അപകടം കാത്ത്​ മെഡിക്കൽ കോളജ്​​ മെൻസ്​ ഹോസ്റ്റൽ

കോ​ട്ട​യം: മെ​ഡി​ക്ക​ൽ കോ​ള​ജി​ൽ​ ആ​ൺ​കു​ട്ടി​ക​ളു​ടെ ഹോ​സ്റ്റ​ൽ കെ​ട്ടി​ട​വും അ​പ​ക​ട​ഭീ​ഷ​ണി​യി​ൽ. മെ​ഡി​ക്ക​ൽ കോ​ള​ജി​ന്‍റെ തു​ട​ക്ക​കാ​ല​ത്തു​ള്ള പ​ഴ​യ ഹോ​സ്റ്റ​ലാ​ണ്​ അ​പ​ക​ട​ഭീ​ഷ​ണി​യി​ലാ​യ​ത്. കാ​ല​പ്പ​ഴ​ക്കം വ​ന്ന ​കെ​ട്ടി​ടം പ​ല ഭാ​ഗ​ങ്ങ​ളി​ലും ഇ​ടി​ഞ്ഞു​വീ​ഴു​ന്നു​ണ്ട്. വി​ദ്യാ​ർ​ഥി​ക​ൾ പ​രാ​തി പ​റ​യു​മ്പോ​ൾ ഇ​ട​ക്ക്​ അ​റ്റ​കു​റ്റ​പ്പ​ണി ന​ട​ക്കു​ന്നു​​​ണ്ടെ​ങ്കി​ലും കെ​ട്ടി​ട​ത്തി​ന്‍റെ സു​ര​ക്ഷ​ക്ക്​ ഇ​ത്​ മ​തി​യാ​വി​ല്ല.

നേ​ര​ത്തെ ത​ന്നെ വി​ദ്യാ​ർ​ഥി​ക​ൾ ​പ്രി​ൻ​സി​പ്പ​ലി​നും ആ​രോ​ഗ്യ​മ​ന്ത്രി​ക്കു​മ​ട​ക്കം പ​രാ​തി ന​ൽ​കി​യി​രു​ന്നു. മെ​ഡി​ക്ക​ൽ ​കോ​ള​ജ്​ ആ​ശു​പ​​ത്രി കെ​ട്ടി​ട​ത്തി​ന്‍റെ ഒ​രു ഭാ​ഗം ത​ക​ർ​ന്നു​വീ​ണ സാ​ഹ​ച​ര്യ​ത്തി​ൽ വി​ദ്യാ​ർ​ഥി​ക​ൾ ഏ​റെ ഭീ​തി​യി​ലാ​ണ്. മു​റി​ക​ളു​ടെ ജ​ന​ലു​ക​ൾ പ​ല​തും ഇ​ള​കി നി​ൽ​ക്കു​ക​യാ​ണ്.

പു​റം​ഭാ​ഗ​ത്ത്​ പെ​യി​ന്‍റ​ടി​ച്ചി​ട്ടു​ണ്ടെ​ങ്കി​ലും അ​ക​ത്തെ അ​വ​സ്ഥ ശോ​ച്യ​മാ​ണ്. മൂ​ന്നു​നി​ല കെ​ട്ടി​ട​ത്തി​ലാ​യി 240 ഓ​ളം എം.​ബി​ബി.​എ​സ്​ വി​ദ്യാ​ർ​ഥി​ക​ളും 30 ഫാ​ർ​മ​സി വി​ദ്യാ​ർ​ഥി​ക​ളു​മാ​ണ്​ താ​മ​സി​ക്കു​ന്ന​ത്. ഇ​തോ​ട​നു​ബ​ന്ധി​ച്ച്​ പു​തി​യ ബ്ലോ​ക്കു​മു​ണ്ട്. പ​ഴ​യ കെ​ട്ടി​ട​ത്തി​ൽ​നി​ന്ന്​ ത​ങ്ങ​ളെ മാ​റ്റ​ണ​മെ​ന്നും പു​തി​യ ഹോ​സ്റ്റ​ൽ കെ​ട്ടി​ടം വേ​ണ​മെ​ന്നു​മാ​വ​ശ്യ​​പ്പെ​ട്ട്​ വി​ദ്യാ​ർ​ഥി​ക​ൾ വീ​ണ്ടും ആ​രോ​ഗ്യ​മ​ന്ത്രി​ക്ക്​ പ​രാ​തി ന​ൽ​കി.

ഫി​റ്റ്‌​നസ് പ​രി​ശോ​ധി​ക്ക​ണം -ചാ​ണ്ടി ഉ​മ്മ​ന്‍

കോ​ട്ട​യം: മെ​ഡി​ക്ക​ല്‍ കോ​ള​ജി​ലെ ആ​ണ്‍കു​ട്ടി​ക​ളു​ടെ ഹോ​സ്റ്റ​ല്‍ അ​പ​ക​ടാ​വ​സ്ഥ​യി​ലാ​ണെ​ന്നും ഫി​റ്റ്‌​നസ് അ​ടി​യ​ന്തി​ര​മാ​യി പ​രി​ശോ​ധി​ക്ക​ണ​മെ​ന്നും ചാ​ണ്ടി ഉ​മ്മ​ന്‍ എം.​എ​ല്‍.​എ. ഹോ​സ്റ്റ​ല്‍ സ​ന്ദ​ര്‍ശി​ച്ച ശേ​ഷം മ​റു​പ​ടി പ​റ​യു​ക​യാ​യി​രു​ന്നു അ​ദ്ദേ​ഹം. കെ​ട്ടി​ടം അ​ടി​മു​ടി ത​ക​ര്‍ച്ച​യി​ലാ​ണ്.

ഹോ​സ്റ്റ​ലി​ലേ​ക്ക്​ പോ​കാ​നു​ള്ള വ​ഴി പോ​ലും ത​ക​ര്‍ന്നി​രി​ക്കു​ന്നു. പു​തി​യ കെ​ട്ടി​ടം ഹോ​സ്റ്റ​ലി​ന് അ​നി​വാ​ര്യ​മാ​ണ്. അ​തു​വ​രെ സ​ര്‍ക്കാ​ര്‍ ചെ​ല​വി​ല്‍ കു​ട്ടി​ക​ളെ സം​ര​ക്ഷി​ക്ക​ണം. കെ​ട്ടി​ട ത​ക​ര്‍ച്ച​യു​ടെ പേ​രി​ല്‍ വി​ദ്യാ​ര്‍ഥി​ക​ളെ തെ​രു​വി​ലി​റ​ക്ക​രു​ത്. ഇ​വ​രെ സം​ര​ക്ഷി​ക്കേ​ണ്ട​ത് സ​ര്‍ക്കാ​ര്‍ ചു​മ​ത​ല​യാ​ണ്. എ​ന്തെ​ങ്കി​ലും സം​ഭ​വ​മു​ണ്ടാ​യാ​ല്‍ ആ​രു മ​റു​പ​ടി പ​റ​യു​മെ​ന്നും ചാ​ണ്ടി ചോ​ദി​ച്ചു.