ലാറ്റെക്​സ്​ വില 160ൽ; റബർ മേഖലക്ക്​ ഉണർവ്

കോ​ട്ട​യം: റ​ബ​ർ മേ​ഖ​ല​ക്ക്​ ഉ​ണ​ർ​വ്​ ന​ൽ​കി ലാ​റ്റെ​ക്​​സ്​ വി​ല 160ലെ​ത്തി. ഒ​രു മാ​സം മു​മ്പു​വ​രെ 110-115ലാ​ണ്​ നി​ന്നി​രു​ന്ന​ത്. ക​ഴി​ഞ്ഞ ര​ണ്ടാ​ഴ്ച​ക്കി​ടെ​യാ​ണ്​​ 25 രൂ​പ വ​ർ​ധ​ന​വു​ണ്ടാ​യ​ത്. വ​ട​ക്കേ ഇ​ന്ത്യ​ൻ ക​മ്പ​നി​ക​ളി​ൽ​നി​ന്ന്​ കൂ​ടു​ത​ൽ ആ​വ​ശ്യം വ​ന്ന​തും ക​യ​റ്റു​മ​തി​യി​ൽ വ​ർ​ധ​ന​വു​ണ്ടാ​യ​തു​മാ​ണ്​​ വി​ല കൂ​ടാ​ൻ കാ​ര​ണം.

ഏ​താ​നും​നാ​ൾ വി​ല ഉ​യ​ർ​ന്നു​ത​ന്നെ നി​ൽ​ക്കു​മെ​ന്നാ​ണ്​ വ്യാ​പാ​രി​ക​ൾ ന​ൽ​കു​ന്ന വി​വ​രം. കോ​വി​ഡ്​ കാ​ല​ത്ത്​ സ​ർ​ജി​ക്ക​ൽ ഗ്ലൗ​സി​ന്​ ആ​വ​ശ്യ​മേ​റി​യ​തോ​ടെ വി​ല ഉ​യ​ർ​ന്നി​രു​ന്നു. 2021 മേ​യി​ൽ ലാ​റ്റ​ക്സി​ന് 188 രൂ​പ​യാ​യി​രു​ന്നു. അ​ടു​ത്തി​ടെ​യു​ണ്ടാ​യ ഏ​റ്റ​വും വ​ലി​യ വ​ർ​ധ​ന​യാ​യി​രു​ന്നു ഇ​ത്. അ​തി​നു​മു​മ്പ്​ കു​റ​ഞ്ഞ്​ 90 രൂ​പ വ​രെ ആ​യി​ട്ടു​മു​ണ്ട്. റ​ബ്ബ​ർ ഷീ​റ്റാ​ക്കാ​തെ ലാ​റ്റ​ക്സാ​യി​ത്ത​ന്നെ വി​ൽ​ക്കു​ന്ന​വ​രു​ടെ എ​ണ്ണം ഓ​രോ വ​ർ​ഷ​വും വ​ർ​ധി​ക്കു​ന്നു​വെ​ന്നാ​ണ് റ​ബ​ർ ബോ​ർ​ഡി​ന്‍റെ​യും റ​ബ​ർ ഉ​ൽ​പാ​ദ​ക സം​ഘ​ങ്ങ​ളു​ടെ​യും ക​ണ​ക്കു​ക​ൾ സൂ​ചി​പ്പി​ക്കു​ന്ന​ത്.

ജി​ല്ല​യി​ലും ലാ​റ്റെ​ക്സ്​ ഉ​ൽ​പാ​ദി​പ്പി​ക്കു​ന്ന​വ​രാ​ണ്​ കൂ​ടു​ത​ൽ. 60 ശ​ത​മാ​നം ലാ​റ്റെ​ക്സും 40​ ശ​ത​മാ​നം റ​ബ​ർ ഷീ​റ്റു​മാ​ണ്​ അ​ധി​കം പേ​രും ഉ​ൽ​പാ​ദി​പ്പി​ക്കു​ന്ന​ത്. ഷീ​റ്റ്​ റ​ബ​ർ ഉ​ണ്ടാ​ക്കാ​ൻ​ ജോ​ലി ഭാ​ര​വും ചെ​ല​വും കൂ​ടു​ത​ലാ​ണ്. എ​ന്നാ​ൽ ലാ​റ്റെ​ക്സി​ന്​ അ​തി​ല്ല. അ​തു​കൊ​ണ്ടു​​ത​​ന്നെ ​വെ​ട്ടു​കാ​ർ​ക്കും താ​ൽ​പ​ര്യം ലാ​റ്റെ​ക്സാ​ണ്. സ്വ​ന്ത​മാ​യി വെ​ട്ടു​ന്ന​വ​രും വ​ലി​യ തോ​ട്ട​ങ്ങ​ളു​ള്ള​വ​രും മാ​ത്ര​മാ​ണ്​ ഷീ​റ്റി​ൽ ​കേ​ന്ദ്രീ​ക​രി​ക്കു​ന്ന​ത്.

ക​ർ​ഷ​ക​ർ​ക്ക്​ കി​ട്ടു​ന്ന​ത്​ 145 രൂ​പ

ലാ​റ്റെ​ക്​​സ്​ വി​ല ഉ​യ​ർ​ന്നെ​ങ്കി​ലും ക​ർ​ഷ​ക​ർ​ക്ക്​ പ്ര​യോ​ജ​ന​മി​ല്ല. ലാ​റ്റെ​ക്​​സ്​ സം​ഭ​രി​ക്കു​ന്ന​വ​ർ 160 രൂ​പ​ക്കാ​ണ്​ ഫാ​ക്ട​റി​ക​ൾ​ക്ക്​ ന​ൽ​കു​ന്ന​തെ​ങ്കി​ലും ക​ർ​ഷ​ക​ന്​ കി​ട്ടു​ന്ന​ത്​ 142 -145 രൂ​പ മാ​ത്ര​മാ​ണ്. വേ​ന​ലാ​യ​തി​നാ​ൽ റ​ബ​ർ ഉ​ൽ​പാ​ദ​നം കു​റ​വാ​ണ്. മ​ഴ കി​ട്ടി​യാ​ലേ ടാ​പ്പി​ങ്​ ആ​രം​ഭി​ക്കാ​നാ​വൂ. ഇ​പ്പോ​ൾ 20 ശ​ത​മാ​നം മാ​ത്ര​മേ ടാ​പ്പി​ങ്​ ന​ട​ത്തു​ന്നു​ള്ളൂ. വെ​ട്ടു​കാ​രെ ന​ഷ്ട​പ്പെ​ടാ​തി​രി​ക്കാ​ൻ ടാ​പ്പി​ങ്​ ന​ട​ത്തു​ന്ന​വ​രു​മു​ണ്ട്. നി​ല​വി​ൽ വി​റ്റ​ഴി​ക്കു​ന്ന​ത്​ നേ​ര​ത്തേ സ്​​റ്റോ​ക്ക്​ ചെ​യ്​​തി​രു​ന്ന ലാ​റ്റെ​ക്സാ​ണ്. വ​ലി​യ തോ​തി​ൽ വെ​ട്ട്​ ഉ​ള്ള​വ​ർ​ക്ക്​ ചെ​റി​യ വി​ല​യി​ൽ ലാ​റ്റെ​ക്സ്​ വി​റ്റാ​ൽ ന​ഷ്ട​മാ​ണ്.

വെ​ട്ടു​കൂ​ലി​യെ​ങ്കി​ലും തി​രി​ച്ചു​കി​ട്ടാ​ൻ വി​ല കൂ​ടു​ന്ന​ത്​ നോ​ക്കി സ്​​റ്റോ​ക്ക്​ ചെ​യ്യാ​നാ​വും. അ​ത്ത​ര​ക്കാ​രും ഇ​പ്പോ​ൾ ലാ​റ്റെ​ക്സ്​ വി​റ്റ​ഴി​ക്കു​ന്നു. അ​തേ സ​മ​യം റ​ബ​ർ ഷീ​റ്റ്​ വി​ല​യി​ൽ കാ​ര്യ​മാ​യ വ​ർ​ധ​ന​യി​ല്ല. ആ​ർ.​എ​സ്.​എ​സ്​ നാ​ലി​ന്​ 152 രൂ​പ​യും ആ​ർ.​എ​സ്.​എ​സ്​ അ​ഞ്ചി​ന്​ 150 രൂ​പ​യു​മാ​ണ് റ​ബ​ർ​ബോ​ർ​ഡ്​ ഇ​ന്ന​ലെ ന​ൽ​കി​യ​ത്. വി​ല സ്ഥി​ര​ത ഫ​ണ്ട്​ കി​ട്ടി​യാ​ൽ ലാ​റ്റെ​ക്സ്​ വി​ല കു​റ​ഞ്ഞാ​ലും ക​ർ​ഷ​ക​ന്​ പി​ടി​ച്ചു​നി​ൽ​ക്കാം. എ​ന്നാ​ൽ, ആ​ർ​ക്കും ഈ ​തു​ക ല​ഭി​ച്ചി​ട്ടി​ല്ല.

ബോ​ർ​ഡി​ന്‍റെ നി​രീ​ക്ഷ​ണം വേ​ണം

ലാ​റ്റെ​ക്സി​ന്‍റെ വി​ല​യി​ടി​ക്കാ​നു​ള്ള ശ്ര​മ​ങ്ങ​ൾ നി​രീ​ക്ഷി​ക്കാ​നും നി​യ​ന്ത്രി​ക്കാ​നും സം​വി​ധാ​നം വേ​ണ​മെ​ന്നാ​ണ്​ ക​ർ​ഷ​ക​രു​​ടെ ആ​വ​ശ്യം. വി​ല കൂ​ടു​ത​ലാ​ണെ​ന്ന്​ ക​ണ്ടാ​ൽ സം​ഘ​ങ്ങ​ൾ സം​ഭ​ര​ണം നി​ർ​ത്തി​വെ​ക്കും.

ഇ​തോ​ടെ ലാ​റ്റെ​ക്സി​ന്‍റെ വി​ല​യി​ടി​യും. ലാ​റ്റെ​ക്സി​ന്‍റെ വി​ശ്വാ​സ്യ​ത ഉ​റ​പ്പി​ക്കാ​ൻ ന​ട​പ​ടി വേ​ണം.​ ക​മ്പ​നി​ക​ൾ വ്യ​ത്യ​സ്ത നി​ര​ക്കി​ലാ​ണ്​ ലാ​റ്റെ​ക്സ്​ സ്വീ​ക​രി​ക്കു​ന്ന​തെ​ന്നും ഇ​ത്​ ഏ​കീ​ക​രി​ക്ക​ണ​മെ​ന്നും ക​ർ​ഷ​ക​ർ പ​റ​യു​ന്നു.