കെ.എസ്​.ആർ.ടി.സി ബസ്​ സ്റ്റാൻഡ്: ഇവിടെ സേഫല്ല

കോ​ട്ട​യം: അ​ശാ​ന്തി​യി​ലും അ​പ​ക​ട​സാ​ഹ​ച​ര്യ​ത്തി​ലും പൊ​റു​തി​മു​ട്ടി ന​ഗ​ര​മ​ധ്യ​ത്തി​ലെ കെ.​എ​സ്.​ആ​ർ.​ടി.​സി ബ​സ്​ സ്റ്റാ​ൻ​ഡ്. ടി.​ബി റോ​ഡി​ന്​ സ​മീ​പം​ സ്ഥി​തി​ചെ​യ്യു​ന്ന കെ.​എ​സ്.​ആ​ർ.​ടി.​സി സ്റ്റാ​ൻ​ഡ്​ പ​രി​സ​ര​ത്ത്​ ഏ​ത്​ സ​മ​യ​വും അ​പ​ക​ടം സം​ഭ​വി​ക്കാ​വു​ന്ന നി​ല​യി​ലാ​ണ്. സ്റ്റാ​ൻ​ഡി​ൽ​നി​ന്ന്​ ടി.​ബി റോ​ഡി​ലേ​ക്ക് കു​ത്ത​നെ​യു​ള്ള ചെ​രി​വാ​ണ്​ അ​പ​ക​ട​കാ​ര​ണ​മാ​കു​ന്ന​ത്. സ​മീ​പ​ത്ത് ഹോ​ട്ട​ലു​ക​ളും ഓ​ട്ടോ​റി​ക്ഷ സ്റ്റാ​ൻ​ഡു​മു​ണ്ട്.

ബ​സു​ക​ൾ ക​യ​റു​ന്ന ഭാ​ഗ​ത്ത്​ കു​ത്ത​നെ​യു​ള്ള ഇ​റ​ക്ക​മി​റ​ങ്ങി ​എ​ത്തു​ന്ന​ത്​ ഏ​ത്​ സ​മ​യ​വും വാ​ഹ​ന​ങ്ങ​ൾ ക​ട​ന്നു​പോ​കു​ന്ന ടി.​ബി റോ​ഡി​ലേ​ക്കാ​ണ്. ഇ​വി​ടെ അ​പ​ക​ടം കു​റ​ക്കാ​ൻ ഹ​മ്പു​​ക​ളോ മ​റ്റ്​ സം​വി​ധാ​ന​ങ്ങ​ളോ സ്ഥാ​പി​ച്ചി​ട്ടി​ല്ല. ക​ഴി​ഞ്ഞ​വ​ർ​ഷം ര​ണ്ട്​ ത​വ​ണ​യാ​ണ്​ നി​ർ​ത്തി​യി​ട്ടി​രു​ന്ന ബ​സ്​ പി​ന്നോ​ട്ട് ഉ​രു​ണ്ട് മ​തി​ൽ ഇ​ടി​ച്ചു ത​ക​ർ​ത്ത​ത്. കോ​ട്ട​യം പ്ര​സ് ക്ല​ബ്ബി​ന് സ​മീ​പ​ത്തെ പി.​ഡ​ബ്ല്യു ഓ​ഫീ​സി​ന്‍റെ മ​തി​ലാ​ണ് അ​പ​ക​ട​ത്തി​ൽ ത​ക​ർ​ന്ന​ത്.

അ​പ​ക​ട​ങ്ങ​ൾ ആ​ൾ​ത്തി​ര​ക്ക്​ ഒ​ഴി​ഞ്ഞ സ​മ​യ​ങ്ങ​ളി​ലാ​യ​തി​നാ​ൽ മ​റ്റ്​ അ​നി​ഷ്ട​സം​ഭ​വ​ങ്ങ​ൾ ഉ​ണ്ടാ​യി​ല്ല. നി​ർ​ത്തി​യി​ട്ടി​രു​ന്ന ബ​സ്​ പി​ന്നോ​ട്ട്​ എ​ടു​ക്കു​ന്ന​തി​നി​ടെ സ്റ്റാ​ൻ​ഡി​ന്​ പി​റ​കി​ലെ കു​ഴി​യി​ലേ​ക്ക്​ ചെ​രി​ഞ്ഞ​ത്​ ഏ​താ​നും മാ​സ​ങ്ങ​ൾ മു​മ്പാ​ണ്. തു​റ​സാ​യി കി​ട​ക്കു​ന്ന സ്റ്റാ​ൻ​ഡി​ന്​ താ​ഴെ അ​ഗാ​ധ​മാ​യ ഗ​ർ​ത്ത​ങ്ങ​ളാ​ണ്. സ്ഥ​ല​പ​രി​മി​തി മൂ​ലം ബ​സു​ക​ൾ ഇ​റ​ക്ക​ത്തി​ൽ നി​ർ​ത്തി​യി​ടു​ന്ന സാ​ഹ​ച​ര്യ​മാ​ണ്​ പ​ല​പ്പോ​ഴും. ബ​സു​ക​ൾ ക​യ​റു​മ്പോ​ഴും ഇ​റ​ങ്ങു​മ്പോ​ഴും അ​പ​ക​ടം സം​ഭ​വി​ക്കാ​നു​ള്ള സാ​ധ്യ​ത​യേ​റെ​യാ​ണ്.

ഇ​രു​ട്ടി​യാ​ൽ ഇ​വി​ടെ സേ​ഫ​ല്ല

സ്ഥ​ല​പ​രി​ച​യ​മി​ല്ലാ​തെ രാ​ത്രി​കാ​ല​ങ്ങ​ളി​ൽ സ്റ്റാ​ൻ​ഡി​ലെ​ത്തു​ന്ന​വ​ർ​ക്ക്​ ഇ​വി​ടെ മ​തി​യാ​യ സു​ര​ക്ഷ​യി​ല്ല. മി​ക്ക​വാ​റും സ​മ​യ​ങ്ങ​ളി​ൽ മ​ദ്യ​പ​രു​ടെ​യും സാ​മൂ​ഹി​ക​വി​രു​ദ്ധ​രു​ടെ​യും വി​ള​യാ​ട്ട​മാ​ണ്. യാ​ത്ര​കാ​ർ​ക്കാ​യി സ്ഥാ​പി​ച്ചി​ട്ടു​ള്ള ഇ​രി​പ്പി​ട​ങ്ങ​ളി​ൽ മ​ദ്യ​പി​ച്ചെ​ത്തു​ന്ന​വ​രും അ​ല​ഞ്ഞു​തി​രി​യു​ന്ന തെ​രു​വ്​ നാ​യ്ക്ക​ളും സ്ഥാ​നം പി​ടി​ക്കു​ന്ന​തോ​ടെ ദീ​ർ​ഘ​ദൂ​ര​യാ​ത്രി​ക​ർ ബു​ദ്ധി​മു​ട്ടി​ലാ​കു​ന്നു. വെ​ളി​ച്ച​മി​ല്ലാ​ത്ത തി​യേ​റ്റ​ർ റോ​ഡി​ൽ പ​ല​പ്പോ​ഴും സം​ഘ​ട്ട​ന​ങ്ങ​ളും ഉ​ണ്ടാ​വാ​റു​ണ്ട്. പൊ​ലീ​സ്​ പെ​ട്രോ​ളി​ങ്​ കാ​ര്യ​ക്ഷ​മ​മാ​ക്കി യാ​ത്രി​ക​രു​ടെ യാ​ത്ര​ക്ക്​ സ​രേ​ക്ഷ​യൊ​രു​ക്ക​ണ​മെ​ന്ന ആ​വ​ശ്യം ശ​ക്ത​മാ​ണ്.