കോട്ടയം നഗരസഭ: തൊഴിൽ നികുതിയിനത്തിൽ പിരിക്കാനുള്ളത്​ ലക്ഷങ്ങൾ

കോ​ട്ട​യം: സാ​മ്പ​ത്തി​ക പ്ര​തി​സ​ന്ധി​യി​ൽ ന​ട്ടം തി​രി​യു​ന്ന ന​ഗ​ര​സ​ഭ കി​ട്ടാ​നു​ള്ള തു​ക പി​രി​ച്ചെ​ടു​ക്കു​ന്നി​ല്ല. 2021-22 സാ​മ്പ​ത്തി​ക വ​ർ​ഷ​ത്തി​ൽ തൊ​ഴി​ൽ​നി​കു​തി ഇ​ന​ത്തി​ൽ ജ​ന​റ​ൽ സോ​ണി​ൽ എ​ട്ടു വാ​ർ​ഡു​ക​ളു​ടെ മാ​ത്രം ​സ്ഥാ​പ​ന തൊ​ഴി​ൽ​നി​കു​തി കു​ടി​ശ്ശി​ക വ​ൻ​തു​ക​യാ​ണ് ​-8,20,980 രൂ​പ. കു​മാ​ര​ന​ല്ലൂ​ർ മേ​ഖ​ല​യി​ൽ 1,96,240 രൂ​പ​യും നാ​ട്ട​കം സോ​ണി​ൽ 98,620 രൂ​പ​യും തി​രു​വാ​തു​ക്ക​ൽ മേ​ഖ​ല ഓ​ഫി​സി​ന്​ കീ​ഴി​ൽ 58,920 രൂ​പ​യും കു​ടി​ശ്ശി​ക​യാ​ണ്.​

നാ​ട്ട​കം മേ​ഖ​ലാ കാ​ര്യാ​ല​യ​ത്തി​ന്‍റെ പ​രി​ധി​യി​ൽ വ​രു​ന്ന സ്ഥാ​പ​ന​ങ്ങ​ളി​ലെ ഉ​ദ്യോ​ഗ​സ്ഥ​രി​ൽ​നി​ന്ന്​ തൊ​ഴി​ൽ​നി​കു​തി ഈ​ടാ​ക്കി​യി​ട്ടി​ല്ല. 297 പേ​രി​ൽ​നി​ന്നാ​യി 3,30,400 രൂ​പ​യാ​ണ്​ ഈ​ടാ​ക്കാ​നു​ള്ള​ത്. മ​റ്റു 13 സ്ഥാ​പ​ന​ങ്ങ​ൾ ഉ​ദ്യോ​ഗ​സ്ഥ​രു​ടെ തൊ​ഴി​ൽ​നി​കു​തി അ​ട​ക്കാ​നു​മു​ണ്ട്. ന​ഗ​ര​സ​ഭ പ​രി​ധി​യി​ൽ സ്ഥാ​പി​ച്ച മൊ​ബൈ​ൽ ട​വ​റു​ക​ളു​ടെ വ​സ്തു നി​കു​തി കൃ​ത്യ​മാ​യി പി​രി​ച്ചെ​ടു​ക്കു​ന്നി​ല്ല.

22 ക​മ്പ​നി​ക​ളി​ൽ​നി​ന്നാ​യി 33 ല​ക്ഷം രൂ​പ​യാ​ണ്​ പി​രി​ച്ചെ​ടു​ക്കാ​നു​ള്ള​ത്. 2021-22 സാ​മ്പ​ത്തി​ക വ​ർ​ഷ​ത്തെ ഓ​ഡി​റ്റ്​ റി​പ്പോ​ർ​ട്ടി​ലാ​ണ്​ ഈ ​ക​ണ്ടെ​ത്ത​ൽ. ഇ​തു സം​ബ​ന്ധി​ച്ച്​ വി​ശ​ദീ​ക​ര​ണം ചോ​ദി​ച്ച്​ ഓ​ഡി​റ്റ്​ വി​ഭാ​ഗം കു​റി​പ്പ്​ ന​ൽ​കി​യെ​ങ്കി​ലും മ​റു​പ​ടി ല​ഭി​ച്ചി​ല്ല. പ്ര​ധാ​ന വ​രു​മാ​ന സ്രോ​ത​സ്സു​ക​ളി​ലൊ​ന്നാ​യ തൊ​ഴി​ൽ​നി​കു​തി ഈ​ടാ​ക്കു​ന്ന​തി​ൽ അ​ലം​ഭാ​വം കാ​ണി​ക്കു​ന്ന​ത്​ സാ​മ്പ​ത്തി​ക പ്ര​തി​സ​ന്ധി നേ​രി​ടു​ന്ന ന​ഗ​ര​സ​ഭ​ക്ക്​ ആ​ശാ​സ്യ​മ​ല്ലെ​ന്ന്​ ഓ​ഡി​റ്റ്​ റി​പ്പോ​ർ​ട്ടി​ൽ മു​ന്ന​റി​യി​പ്പ്​ ന​ൽ​കു​ന്നു.

വാ​ട്ട​ർ​ചാ​ർ​ജ്​ ഇ​ന​ത്തി​ലും വ​ൻ​ന​ഷ്ടം

മു​നി​സി​പ്പ​ൽ ക്വാ​ർ​​ട്ടേ​ഴ്​​സു​ക​ളി​ലെ 11 വാ​ട്ട​ർ​ക​ണ​ക്ഷ​നു​ക​ളി​ലെ 2002 മു​ത​ലു​ള്ള കു​ടി​ശ്ശി​ക 1,10,864 രൂ​പ അ​ട​ച്ച​ത്​ ന​ഗ​ര​സ​ഭ​യാ​ണ്. ക്വാ​ർ​ട്ടേ​ഴ്​​സു​ക​ൾ ഉ​പ​യോ​ഗി​ച്ചി​രു​ന്ന ജീ​വ​ന​ക്കാ​ർ അ​ട​ക്കേ​ണ്ടി​യി​രു​ന്ന തു​ക​യാ​ണി​ത്. ഇ​വ​രെ ക​​ണ്ടെ​ത്തി നോ​ട്ടീ​സ്​ ന​ൽ​കി തു​ക ഈ​ടാ​ക്കാ​ൻ ന​ട​പ​ടി സ്വീ​ക​രി​ക്ക​ണ​മെ​ന്ന്​ റ​വ​ന്യൂ ഓ​ഫി​സ​ർ​ക്ക്​ 2021 ആ​ഗ​സ്റ്റി​ൽ സെ​ക്ര​ട്ട​റി ഉ​ത്ത​ര​വ്​ ന​ൽ​കി​യെ​ങ്കി​ലും ഈ​ടാ​ക്കി​യി​ട്ടി​ല്ല.

ജീ​വ​ന​ക്കാ​രി​ൽ​നി​ന്ന്​ തു​ക ഈ​ടാ​ക്കാ​ൻ ന​ട​പ​ടി സ്വീ​ക​രി​ക്കു​മെ​ന്നാ​ണ്​ ഓ​ഡി​റ്റ്​ അ​ന്വേ​ഷ​ണ​ത്തി​നു ല​ഭി​ച്ച മ​റു​പ​ടി. വാ​ട്ട​ർ ചാ​ർ​ജ്​ ഇ​ന​ത്തി​ൽ ന​ഗ​ര​സ​ഭ 1,17,518 രൂ​പ അ​തോ​റി​റ്റി​യി​ൽ അ​ട​ച്ചു. എ​ന്നാ​ലി​ത്​ കൗ​ൺ​സി​ൽ റ​ദ്ദാ​ക്കാ​ൻ തീ​രു​മാ​നി​ച്ച ക​ണ​ക്ഷ​നു​ക​ളു​ടെ​യാ​ണെ​ന്ന്​ ഓ​ഡി​റ്റി​ൽ ക​​ണ്ടെ​ത്തി. ഇ​ത്​​ ക്ര​മാ​നു​സൃ​ത​മ​ല്ലാ​ത്ത​തി​നാ​ൽ തു​ക ഓ​ഡി​റ്റി​ൽ ത​ട​സ്സ​പ്പെ​ടു​ത്തി. മ​തി​യാ​യ വി​ശ​ദീ​ക​ര​ണം ല​ഭി​ച്ചി​ല്ലെ​ങ്കി​ൽ ചെ​ല​വു​തു​ക ഉ​ത്ത​ര​വാ​ദി​ക​ളാ​യ ഉ​ദ്യോ​ഗ​സ്ഥ​രി​ൽ​നി​ന്ന്​ ഈ​ടാ​ക്കാ​നാ​ണ്​ നി​ർ​ദേ​ശം.