കോ​ട്ട​യം ജില്ല പഞ്ചായത്ത് ബജറ്റ്:​ സേവ് കോട്ടയം, സേഫ് കോട്ടയം

കോ​ട്ട​യം: സ്ത്രീ ​സു​ര​ക്ഷ​ക്ക് ‘സേ​ഫ് കോ​ട്ട​യം’, പ്ര​കൃ​തി​ദു​ര​ന്ത​ങ്ങ​ളെ നേ​രി​ടു​ന്ന​തി​ന് ‘സേ​വ് കോ​ട്ട​യം’ പ​ദ്ധ​തി​ക​ൾ പ്ര​ഖ്യാ​പി​ച്ച്​ ജി​ല്ല പ​ഞ്ചാ​യ​ത്ത്​ ബ​ജ​റ്റ്. 123.92 കോ​ടി വ​ര​വും 119.92 കോ​ടി ചെ​ല​വും നാ​ലു​കോ​ടി മി​ച്ച​വു​മു​ള്ള ബ​ജ​റ്റാ​ണ് ജി​ല്ല പ​ഞ്ചാ​യ​ത്ത് വൈ​സ് പ്ര​സി​ഡ​ന്‍റ്​ അ​ഡ്വ. ശു​ഭേ​ഷ് സു​ധാ​ക​ര​ൻ അ​വ​ത​രി​പ്പി​ച്ച​ത്. തു​ട​ർ​ച്ച​യാ​യ പ്ര​ള​യം, ഉ​രു​ൾ​പൊ​ട്ട​ലു​ക​ൾ തു​ട​ങ്ങി​യ പ്ര​കൃ​തി ദു​ര​ന്ത​ങ്ങ​ൾ കാ​ർ​ഷി​ക​മേ​ഖ​ല​യെ ഗു​രു​ത​ര​മാ​യി ബാ​ധി​ച്ച സാ​ഹ​ച​ര്യ​ത്തി​ൽ കാ​ർ​ഷി​ക ഗ​വേ​ഷ​ണ​ത്തി​നും കാ​ലാ​വ​സ്ഥ വ്യ​തി​യാ​ന പ​ഠ​ന​ത്തി​നു​മാ​യി ജി​ല്ല​യി​ൽ പ​ഠ​ന ഗ​വേ​ഷ​ണ​കേ​ന്ദ്രം സ്ഥാ​പി​ക്കു​മെ​ന്നാ​ണ്​ പ്ര​ധാ​ന പ്ര​ഖ്യാ​പ​നം.ജി​ല്ല​യി​ലെ​ത്തു​ന്ന​വ​ർ​ക്കൊ​പ്പം ജി​ല്ല​യി​ലു​ള്ള പെ​ൺ​കു​ട്ടി​ക​ൾ​ക്കും സ്ത്രീ​ക​ൾ​ക്കും നി​ർ​ഭ​യം ത​ങ്ങാ​ൻ കു​ടും​ബ​ശ്രീ​യു​മാ​യി സ​ഹ​ക​രി​ച്ച് ജി​ല്ല കേ​ന്ദ്ര​ത്തി​ലും ബ്ലോ​ക്ക് ത​ല​ത്തി​ലും നി​ർ​ഭ​യ കേ​ന്ദ്ര​ങ്ങ​ൾ സ്ഥാ​പി​ക്കു​ന്ന (ഷീ ​ഹോ​സ്റ്റ​ൽ ) പ​ദ്ധ​തി​യും ബ​ജ​റ്റി​ൽ ഇ​ടം​പി​ടി​ച്ചു.

പൊ​തു​ഇ​ട​ങ്ങ​ൾ, ആ​ധു​നി​ക വാ​യ​ന​ശാ​ല​ക​ൾ, നൂ​ത​ന കൃ​ഷി​യി​ട​ങ്ങ​ൾ. തൊ​ഴി​ൽ നൈ​പു​ണ്യ പ​രി​ശീ​ല​ന കേ​ന്ദ്ര​ങ്ങ​ൾ, വി​ല്ലേ​ജ് ടൂ​റി​സം കേ​ന്ദ്ര​ങ്ങ​ൾ എ​ന്നി​വി​ട​ങ്ങ​ളി​ൽ യു​വ​ജ​ന പ​ങ്കാ​ളി​ത്ത​ത്തോ​ടെ ല​ഹ​രി​മു​ക്ത പ്ര​വ​ർ​ത്ത​ന​ങ്ങ​ൾ ന​ട​ത്തും. ക​യ​ർ, ഖാ​ദി, നെ​യ്ത്ത്, മ​ത്സ്യം, ത​ന​ത് ഭ​ക്ഷ​ണ​രീ​തി​ക​ൾ ഉ​ൾ​പ്പെ​ടെ​യു​ള്ള ജി​ല്ല​യി​ലെ പ​ര​മ്പ​രാ​ഗ​ത ചെ​റു​കി​ട തൊ​ഴി​ൽ വ്യ​വ​സാ​യ​ങ്ങ​ളെ സം​ര​ക്ഷി​ക്കു​ന്ന​തി​നും വി​പ​ണ​ന​സാ​ധ്യ​ത​ക​ൾ ഉ​റ​പ്പു​വ​രു​ത്തു​ന്ന​തി​നു​മാ​യി പൈ​തൃ​കം ഗ്രാ​മോ​ത്സ​വം പ​ദ്ധ​തി, ഉ​ത്ത​ര​വാ​ദി​ത്ത ടൂ​റി​സം മി​ഷ​നു​മാ​യി സ​ഹ​ക​രി​ച്ച് ജി​ല്ല പ​ഞ്ചാ​യ​ത്തി​ലെ വി​വി​ധ ഡി​വി​ഷ​നു​ക​ളി​ൽ ഗ്രാ​മീ​ണ ടൂ​റി​സം പ​ദ്ധ​തി എ​ന്നി​വ​യും ബ​ജ​റ്റി​ലു​ണ്ട്.

ജി​ല്ല​യി​ലെ പ്ര​ധാ​ന തീ​ർ​ഥാ​ട​ന കേ​ന്ദ്ര​ങ്ങ​ളെ ഏ​കോ​പി​പ്പി​ക്കു​ന്ന​തി​നും തീ​ർ​ഥാ​ട​ക​ർ​ക്കു​ള്ള സൗ​ക​ര്യ​ങ്ങ​ൾ വ​ർ​ധി​പ്പി​ക്കു​ന്ന​തി​നു​മാ​യി ശ​ബ​രി​മ​ല തീ​ർ​ഥാ​ട​ന ക​വാ​ട​മാ​യ എ​രു​മേ​ലി​യി​ലും അ​ൽ​ഫോ​ൻ​സ തീ​ർ​ഥാ​ട​ന​കേ​ന്ദ്ര​മാ​യ ഭ​ര​ണ​ങ്ങാ​ന​ത്തും പി​ൽ​ഗ്രിം ടൂ​റി​സം ഡെ​സ്റ്റി​നേ​ഷ​ൻ, കോ​ലാ​ഹ​ല​മേ​ട് വി​നോ​ദ​ഞ്ചാ​ര​കേ​ന്ദ്ര​ത്തി​ൽ യു​വ​ജ​ന​ക്ഷേ​മ ബോ​ർ​ഡു​മാ​യി ചേ​ർ​ന്ന് ഫ്ല​യി​ങ്​ ഫെ​സ്റ്റ് സം​ഘ​ടി​പ്പി​ക്കും. ഒ​പ്പം പാ​രാ​ഗ്ലൈ​ഡി​ങ്​ അ​ക്കാ​ദ​മി ആ​രം​ഭി​ക്കു​ന്ന​തി​നാ​യി പ്രാ​ഥ​മി​ക പ്ര​വ​ർ​ത്ത​ന​ങ്ങ​ൾ​ക്ക് തു​ട​ക്കം കു​റി​ക്കു​മെ​ന്നും ബ​ജ​റ്റി​ൽ പ​റ​യു​ന്നു.

കോ​ലാ​ഹ​ല​മേ​ട്, മു​തു​കോ​ര, ഇ​ളം​കാ​ട് തു​ട​ങ്ങി ജി​ല്ല​യി​ലെ പ്ര​ധാ​ന വി​നോ​ദ​സ​ഞ്ചാ​ര കേ​ന്ദ്ര​ങ്ങ​ളെ ഉ​ൾ​പ്പെ​ടു​ത്തി റോ​പ് വേ ​ടൂ​റി​സം പ​ദ്ധ​തി​യു​ടെ സാ​ധ്യ​താ​പ​ഠ​ന​ത്തി​നാ​യി ഫ​ണ്ട് അ​നു​വ​ദി​ച്ചി​ട്ടു​ണ്ട്. ജി​ല്ല​യെ വ​യോ​ജ​ന സൗ​ഹൃ​ദ​മാ​ക്കു​ന്ന​തി​ന്‍റെ ഭാ​ഗ​മാ​യി സ​ഞ്ച​രി​ക്കു​ന്ന മൊ​ബൈ​ൽ ലാ​ബ്, എ​ല്ലാ ആ​ശു​പ​ത്രി​ക​ളി​ലും ഡ​യാ​ലി​സി​സ് സെ​ന്‍റ​ർ, വീ​ടു​ക​ളി​ൽ ഒ​റ്റ​ക്കാ​വു​ന്ന മാ​താ​പി​താ​ക്ക​ളു​ടെ സേ​വ​ന​ത്തി​നാ​യി ‘അ​രി​കെ’ എ​ന്ന പേ​രി​ൽ ജി​ല്ല ആ​ശു​പ​ത്രി​യു​മാ​യി സ​ഹ​ക​രി​ച്ച് പ​ദ്ധ​തി എ​ന്നി​വ​യും ന​ട​പ്പാ​ക്കും.

അം​ഗ​പ​രി​മി​ത​രാ​യ കു​ട്ടി​ക​ൾ​ക്ക് സ്‌​കൂ​ളി​ൽ എ​ത്തി​ച്ചേ​രാ​നും അ​വ​രെ പൊ​തു​യി​ട​ങ്ങ​ളി​ലേ​ക്ക് ഇ​റ​ക്കാ​നും ക​ഴി​യു​ന്ന ഇ​ല​ക്ട്രോ​ണി​ക് വീ​ൽ​ചെ​യ​റു​ക​ൾ സാ​മൂ​ഹി​ക​സു​ര​ക്ഷ പ​ദ്ധ​തി​യു​ടെ ഭാ​ഗ​മാ​യി ന​ൽ​കും. കു​ട്ടി​ക​ളി​ലെ വാ​യ​ന​ശീ​ലം വ​ള​ർ​ത്തു​ന്ന​തി​നാ​യി സം​സ്ഥാ​ന ലൈ​ബ്ര​റി കൗ​ൺ​സി​ൽ അം​ഗീ​കാ​ര​മു​ള്ള വാ​യ​ന​ശാ​ല​ക​ൾ​ക്ക് ലാ​പ്‌​ടോ​പ്, സ്‌​ക്രീ​ൻ, പ്രൊ​ജ​ക്ട​ർ, ന​വീ​ക​ര​ണം ഉ​ൾ​പ്പെ​ടെ​യു​ള്ള പ​ദ്ധ​തി​ക​ൾ​ക്ക് ധ​ന​സ​ഹാ​യം ന​ൽ​കും.

മു​ട്ട​ക്കും മാം​സ​ത്തി​നു​മാ​യി കോ​ഴി വ​ള​ർ​ത്ത​ൽ, ക്ഷീ​രോ​ൽ​പാ​ദ​നം വ​ർ​ധ​ന​ എ​ന്നി​വ​യു​ടെ ഭാ​ഗ​മാ​യി പ​ക്ഷി​ക​ളു​ടെ​യും മൃ​ഗ​ങ്ങ​ളു​ടെ​യും സം​ര​ക്ഷ​ണം ല​ക്ഷ്യ​മി​ട്ട് കാ​മ​ധേ​നു പ​ദ്ധ​തി പ്ര​കാ​രം ജി​ല്ല​യി​ലെ വി​വി​ധ കേ​ന്ദ്ര​ങ്ങ​ളി​ൽ വെ​റ്റ​റി​ന​റി മെ​ഡി​ക്ക​ൽ ഷോ​പ്പു​ക​ൾ തു​റ​ക്കു​മെ​ന്നും ബ​ജ​റ്റി​ൽ പ​റ​യു​ന്നു.

പ്രധാന പദ്ധതികൾ

•‘പൈതൃകം’ ഗ്രാമോത്സവം പദ്ധതി

•ജില്ല കേന്ദ്രത്തിലും ബ്ലോക്ക് തലത്തിലും ഷീ ഹോസ്റ്റൽ

•യുവജന പങ്കാളിത്തത്തോടെ ലഹരിമുക്ത പ്രവർത്തനങ്ങൾ

•പിൽഗ്രിം ടൂറിസം ഡെസ്റ്റിനേഷൻ

•ഫ്ലയിങ്​ ഫെസ്റ്റ്, പാരാഗ്ലൈഡിങ്​ അക്കാദമി

•മൊബൈൽ ലാബ്, എല്ലാ ആശുപത്രികളിലും ഡയാലിസിസ് സെന്‍റർ

•വെറ്ററിനറി മെഡിക്കൽ ഷോപ്പുകൾ