കേന്ദ്ര ബജറ്റിൽ കോട്ടയത്തിന്​ ​നിരാശ; റബറിന് കൈത്താങ്ങില്ല; അവഗണന തന്നെ

കോ​ട്ട​യം: കേ​ന്ദ്ര ബ​ജ​റ്റി​ൽ കേ​ര​ള​ത്തി​നൊ​പ്പം ജി​ല്ല​ക്കും ​നി​രാ​ശ. കോ​ട്ട​യം​കാ​ര​നാ​യ ജോ​ര്‍ജ് കു​ര്യ​ന്‍ കേ​ന്ദ്ര​മ​ന്ത്രി​സ​ഭ​യി​ലു​ണ്ടെ​ന്ന​ത്​ പ്ര​തീ​ക്ഷ വ​ര്‍ധി​പ്പി​ച്ചെ​ങ്കി​ലും പ​ദ്ധ​തി​ക​ളൊ​ന്നു​മി​ല്ല. റ​ബ​ർ മേ​ഖ​ല​ക്ക്​ ഉ​ണ​ർ​വാ​കു​ന്ന പ്ര​ഖ്യാ​പ​ന​ത്തി​നാ​യി ജി​ല്ല കാ​ത്തി​രു​ന്നെ​ങ്കി​ലും നി​ര്‍മ​ല സീ​താ​രാ​മ​ന്‍റെ ബ​ജ​റ്റ് പ്ര​സം​ഗ​ത്തി​ൽ പ​രാ​മ​ർ​ശ​മൊ​ന്നു​മു​ണ്ടാ​യി​ല്ല.

വ​ർ​ഷ​ങ്ങ​ളാ​യി ജി​ല്ല​യു​ടെ മ​ല​​യോ​ര​മേ​ഖ​ല കാ​ത്തി​രി​ക്കു​ന്ന ശ​ബ​രി റെ​യി​ല്‍പാ​ത​യി​ലും പ​രാ​മ​ര്‍ശ​മൊ​ന്നു​മു​ണ്ടാ​യി​ല്ല. വി​മാ​ന​ത്താ​വ​ള​വും ബ​ജ​റ്റ്​ പ്ര​സം​ഗ​ത്തി​ൽ ഇ​ടം​പി​ടി​ച്ചി​ല്ല. ഐ.​ഐ.​ഐ.​ടി, ഇ​ന്ത്യ​ന്‍ ഇ​ന്‍സ്റ്റി​റ്റ്യൂ​ട്ട് ഒ​ഫ് മാ​സ് ക​മ്യൂ​ണി​ക്കേ​ഷ​ന്‍, ന​വോ​ദ​യ, കേ​ന്ദ്രീ​യ വി​ദ്യാ​ല​യ​ങ്ങ​ള്‍ എ​ന്നി​ങ്ങ​നെ​യു​ള്ള കേ​ന്ദ്ര​സ്ഥാ​പ​ന​ങ്ങ​ള്‍ ര​ണ്ടാം ഘ​ട്ട വി​ക​സ​ന​ത്തി​നാ​യി കാ​ത്തി​രി​ക്കു​ക​യാ​യി​രു​ന്നു. അ​നു​കൂ​ല ന​ട​പ​ടി​ക​ളു​ണ്ടാ​യി​ല്ല.

കു​മ​ര​കം ഉ​ള്‍പ്പെ​ടു​ന്ന വി​നോ​ദ സ​ഞ്ചാ​ര മേ​ഖ​ല​ക്കും പ​രി​ഗ​ണ​ന​യു​ണ്ടാ​യി​ല്ല. കേ​ന്ദ്ര​ത്തി​ന്‍റെ കൈ​താ​ങ്ങു​ണ്ടാ​യി​രു​ന്നെ​ങ്കി​ൽ ആ​ഗോ​ള​വി​നോ​ദ സ​ഞ്ചാ​ര​മേ​ഖ​ല​യി​ല്‍ കാ​യ​ല്‍ ടൂ​റി​സ​ത്തി​ന്​ തി​ള​ങ്ങാ​ൻ ക​ഴി​യു​മാ​യി​രു​ന്നു​വെ​ന്ന്​ ഈ ​​മേ​ഖ​ല​യി​ലു​ള്ള​വ​ർ ചൂ​ണ്ടി​ക്കാ​ട്ടു​ന്നു. എ​ന്നാ​ൽ, ഇ​ത്ത​ര​ത്തി​ലു​ള്ള പ്ര​ത്യേ​ക പ​ദ്ധ​തി​യൊ​ന്നും കു​മ​ര​ക​ത്തി​നാ​യി മു​ന്നോ​ട്ടു​വെ​ച്ചി​ട്ടി​ല്ല.

വ​ന്യ​ജീ​വി ആ​ക്ര​മ​ണം ത​ട​യു​ന്ന​തി​ന്1000 കോ​ടി​യു​ടെ പ​ദ്ധ​തി​യാ​ണ് സം​സ്ഥാ​നം കേ​ന്ദ്ര സ​ര്‍ക്കാ​രി​ന് മു​മ്പാ​കെ സ​മ​ര്‍പ്പി​ച്ച​ത്. എ​ന്നാ​ൽ, ഒ​രു രൂ​പ പോ​ലും ഇ​തി​നാ​യി ബ​ജ​റ്റി​ല്‍ നീ​ക്കി​വെ​ച്ചി​ട്ടി​ല്ല. ഇ​തി​നാ​യി തു​ക നീ​ക്കി​വെ​ച്ചി​രു​ന്നെ​ങ്കി​ൽ ജി​ല്ല​യു​ടെ മ​ല​യോ​ര​മേ​ഖ​ല​ക്കും ഗു​ണ​ക​ര​മാ​കു​മാ​യി​രു​ന്നു​​വെ​ന്ന്​ ചൂ​ണ്ടി​ക്കാ​ട്ട​പ്പെ​ടു​ന്നു.