കുറിച്ചി കവർച്ച: തൊണ്ടിമുതൽ കണ്ടെത്താനാകാതെ പൊലീസ്

കോ​ട്ട​യം: കു​റി​ച്ചി​യി​ലെ ധ​ന​കാ​ര്യ​സ്ഥാ​പ​ന​ത്തി​ൽ മോ​ഷ​ണം ന​ട​ത്തി​യ കേ​സി​ലെ മു​ഖ്യ​പ്ര​തി ഇ​പ്പോ​ഴും ഒ​ളി​വി​ൽ. കൂ​ട്ടു​പ്ര​തി പ​ത്ത​നം​തി​ട്ട ക​ല​ഞ്ഞൂ​ർ സ്വ​ദേ​ശി അ​നീ​ഷ്​ ആ​ന്‍റ​ണി പി​ടി​യി​ലാ​യെ​ങ്കി​ലും ആ​സൂ​ത്ര​ക​നാ​യ മു​ഖ്യ​പ്ര​തി​യെ കി​ട്ടാ​ത്ത​തി​നാ​ൽ തൊ​ണ്ടി​മു​ത​ൽ ക​ണ്ടെ​ത്താ​നാ​യി​ട്ടി​ല്ല. 15 മോ​ഷ​ണ​ക്കേ​സു​ള്ള ഇ​യാ​ൾ തോ​ക്ക്​ അ​ട​ക്കം ആ​യു​ധ​ങ്ങ​ൾ കൈ​വ​ശം​വെ​ച്ചു ന​ട​ക്കു​ന്ന​യാ​ളാ​ണ്. ഇ​യാ​ളെ സ​ഹാ​യി​ക്കു​ക മാ​​ത്ര​മാ​ണ്​ പി​ടി​യി​ലാ​യ അ​നീ​ഷ്​ ആ​ന്‍റ​ണി ചെ​യ്തി​ട്ടു​ള്ള​ത്. മോ​ഷ്ടി​ച്ച സ്വ​ർ​ണം എ​വി​ടെ​യാ​ണെ​ന്ന്​ അ​നീ​ഷി​ന്​ അ​റി​വി​ല്ല.

കു​റ​ച്ച്​ പ​ണം മാ​​ത്ര​മേ ന​ൽ​കി​യി​ട്ടു​ള്ളൂ എ​ന്നാ​ണ്​ അ​നീ​ഷ്​ ചോ​ദ്യം ചെ​യ്യ​ലി​ൽ വെ​ളി​പ്പെ​ടു​ത്തി​യ​ത്. പ​ത്ത​നം​തി​ട്ട, കൊ​ല്ലം ജി​ല്ല​ക​ൾ കേ​ന്ദ്രീ​ക​രി​ച്ച്​ മു​ഖ്യ​പ്ര​തി​ക്കാ​യി അ​ന്വേ​ഷ​ണം തു​ട​രു​ക​യാ​ണ്. കു​റി​ച്ചി​യി​ലെ മോ​ഷ​ണ​ത്തി​നു​ശേ​ഷം സ​മാ​ന രീ​തി​യി​ൽ കൊ​ട​ക​ര​യി​ൽ ഇ​വ​ർ മോ​ഷ​ണ​ശ്ര​മം ന​ട​ത്തി​യി​രു​ന്നു. ലോ​ക്ക​ർ ത​ക​ർ​ക്കാ​ൻ ക​ഴി​യാ​തി​രു​ന്ന​തി​നാ​ൽ ക​വ​ർ​ച്ച ശ്ര​മം വി​ജ​യി​ച്ചി​ല്ല. ഇ​തു സം​ബ​ന്ധി​ച്ച അ​ന്വേ​ഷ​ണ​ത്തി​ലാ​ണ്​ കു​റി​ച്ചി​യി​ലെ സം​ഘം ത​ന്നെ​യാ​ണ്​ ഇ​വി​ടെ​യും എ​ത്തി​യ​തെ​ന്നു വ്യ​ക്ത​മാ​യ​ത്.

ചോ​ദ്യം ചെ​യ്യാ​ൻ വി​ളി​ച്ചു​വ​രു​ത്തി അ​നീ​ഷി​നെ എ​റ​ണാ​കു​ള​ത്തു​വെ​ച്ച്​​ അ​റ​സ്റ്റ്​ ചെ​യ്യു​ക​യാ​യി​രു​ന്നു. ഇ​യാ​ൾ വ​ന്ന ബൈ​ക്കും ക​സ്റ്റ​ഡി​യി​ലെ​ടു​ത്തി​രു​ന്നു. തു​ട​ർ​ന്ന്​ കൂ​ട​ൽ പൊ​ലീ​സ്​ സ്​​റ്റേ​ഷ​ൻ പ​രി​ധി​യി​ലു​ള്ള മു​ഖ്യ​പ്ര​തി​യു​ടെ വി​വ​ര​ങ്ങ​ൾ അ​വി​ടു​ത്തെ പൊ​ലീ​സി​നു കൈ​മാ​റി. വി​ളി​പ്പി​ച്ച​ത​നു​സ​രി​ച്ച്​ സ്​​റ്റേ​ഷ​നി​ലെ​ത്തി​യ ഇ​യാ​ൾ സം​ശ​യം തോ​ന്നി അ​നീ​ഷി​നെ ഫോ​ണി​ൽ വി​ളി​ച്ചു. അ​നീ​ഷി​ന്‍റെ ഫോ​ൺ സ്വി​ച്ച്​ ഓ​ഫ്​ ആ​യി​രു​ന്ന​തി​നാ​ൽ അ​പ​ക​ടം മ​ണ​ത്ത്​ സ്​​റ്റേ​ഷ​നി​ൽ​നി​ന്ന്​ ഓ​ടി ക​ട​ന്നു​ക​ള​യു​ക​യാ​യി​രു​ന്നു. കു​പ്ര​സി​ദ്ധ ക്രി​മി​ന​ലാ​യി​ട്ടും കേ​സ്​ വി​വ​ര​ങ്ങ​ൾ അ​റി​ഞ്ഞി​ട്ടും കൂ​ട​ൽ പൊ​ലീ​സ്​ ഇ​യാ​ളെ വി​ളി​ച്ചു​വ​രു​ത്തു​​മ്പോ​ൾ മു​ൻ​ക​രു​ത​ലെ​ടു​ത്തി​​ല്ലെ​ന്ന ആ​ക്ഷേ​പം അ​ന്വേ​ഷ​ണ​സം​ഘ​ത്തി​നു​ണ്ട്.

കു​റി​ച്ചി മ​ന്ദി​രം ജ​ങ്​​ഷ​നി​ലെ സു​ധ ഫി​നാ​ൻ​സി​ൽ​നി​ന്നാ​ണ്​ ആ​ഗ​സ്റ്റ്​ അ​ഞ്ച്, ആ​റ്​ തീ​യ​തി​ക​ളി​ലാ​യി​ 1.25 കോ​ടി​യു​ടെ സ്വ​ർ​ണ​വും എ​ട്ടു ല​ക്ഷം രൂ​പ​യും മോ​ഷ്ടി​ച്ച​ത്. ആ​ദ്യ​ദി​വ​സം സ്വ​ർ​ണം പൂ​ർ​ണ​മാ​യി ​​​കൊ​ണ്ടു​പോ​കാ​ൻ ക​ഴി​ഞ്ഞി​ല്ല. ര​ണ്ടാം ദി​വ​സം ബാ​ക്കി​യു​ള്ള​തും എ​ടു​ത്ത്​ ബൈ​ക്കി​ൽ മ​ട​ങ്ങു​ക​യാ​യി​രു​ന്നു. അ​റ​സ്റ്റി​ലാ​യ അ​നീ​ഷി​നെ ക​സ്റ്റ​ഡി​യി​ൽ വാ​ങ്ങി ചോ​ദ്യം ചെ​യ്തി​രു​ന്നു. നാ​ലു​ദി​വ​സ​ത്തെ ക​സ്റ്റ​ഡി​ക്കു​ശേ​ഷം ക​ഴി​ഞ്ഞ ദി​വ​സം കോ​ട​തി​യി​ൽ ഹാ​ജ​രാ​ക്കി.