പ​ഞ്ചാ​യ​ത്ത്- 4032, ന​ഗ​ര​സ​ഭ- 677

പോ​ളി​ങ്​ സാ​മ​ഗ്രി​ക​ളു​ടെ വി​ത​ര​ണം ഇ​ന്ന്​

വോ​ട്ടെ​ണ്ണ​ല്‍ യ​ന്ത്ര​ങ്ങ​ളി​ല്‍ സ്ഥാ​നാ​ർ​ഥി​ക​ളു​ടെ പേ​രും ചി​ഹ്ന​വു​മു​ള്ള ബാ​ല​റ്റ് പേ​പ്പ​ർ പ​തി​ച്ച് കാ​ൻ​ഡി​ഡേ​റ്റ് സെ​റ്റി​ങ്​ പൂ​ർ​ത്തി​യാ​ക്കി വോ​ട്ടു​യ​ന്ത്ര​ങ്ങ​ൾ സ്വീ​ക​ര​ണ-​വി​ത​ര​ണ​കേ​ന്ദ്ര​ങ്ങ​ളി​ലെ സ്‌​ട്രോ​ങ്​ റൂ​മു​ക​ളി​ല്‍ സൂ​ക്ഷി​ച്ചി​രി​ക്കു​ക​യാ​ണ്. തി​ങ്ക​ളാ​ഴ്ച രാ​വി​ലെ എ​ട്ടു മു​ത​ൽ 11 ബ്ലോ​ക്കു​ക​ളി​ലും ആ​റു ന​ഗ​ര​സ​ഭ​ക​ളി​ലു​മു​ള്ള കേ​ന്ദ്ര​ങ്ങ​ളി​ല്‍ പോ​ളി​ങ്​ സാ​മ​ഗ്രി​ക​ളു​ടെ വി​ത​ര​ണം ആ​രം​ഭി​ക്കും. ഉ​ദ്യോ​ഗ​സ്ഥ​രെ പോ​ളി​ങ്​ സ്റ്റേ​ഷ​നു​ക​ളി​ൽ എ​ത്തി​ക്കാ​ൻ 724 വാ​ഹ​ന​ങ്ങ​ൾ സ​ജ്ജ​മാ​ക്കി​യി​ട്ടു​ണ്ട്. (ബ​സ്- 269, മി​നി ബ​സ്- 96, ട്രാ​വ​ല​ർ- 88, കാ​ർ/​ജീ​പ്പ്- 271 ). സെ​ക്ട​റ​ൽ ഓ​ഫി​സ​ർ​മാ​ർ​ക്കാ​യി 134 വാ​ഹ​ന​ങ്ങ​ള്‍ ഏ​ര്‍പ്പെ​ടു​ത്തി​യി​ട്ടു​ണ്ട്.

9514 ബാ​ല​റ്റ് യൂ​നി​റ്റു​ക​ള്‍; 3403 ക​ൺ​ട്രോ​ൾ യൂ​നി​റ്റു​ക​ള്‍

പ​ഞ്ചാ​യ​ത്തു​ക​ളി​ൽ ഉ​പ​യോ​ഗി​ക്കു​ന്ന ഇ​ല​ക്‌​ട്രോ​ണി​ക് വോ​ട്ടു​ന്ത്ര​ത്തി​ന് ഒ​രു ക​ൺ​ട്രോ​ൾ യൂ​നി​റ്റും മൂ​ന്നു ബാ​ല​റ്റ് യൂ​നി​റ്റു​ക​ളും ഉ​ണ്ടാ​യി​രി​ക്കും. വോ​ട്ടി​ങ്​ ക​മ്പാ​ർ​ട്ട്‌​മെ​ന്‍റി​ൽ വെ​ച്ചി​ട്ടു​ള്ള മൂ​ന്നു ബാ​ല​റ്റ് യൂ​നി​റ്റു​ക​ൾ ഗ്രാ​മ​പ​ഞ്ചാ​യ​ത്ത്, ബ്ലോ​ക്ക് പ​ഞ്ചാ​യ​ത്ത്, ജി​ല്ല പ​ഞ്ചാ​യ​ത്ത് എ​ന്നീ ക്ര​മ​ത്തി​ലാ​ണ് സ​ജ്ജീ​ക​രി​ക്കു​ക. ന​ഗ​ര​സ​ഭ​ക​ളി​ൽ ഒ​രു ക​ൺ​ട്രോ​ൾ യൂ​നി​റ്റും ഒ​രു ബാ​ല​റ്റ് യൂ​നി​റ്റു​മാ​ണ് ഉ​പ​യോ​ഗി​ക്കു​ന്ന​ത്.

ഒ​രു ബാ​ല​റ്റ് യൂ​നി​റ്റി​ൽ 15 വ​രെ സ്ഥാ​നാ​ർ​ഥി​ക​ളെ​യാ​ണ് ക്ര​മീ​ക​രി​ക്കു​ന്ന​ത്. 9514 ബാ​ല​റ്റ് യൂ​നി​റ്റു​ക​ളും 3403 ക​ൺ​ട്രോ​ൾ യൂ​നി​റ്റു​ക​ളും സ​ജ്ജ​മാ​ണ്. ഡ്യൂ​ട്ടി​ക്ക് 9272 ഉ​ദ്യോ​ഗ​സ്ഥ​ർ, തെ​ര​ഞ്ഞെ​ടു​പ്പ് ന​ട​പ​ടി​ക​ളി​ല്‍ ഹ​രി​ത​ച​ട്ട പാ​ല​നം ഉ​റ​പ്പാ​ക്ക​ണ​മെ​ന്ന് ക​ല​ക്ട​ര്‍ നി​ര്‍ദേ​ശി​ച്ചു.