സഹപ്രവർത്തകന്​ ആദരാഞ്ജലി അർപ്പിക്കാൻ കെ.എസ്​.ആർ.ടി.സി ജീവനക്കാർ പോയ ബസിന്​ വാടക ഈടാക്കിയതായി പരാതി

കോ​ട്ട​യം: ജോ​ലി​ക്ക്​ പോ​കു​ന്ന​തി​നി​ടെ കു​ഴ​ഞ്ഞു​വീ​ണു മ​രി​ച്ച സ​ഹ​പ്ര​വ​ർ​ത്ത​ക​ന്റെ മൃ​ത​ദേ​ഹ​ത്തെ അ​നു​ഗ​മി​ക്കാ​ൻ പോ​യ ജീ​വ​ന​ക്കാ​ർ സ​ഞ്ച​രി​ച്ച കെ.​എ​സ്.​ആ​ർ.​ടി.​സി ബ​സി​ന് വാ​ട​ക ഈ​ടാ​ക്കി​യ​താ​യി പ​രാ​തി. കോ​ട്ട​യം ഡി​പ്പോ​യി​ലെ ജീ​വ​ന​ക്കാ​രു​ടെ സം​ഘ​ട​ന​ക​ളാ​ണ് അ​സി. ട്രാ​ൻ​സ്പോ​ർ​ട്ട് ഓ​ഫി​സ​ർ​ക്കെ​തി​രെ (എ.​ടി.​ഒ) ഗ​താ​ഗ​ത​മ​ന്ത്രി​ക്കും എം.​ഡി​ക്കും പ​രാ​തി ന​ൽ​കി​യ​ത്. കോ​ട്ട​യം കെ.​എ​സ്.​ആ​ർ.​ടി.​സി ഡി​പ്പോ​യി​ലെ താ​ൽ​ക്കാ​ലി​ക ഡ്രൈ​വ​ർ മാ​ങ്ങാ​നം വാ​ഴ​ത്ത​റ​യി​ൽ സി​ബി സേ​വ്യ​ർ (45) ദി​വ​സ​ങ്ങ​ൾ​ക്ക്​ മു​മ്പ്​ പു​ല​ർ​ച്ച​യാ​ണ്​ ക​ഞ്ഞി​ക്കു​ഴി​യി​ൽ കു​ഴ​ഞ്ഞു​വീ​ണു മ​രി​ച്ച​ത്.

പി​റ്റേ​ന്ന്​ വൈ​കീ​ട്ട് 3.30ന്​ ​മൃ​ത​ദേ​ഹം ഡി​പ്പോ​യി​ൽ പൊ​തു​ദ​ർ​ശ​ന​ത്തി​ന്​ വെ​ച്ച​ശേ​ഷം വീ​ട്ടി​ലേ​ക്ക്​ കൊ​ണ്ടു​പോ​കു​മ്പോ​ഴാ​ണ് 50 ജീ​വ​ന​ക്കാ​ർ ബ​സി​ൽ അ​നു​ഗ​മി​ച്ച​ത്. ഒ​രു ബ​സ് സൗ​ജ​ന്യ​മാ​യി വി​ട്ടു​ത​ര​ണ​മെ​ന്ന്​ ജീ​വ​ന​ക്കാ​ർ എ.​ടി.​ഒ​യോ​ട് ആ​വ​ശ്യ​പ്പെ​ട്ടെ​ങ്കി​ലും ബ​ജ​റ്റ് ടൂ​റി​സം പ​ദ്ധ​തി​യു​ടെ ഭാ​ഗ​മാ​യി മാ​ത്ര​മേ ബ​സ് വി​ട്ടു​ത​രാ​ൻ പ​റ്റു​ക​യു​ള്ളൂ എ​ന്നു മ​റു​പ​ടി ല​ഭി​ച്ച​താ​യി പ​റ​യു​ന്നു. തു​ട​ർ​ന്ന്​ 3600 രൂ​പ ജീ​വ​ന​ക്കാ​ർ പി​രി​വെ​ടു​ത്ത് അ​ട​ച്ചാ​ണ്​ ബ​സ് കൊ​ണ്ടു​പോ​യ​ത്.

എ​ന്നാ​ൽ, പ​ണം ന​ൽ​കി മാ​ത്ര​മേ വ​ണ്ടി കൊ​ണ്ടു​പോ​കാ​ൻ സാ​ധി​ക്കൂ​യെ​ന്ന്​ താ​ൻ പ​റ​ഞ്ഞി​ട്ടി​ല്ലെ​ന്നാ​ണ്​ എ.​ടി.​ഒ​യു​ടെ വി​ശ​ദീ​ക​ര​ണം. സ്ഥി​രം​തൊ​ഴി​ലാ​ളി മ​രി​ച്ചാ​ൽ 5000 രൂ​പ കു​ടും​ബ​ത്തി​ന്​ കൈ​മാ​റും. മ​ന്ത്രി, എം.​ഡി, യൂ​നി​റ്റ് എ​ന്നി​വ​രു​ടെ പേ​രി​ൽ റീ​ത്ത് വെ​ക്കു​ക​യും ചെ​യ്യും. താ​ൽ‍ക്കാ​ലി​ക ജീ​വ​ന​ക്കാ​ർ മ​രി​ച്ചാ​ൽ ഇ​ത്ത​ര​ത്തി​ലു​ള്ള ന​ട​പ​ടി​ക​ൾ സാ​ധാ​ര​ണ ഗ​തി​യി​ലി​ല്ല. എ​ന്നാ​ൽ, കു​ടും​ബ​ത്തി​ന്റെ അ​വ​സ്ഥ പ​രി​ഗ​ണി​ച്ച്​ സി​ബി​യു​ടെ ബ​ന്ധു​വി​ന് 5000 രൂ​പ കൈ​മാ​റി​യി​രു​ന്നെ​ന്നും എ.​ടി.​ഒ വി​ശ​ദീ​ക​രി​ക്കു​ന്നു.