കെട്ടിടം പൊളിക്കണോ, പുതുക്കണോ​?; ദുരന്തം​ ഒരുമാസം പിന്നിട്ടു, തീരുമാനം മാത്രമില്ല

കോ​ട്ട​യം: ഒ​രു വീ​ട്ട​മ്മ​യു​ടെ ദാ​രു​ണാ​ന്ത്യ​ത്തി​ന്​ കാ​ര​ണ​മാ​യ സ​ർ​ക്കാ​ർ ആ​ശു​പ​ത്രി കെ​ട്ടി​ട​ങ്ങ​ളു​ടെ ദു​ര​വ​സ്ഥ വ്യ​ക്​​ത​മാ​ക്കി​യ കോ​ട്ട​യം മെ​ഡി​ക്ക​ൽ​കോ​ള​ജ്​ കെ​ട്ടി​ട ദു​ര​ന്തം ന​ട​ന്ന്​​ ഒ​രു​മാ​സം ക​ഴി​ഞ്ഞി​ട്ടും ഇ​ടി​ഞ്ഞു​വീ​ണ കെ​ട്ടി​ടം പൊ​ളി​ക്ക​ണോ അ​തോ പു​തു​ക്കി പ​ണി​യ​ണോ എ​ന്ന കാ​ര്യ​ത്തി​ൽ തീ​രു​മാ​ന​മാ​യി​ല്ല.

കെ​ട്ടി​ടം പൊ​ളി​ക്കേ​ണ്ട സാ​ഹ​ച​ര്യ​മി​ല്ലെ​ന്ന്​ അ​ധി​കൃ​ത​ർ വ്യ​ക്​​ത​മാ​ക്കു​മ്പോ​ഴും ടോ​യ്​​ലെ​റ്റ്​ ബ്ലോ​ക്ക്​ ത​ക​ർ​ന്ന്​ വീ​ണ്​ ബി​ന്ദു​വെ​ന്ന വീ​ട്ട​മ്മ മ​രി​ക്കു​ക​യും മൂ​ന്ന്​ പേ​ർ​ക്ക്​ പ​രി​ക്കേ​ൽ​ക്കു​ക​യും ചെ​യ്ത സം​ഭ​വ​ത്തി​ന്​ ഉ​ത്ത​ര​വാ​ദി ആ​രെ​ന്ന ചോ​ദ്യ​ത്തി​ന്​ ഉ​ത്ത​ര​മി​ല്ല.

ക​ഴി​ഞ്ഞ ജൂ​ലൈ മൂ​ന്നി​ന്​ രാ​വി​ലെ 10.45നാ​ണ്​ പ​ഴ​യ സ​ർ​ജി​ക്ക​ൽ ബ്ലോ​ക്കി​നോ​ട് ചേ​ർ​ന്ന ശു​ചി​മു​റി​ക്കെ​ട്ടി​ടം ത​ക​ർ​ന്ന​ത്. അ​പ​ക​ട​ത്തി​ൽ ആ​ർ​ക്കും പ​രി​ക്കേ​റ്റി​ട്ടി​ല്ലെ​ന്ന്സ്ഥ​ലം സ​ന്ദ​ർ​ശി​ച്ച മ​ന്ത്രി​മാ​രാ​യ വി.​എ​ൻ. വാ​സ​വ​നും വീ​ണ ജോ​ർ​ജും മെ​ഡി​ക്ക​ൽ കോ​ള​ജ് അ​ധി​കൃ​ത​രും പ​റ​ഞ്ഞെ​ങ്കി​ലും ഉ​ച്ച​യോ​ടെ ത​ല​യോ​ല​പ്പ​റ​മ്പ് സ്വ​ദേ​ശി​നി ഡി.​ബി​ന്ദു​വി​നെ കെ​ട്ടി​ടാ​വ​ശി​ഷ്ട​ങ്ങ​ളി​ൽ​നി​ന്ന് ക​ണ്ടെ​ത്തി.

കു​റ​ച്ച്​ സ​മ​യ​ത്തി​നു​ള്ളി​ൽ അ​വ​ർ മ​രി​ക്കു​ക​യും ചെ​യ്തു. തു​ട​ർ​ന്ന്​ ര​ക്ഷാ​പ്ര​വ​ർ​ത്ത​നം വൈ​കി​യെ​ന്ന വി​മ​ർ​ശ​നം ഉ​യ​ർ​ന്നു. അ​തി​ന്​ പി​ന്നാ​ലെ മെ​ഡി​ക്ക​ൽ കോ​ള​ജ്​ ഉ​ൾ​പ്പെ​ടെ സം​സ്ഥാ​ന​ത്തെ ആ​ശു​പ​ത്രി കെ​ട്ടി​ട​ങ്ങ​ളു​ടെ സ്ഥി​തി, രോ​ഗി​ക​ൾ നേ​രി​ടു​ന്ന പ്ര​ശ്ന​ങ്ങ​ൾ എ​ന്നി​വ വ​ലി​യ ച​ർ​ച്ച​യാ​യി.

കെ​ട്ടി​ടം ത​ക​രാ​നു​ണ്ടാ​യ സാ​ഹ​ച​ര്യ​ത്തെ​ക്കു​റി​ച്ച്​ അ​ന്വേ​ഷി​ക്കാ​ൻ നി​യോ​ഗി​ച്ച ജി​ല്ലാ​ക​ല​ക്ട​ർ ജോ​ൺ വി. ​സാ​മു​വ​ൽ നാ​ലാ​ഴ്ച​യോ​ളം സ​മ​യ​മെ​ടു​ത്ത്​ സ​മ​ർ​പ്പി​ച്ച റി​പ്പോ​ർ​ട്ടി​ലാ​ക​ട്ടെ കു​റ്റ​ക്കാ​രെ വെ​ള്ള​പൂ​ശു​ക​യും ചെ​യ്തു. വ​ർ​ഷ​ങ്ങ​ൾ​ക്ക്​ മു​മ്പ്​ ബ​ല​ക്ഷ​യം സം​ഭ​വി​ച്ച​താ​ണെ​ന്ന പൊ​തു​മ​രാ​മ​ത്ത്​ വി​ഭാ​ഗ​ത്തി​ന്‍റെ റി​പ്പോ​ർ​ട്ടു​ണ്ടാ​യി​രു​ന്നെ​ന്ന്​ മ​ന്ത്രി വീ​ണ ജോ​ർ​ജ്​ ഉ​ൾ​പ്പെ​ടെ പ​റ​ഞ്ഞ​താ​ണെ​ങ്കി​ലും കെ​ട്ടി​ട​ത്തി​ന്​ ബ​ല​ക്ഷ​യം ഇ​ല്ലെ​ന്ന നി​ല​യി​ലാ​ണ്​ ക​ല​ക്ട​റു​ടെ​യു​ൾ​പ്പെ​ടെ പു​തി​യ റി​പ്പോ​ർ​ട്ടു​ക​ൾ. ഈ ​ബ്ലോ​ക്ക് ന​ന്നാ​ക്കി വീ​ണ്ടും ഉ​പ​യോ​ഗി​ക്കാ​മെ​ന്നാ​ണ് ക​ല​ക്ട​റു​ടെ നി​ർ​ദേ​ശം.

പ​ഴ​യ ഓ​പ​റേ​ഷ​ൻ തി​യ​റ്റ​ർ സ​മു​ച്ച​യം, 12, 15 വാ​ർ​ഡു​ക​ൾ എ​ന്നി​വ​യു​ടെ ഭാ​ഗ​ങ്ങ​ൾ പൊ​ളി​ക്ക​ണ​മെ​ന്ന് സ്ഥ​ലം സ​ന്ദ​ർ​ശി​ച്ച ഡി.​എം.​ഇ​യും നി​ർ​ദേ​ശം ന​ൽ​കി. ര​ക്ഷാ​പ്ര​വ​ർ​ത്ത​ന​ത്തി​ൽ വീ​ഴ്ച ഉ​ണ്ടാ​യി​ല്ലെ​ന്നും മ​ണ്ണു​മാ​ന്തി​യ​ന്ത്രം സ്ഥ​ല​ത്ത് എ​ത്തി​ച്ചെ​ങ്കി​ലും ര​ക്ഷാ​പ്ര​വ​ർ​ത്ത​ന​ത്തി​ന് ഉ​പ​യോ​ഗി​ക്കാ​ൻ വൈ​കി​യെ​ന്നു​മാ​ണ് ക​ല​ക്ട​റു​ടെ റി​പ്പോ​ർ​ട്ടി​ൽ പ​റ​ഞ്ഞി​രു​ന്ന​ത്. എ​ന്നാ​ൽ മ​ന്ത്രി​മാ​രു​ടെ പ്ര​സ്താ​വ​ന ര​ക്ഷാ​പ്ര​വ​ർ​ത്ത​നം വൈ​കി​ച്ച​തു​ൾ​പ്പെ​ടെ കാ​ര്യ​ങ്ങ​ളി​ൽ ക​ല​ക്ട​ർ മൗ​നം പാ​ലി​ക്കു​ക​യും ചെ​യ്തി​ട്ടു​ണ്ട്.

പൊ​തു​മ​രാ​മ​ത്ത് വ​കു​പ്പ് കെ​ട്ടി​ട​വി​ഭാ​ഗം ചീ​ഫ് എ​ൻ​ജി​നീ​യ​റും ഡി​സൈ​ൻ വി​ഭാ​ഗം ചീ​ഫ് എ​ൻ​ജി​നീ​യ​റും ക​ഴി​ഞ്ഞ​ദി​വ​സം മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലെ എ​ല്ലാ കെ​ട്ടി​ട​ങ്ങ​ളും പ​രി​ശോ​ധി​ച്ചു. കെ​ട്ടി​ടം പൊ​ളി​ക്കു​ന്ന​ത് സം​ബ​ന്ധി​ച്ച് പൊ​തു​മ​രാ​മ​ത്ത് കെ​ട്ടി​ട​വി​ഭാ​ഗം അ​സി. എ​ക്സി​ക്യൂ​ട്ടീ​വ് എ​ൻ​ജി​നീ​യ​ർ 1.4 കോ​ടി രൂ​പ​യു​ടെ വാ​ല്യു​വേ​ഷ​നാ​ണ്​ സ​മ​ർ​പ്പി​ച്ചി​ട്ടു​ള്ള​ത്. ആ​ശു​പ​ത്രി​യി​ലെ മ​റ്റു കെ​ട്ടി​ട​ങ്ങ​ളു​ടെ സാ​ഹ​ച​ര്യ​വും അ​വ​ർ പ​രി​ശോ​ധി​ച്ചി​രു​ന്നു. എ​ന്നി​ട്ടും പ​ഴ​യ സ​ർ​ജി​ക്ക​ൽ ബ്ലോ​ക്ക് ഇ​നി എ​ന്തു ചെ​യ്യ​ണ​മെ​ന്ന കാ​ര്യ​ത്തി​ൽ അ​നി​ശ്​​ചി​ത​ത്വം മാ​ത്രം.