മൂവാറ്റുപുഴയാറിന്‍റെ തീരത്ത് മണ്ണിടിച്ചിൽ

ത​ല​യോ​ല​പ്പ​റ​മ്പ്: മൂ​വാ​റ്റു​പു​ഴ​യാ​റി​ന്‍റെ തീ​ര​ത്തു​ണ്ടാ​യ മ​ണ്ണി​ടി​ച്ചി​ലി​ൽ ക​ട​ക​ൾ​ക്ക്​ നാ​ശം. വെ​ള്ളൂ​ർ റെ​യി​ൽ​വേ മേ​ൽ​പാ​ല​ത്തി​ന് സ​മീ​പ​മാ​യി​രു​ന്നു സം​ഭ​വം. സ​മീ​പ​ത്തെ കെ​ട്ടി​ടം ഭാ​ഗി​ക​മാ​യി ത​ക​ർ​ന്നു. ഇ​തി​ൽ പ്ര​വ​ർ​ത്തി​ക്കു​ന്ന ക​ള്ളു​​ഷാ​പ്പി​ന്‍റെ​യും ആ​ക്രി​ക്ക​ട​യു​ടെ​യും ഒ​രു​ഭാ​ഗം മൂ​വാ​റ്റു​പു​ഴ ആ​റി​ലേ​ക്ക് പ​തി​ച്ചു.

ഞാ​യ​റാ​ഴ്ച ഉ​ച്ച​ക്ക്​ 12ഓ​ടെ​യാ​ണ്​ ഷാ​പ്പി​ന്‍റെ പ​കു​തി ഭാ​ഗ​ത്തോ​ളം മൂ​വാ​റ്റു​പു​ഴ ആ​റി​ലേ​ക്ക് പ​തി​ച്ച​ത്. ഈ​സ​മ​യം ഷാ​പ്പി​ൽ ഉ​ണ്ടാ​യി​രു​ന്ന​വ​ർ ഓ​ടി​മാ​റി​യ​തി​നാ​ൽ വ​ലി​യ അ​പ​ക​ടം ഒ​ഴി​വാ​യി. വെ​ള്ളൂ​ർ പു​ലി​യ​പ്പു​റം ഷാ​ഹു​ൽ ഹ​മീ​ദി​ന്‍റെ ആ​ക്രി​ക്ക​ട​യു​ടെ പ​കു​തി ഭാ​ഗ​വും ആ​റ്റി​ൽ പ​തി​ച്ചു. ഇ​തി​നൊ​പ്പം ആ​ക്രി​സാ​ധ​ന​ങ്ങ​ളും ഒ​ലി​ച്ചു​പോ​യി. എ​ട്ടു​​ല​ക്ഷം രൂ​പ​യു​ടെ ആ​ക്രി​സാ​ധ​ന​ങ്ങ​ൾ വെ​ള്ള​ത്തി​ൽ പോ​യ​താ​യി ഷാ​ഹു​ൽ​ഹ​മീ​ദ് പ​റ​ഞ്ഞു. ഷാ​ഹു​ൽ ഹ​മീ​ദി​ന്റെ വീ​ടും അ​പ​ക​ട ഭീ​ഷ​ണി​യി​ലാ​ണ്. മ​ണ്ണി​ടി​ച്ചി​ൽ തു​ട​ർ​ന്നാ​ൽ റെ​യി​ൽ​വേ മേ​ൽ​പാ​ല​ത്തി​നും അ​പ​ക​ട​മാ​ണെ​ന്ന്​ നാ​ട്ടു​കാ​ർ പ​റ​യു​ന്നു. റെ​യി​ൽ​വേ അ​ധി​കൃ​ത​രും റ​വ​ന്യൂ, പ​ഞ്ചാ​യ​ത്ത് അ​ധി​കൃ​ത​രും ഉ​ട​ൻ ന​ട​പ​ടി സ്വീ​ക​രി​ക്ക​ണ​മെ​ന്ന്​ നാ​ട്ടു​കാ​ർ ആ​വ​ശ്യ​പ്പെ​ടു​ന്നു.

മൂ​വാ​റ്റു​പു​ഴ ആ​റി​ന്‍റെ വെ​ള്ളൂ​ർ മു​ത​ൽ വെ​ട്ടി​ക്കാ​ട്ടു​മു​ക്ക് പാ​ലം വ​രെ പ​ല​ത​വ​ണ മ​ണ്ണി​ടി​ച്ചി​ലു​ണ്ടാ​യി​ട്ടും ന​ട​പ​ടി സ്വീ​ക​രി​ക്കു​ന്നി​ല്ലെ​ന്നും ആ​ക്ഷേ​പ​മു​ണ്ട്. പ​ല​ത​വ​ണ നാ​ട്ടു​കാ​ർ പ​രാ​തി ന​ൽ​കി​യി​രു​ന്നു. തീ​ര​ത്തെ ക​ട​ക​ൾ, വീ​ടു​ക​ൾ, റോ​ഡു​ക​ൾ എ​ന്നി​വ അ​പ​ക​ട ഭീ​ഷ​ണി​യി​ലാ​ണെ​ന്നും ഇ​വ​ർ ചൂ​ണ്ടി​ക്കാ​ട്ടു​ന്നു. കൂ​ടു​ത​ൽ നാ​ശ​ന​ഷ്ട​ങ്ങ​ൾ സം​ഭ​വി​ക്കാ​തെ ഉ​ട​ൻ ന​ട​പ​ടി സ്വീ​ക​രി​ക്ക​ണ​മെ​ന്നാ​ണ്​ നാ​ട്ടു​കാ​രു​ടെ ആ​വ​ശ്യം. വെ​ള്ളൂ​ർ പ​ഞ്ചാ​യ​ത്ത് പ്ര​സി​ഡ​ന്റ് നി​കി​ത കു​മാ​റും വെ​ള്ളൂ​ർ പൊ​ലീ​സും റ​വ​ന്യൂ ഉ​ദ്യോ​ഗ​സ്ഥ​രും സ്ഥ​ല​ത്തെ​ത്തി.