കുറ്റിപ്ലാങ്ങാട് ഗവ. ഹയർ സെക്കൻഡറി സ്കൂൾ; കെട്ടിട നിർമാണം പ്രഖ്യാപനത്തിൽ മാത്രം

കൊ​ക്ക​യാ​ർ: പ​ഞ്ചാ​യ​ത്തി​ലെ ഏ​ക സ​ർ​ക്കാ​ർ സ്കൂ​ളാ​യ കു​റ്റി​പ്ലാ​ങ്ങാ​ട് ഹ​യ​ർ സെ​ക്ക​ൻ​ഡ​റി സ്കൂ​ളി​ന്‍റെ കെ​ട്ടി​ട നി​ർ​മാ​ണ​ത്തി​ന് ഒ​മ്പ​തു​കോ​ടി രൂ​പ അ​നു​വ​ദി​ച്ച്​ ഉ​ദ്ഘാ​ട​നം ന​ട​ത്തി അ​ഞ്ചാം വ​ർ​ഷ​ത്തി​ലേ​ക്ക്​ ക​ട​ക്കു​മ്പോ​ഴും പ​ദ്ധ​തി തു​ട​ങ്ങാ​ൻ ക​ഴി​യാ​തെ​പോ​യ അ​ധി​കാ​രി​ക​ൾ മൗ​ന​ത്തി​ലാ​ണ്.

അ​ധി​കാ​രി​ക​ളു​ടെ വാ​ക്കി​ൽ വി​ശ്വ​സി​ച്ച്​ നൂ​റ്റാ​ണ്ടി​ന്‍റെ പ​ഴ​ക്ക​മു​ള്ള കെ​ട്ടി​ടം പൊ​ളി​ച്ചു​നീ​ക്കി കാ​ത്തി​രി​പ്പ്​ ഇ​പ്പോ​ഴും തു​ട​രു​ക​യാ​ണ്. 2019-20 സാ​മ്പ​ത്തി​ക​വ​ർ​ഷം അ​ന്ന​ത്തെ എം.​എ​ൽ.​എ ഇ.​എ​സ്. ബി​ജി​മോ​ളു​ടെ ആ​സ്തി​വി​ക​സ​ന ഫ​ണ്ടി​ൽ​നി​ന്ന്​ ഒ​മ്പ​തു കോ​ടി അ​നു​വ​ദി​ച്ചെ​ന്ന പ്ര​ഖ്യാ​പ​ന​മാ​ണ് ന​ട​ക്കാ​തെ പോ​യ​ത്.

ജി​ല്ല പ​ഞ്ചാ​യ​ത്തി​നാ​യി​രു​ന്നു നി​ർ​മാ​ണ ന​ട​ത്തി​പ്പ് അ​വ​കാ​ശം. 2021 ഫെ​ബ്രു​വ​രി ര​ണ്ടി​ന് നി​ർ​മാ​ണോ​ദ്ഘാ​ട​നം ന​ട​ത്തി ശി​ലാ​ഫ​ല​കം സ്ഥാ​പി​ച്ച​ത​ല്ലാ​തെ ഒ​രു​ന​ട​പ​ടി​യും പി​ന്നീ​ട് ഉ​ണ്ടാ​യി​ല്ല. സ്ഥാ​പി​ച്ച ശി​ലാ​ഫ​ല​ക​വും പൊ​ളി​ച്ചു​നീ​ക്കി​യ കെ​ട്ടി​ട​ഭാ​ഗ​ത്ത് അ​വ​ശി​ഷ്ട​ങ്ങ​ൾ​ക്കി​ട​യി​ൽ സൂ​ക്ഷി​ച്ചി​ട്ടു​ണ്ട്.

ഒ​രു​കാ​ല​ത്ത് ആ​യി​ര​ത്തോ​ളം കു​ട്ടി​ക​ൾ പ​ഠി​ച്ച വി​ദ്യാ​ല​യ​മാ​ണി​ത്. മ​ല അ​ര​യ​ർ മാ​ത്രം താ​മ​സി​ച്ചി​രു​ന്ന മേ​ഖ​ല​യി​ൽ നൂ​റ്റാ​ണ്ട്​ മു​മ്പ്​ മ​ല​അ​ര​യ മൂ​പ്പ​ന്മാ​ർ റാ​ണി ല​ക്ഷ്മി ഭാ​യി ത​മ്പു​രാ​ട്ടി​ക്ക് ചേ​മ്പ​ല​യി​ലെ​ഴു​തി ന​ൽ​കി​യ നി​വേ​ദ​ന​ത്തി​ന്‍റെ അ​ടി​സ്ഥാ​ന​ത്തി​ൽ അ​നു​വ​ദി​ച്ച സ്കൂ​ളും മേ​ഖ​ല​യി​ലെ ഏ​റ്റ​വും പ​ഴ​ക്ക​മേ​റി​യ​തു​മാ​ണ് കു​റ്റി​പ്ലാ​ങ്ങാ​ട് സ്കൂ​ൾ.

ഒ​ന്നും ര​ണ്ടും ക്ലാ​സു​ക​ൾ പ്ര​വ​ർ​ത്തി​ച്ചി​രു​ന്ന മു​റി​ക​ളും ഓ​ഫി​സ് മു​റി​യു​മാ​ണ് പു​തി​യ കെ​ട്ടി​ട​ത്തി​നാ​യി പൊ​ളി​ച്ചു​നീ​ക്കി​യ​ത്. ഇ​തോ​ടെ ഇ​വ​രെ മ​റ്റൊ​രു ക്ലാ​സ് മു​റി​യി​ലേ​ക്ക് മാ​റ്റി. ഇ​പ്പോ​ഴും അ​സൗ​ക​ര്യ​ങ്ങ​ൾ​ക്ക് ന​ടു​വി​ലാ​ണ് ഈ ​ക്ലാ​സു​ക​ൾ പ്ര​വ​ർ​ത്തി​ക്കു​ന്ന​ത്. കൊ​ക്ക​യാ​ർ, കൂ​ട്ടി​ക്ക​ൽ, പെ​രു​വ​ന്താ​നം പ​ഞ്ചാ​യ​ത്തു​ക​ളി​ൽ​നി​ന്നാ​ണ് കു​ട്ടി​ക​ൾ ഏ​റെ​യും ഇ​വി​ടെ എ​ത്തു​ന്ന​ത്.

അ​ഞ്ചു​വ​ർ​ഷം മു​മ്പ്​ ത​യാ​റാ​ക്കി​യ എ​സ്റ്റി​മേ​റ്റ് പ്ര​കാ​രം ഇ​നി നി​ർ​മാ​ണം ന​ട​ത്താ​നാ​വി​ല്ലെ​ന്നും പു​തി​യ ഫ​ണ്ട്​ ക​ണ്ടെ​ത്ത​ണ​മെ​ന്നും പ​റ​ഞ്ഞ് ഒ​ഴി​യു​ക​യാ​ണ്​ ജ​ന​പ്ര​തി​നി​ധി​ക​ൾ. ആ​വ​ശ്യം ഉ​ന്ന​യി​ച്ച്​ പി.​ടി.​എ പ​ല​ത​വ​ണ ജ​ന​പ്ര​തി​നി​ധി​ക​ളെ സ​മീ​പി​ച്ച​പ്പോ​ൾ ‘ഇ​പ്പം ശ​രി​യാ​ക്കി​ത്ത​രാ​മെ​ന്ന’ മ​റു​പ​ടി ആ​വ​ർ​ത്തി​ച്ച​ല്ലാ​തെ ന​ട​പ​ടി ഒ​ന്നും ഉ​ണ്ടാ​യി​ട്ടി​ല്ല. അ​ധി​കാ​രി​ക​ൾ അ​നാ​സ്ഥ വെ​ടി​ഞ്ഞ് കെ​ട്ടി​ടം നി​ർ​മി​ക്ക​ണ​മെ​ന്നാ​ണ് നാ​ടി​ന്‍റെ ആ​വ​ശ്യം.