കായിക സ്വപ്നങ്ങൾക്ക് കരുത്താകാൻ കുന്നുംഭാഗം സ്പോർട്സ് സ്കൂൾ ഒരുങ്ങുന്നു

കാ​ഞ്ഞി​ര​പ്പ​ള്ളി: കി​ഴ​ക്ക​ൻ മേ​ഖ​ല​യു​ടെ കാ​യി​ക സ്വ​പ്ന​ങ്ങ​ൾ​ക്ക് ക​രു​ത്താ​കാ​ൻ കാ​ഞ്ഞി​ര​പ്പ​ള്ളി കു​ന്നും​ഭാ​ഗം ഗ​വ. സ്പോ​ർ​ട്സ് സ്കൂ​ൾ ഒ​രു​ങ്ങു​ന്നു. 27.70 കോ​ടി ചെ​ല​വി​ൽ കി​ഫ്ബി മു​ഖേ​ന​യാ​ണ് നി​ല​വി​ലെ കു​ന്നും​ഭാ​ഗം ഗ​വ. സ്കൂ​ളി​ൽ ന​ട​ത്തു​ന്ന നി​ർ​മാ​ണ പ്ര​വ​ർ​ത്ത​ന​ങ്ങ​ൾ. പു​തി​യ സ്പോ​ർ​ട്സ് സ്കൂ​ളി​ൽ സ്പോ​ര്‍ട്സ് സ്വി​മ്മി​ങ് പൂ​ള്‍, ക്രി​ക്ക​റ്റ് നെ​റ്റ്, വോ​ളി​ബാ​ള്‍ കോ​ര്‍ട്ട്, 200 മീ​റ്റ​ര്‍ സി​ന്ത​റ്റി​ക് ട്രാ​ക്ക്, സി​ന്ത​റ്റി​ക് ഫു​ട്ബാ​ൾ ട​ര്‍ഫ്, ഹോ​സ്റ്റ​ൽ, മ​ള്‍ട്ടി​പ​ര്‍പ്പ​സ് ഇ​ന്‍ഡോ​ര്‍ കോ​ര്‍ട്ട്, കോം​ബാ​റ്റ് സ്പോ​ര്‍ട്സ് ബി​ല്‍ഡി​ങ്, ഭി​ന്ന​ശേ​ഷി സൗ​ഹൃ​ദ സ്പോ​ര്‍ട്സ് സൗ​ക​ര്യം ഉ​ണ്ടാ​കു​മെ​ന്ന്​ ചീ​ഫ് വി​പ്പ് ഡോ. ​എ​ൻ. ജ​യ​രാ​ജ് ‘മാ​ധ്യ​മ’ ത്തോ​ട് പ​റ​ഞ്ഞു കി​ഫ്ബി​യു​ടെ സ്പോ​ര്‍ട്സ് പ്ര​വൃ​ത്തി​ക​ള്‍ക്കാ​യു​ള്ള സ്പെ​ഷ​ല്‍ ഏ​ജ​ന്‍സി​യാ​യ സ്പോ​ര്‍ട്സ് കേ​ര​ള ഫൗ​ണ്ടേ​ഷ​നാ​ണ് നി​ര്‍മാ​ണ​ച്ചു​മ​ത​ല.

നി​ർ​മാ​ണ ഭാ​ഗ​മാ​യി പ​ഴ​യ സ്‌​കൂ​ള്‍ കെ​ട്ടി​ട​ങ്ങ​ളും സ്ഥ​ല​ത്തെ മ​ര​ങ്ങ​ളും നീ​ക്കി. നി​ല​വി​ലു​ണ്ടാ​യി​രു​ന്ന പ​ഴ​യ സ്‌​കൂ​ള്‍ കെ​ട്ടി​ട​ത്തി​ന് പ​ക​ര​മാ​യി എം.​എ​ല്‍.​എ ഫ​ണ്ടി​ല്‍നി​ന്ന് 3.70 കോ​ടി ചെ​ല​വ​ഴി​ച്ച് പു​തി​യ കെ​ട്ടി​ടം പൂ​ര്‍ത്തി​യാ​ക്കി​യി​രു​ന്നു. പു​തി​യ കെ​ട്ടി​ട​ത്തി​ല്‍ നി​ല​വി​ലു​ള്ള എ​ല്‍.​പി സ്‌​കൂ​ളി​ന്റെ ഒ​ന്ന് മു​ത​ല്‍ നാ​ലു​വ​രെ ക്ലാ​സു​ക​ളും ഹൈ​സ്‌​കൂ​ളി​ന്റെ അ​ഞ്ച് മു​ത​ല്‍ പ​ത്തു​വ​രെ ക്ലാ​സു​ക​ളും സ്പോ​ര്‍ട്സ് സ്‌​കൂ​ളി​ന്റെ ഏ​ഴു മു​ത​ല്‍ 10 വ​രെ ക്ലാ​സു​ക​ളും ന​ട​ത്തു​ന്ന വി​ധ​ത്തി​ലാ​ണ് പ​ദ്ധ​തി രൂ​പ​ക​ല്‍പ​ന ചെ​യ്തി​രി​ക്കു​ന്ന​ത്. സ്പോ​ര്‍ട്സ് സ്‌​കൂ​ള്‍ വി​ദ്യാ​ർ​ഥി​ക​ള്‍ക്ക് ഒ​ഴി​കെ​യു​ള്ള എ​ല്ലാ ക്ലാ​സു​ക​ളും പു​തി​യ കെ​ട്ടി​ട​ത്തി​ലേ​ക്ക് മാ​റ്റു​ക​യും ചെ​യ്തു. സ്പോ​ര്‍ട്സ് സ്‌​കൂ​ള്‍ നി​ര്‍മാ​ണം പൂ​ര്‍ത്തി​യാ​യി ക​ഴി​ഞ്ഞാ​ൽ അ​വി​ടേ​ക്കു​ള്ള പ്ര​വേ​ശ​നം പ്ര​ത്യേ​ക​മാ​യി ന​ട​ത്തും.