കോ​ട്ട​യം; വാർഷിക പദ്ധതി നിർവഹണം പകുതിപോലുമാകാതെ തദ്ദേശ സ്ഥാപനങ്ങൾ

കോ​ട്ട​യം: സാ​മ്പ​ത്തി​ക വ​ർ​ഷം അ​വ​സാ​നി​ക്കാ​ൻ ഒ​ന്ന​ര​മാ​സം മാ​​ത്രം ശേ​ഷി​ക്കെ വാ​ർ​ഷി​ക പ​ദ്ധ​തി നി​ർ​വ​ഹ​ണം പൂ​ർ​ത്തി​യാ​ക്കാ​ൻ ത​​ദ്ദേ​ശ സ്ഥാ​പ​ന​ങ്ങ​ൾ നെ​ട്ടോ​ട്ട​ത്തി​ൽ. ജി​ല്ല​യി​ലെ ന​ഗ​ര​സ​ഭ​ക​ളും പ​ഞ്ചാ​യ​ത്തു​ക​ളും ഇ​തു​വ​രെ 50 ശ​ത​മാ​ന​ത്തി​ലെ​ത്തി​യി​ട്ടി​ല്ല. ഒ​രു ബ്ലോ​ക്ക്​ പ​ഞ്ചാ​യ​ത്ത്​ മാ​ത്ര​മാ​ണ്​ 50 ശ​ത​മാ​നം ക​ട​ന്ന​ത്. മാ​ർ​ച്ച്​​ 31ന​കം പ​ര​മാ​വ​ധി പ​ദ്ധ​തി​ക​ൾ ത​ട്ടി​ക്കൂ​ട്ടി ന​ട​പ്പാ​ക്കാ​നാ​കും ഇ​നി​യു​ള്ള ശ്ര​മം. സ​മ​യ​ബ​ന്ധി​ത​മാ​യി പ​ദ്ധ​തി​ക​ൾ ന​ട​പ്പാ​ക്കാ​തെ അ​വ​സാ​ന സ​മ​യം ഓ​ട്ട​മ​ത്സ​രം ന​ട​ത്തു​ന്ന പ​തി​വി​ന്​ മാ​റ്റ​മു​ണ്ടാ​വി​ല്ല. ജി​ല്ല​യി​ൽ പൂ​ർ​ത്തി​യാ​യ​ത്​​ 38.28 ശ​ത​മാ​നം പ്ര​വൃ​ത്തി​ക​ൾ മാ​​ത്ര​മാ​ണ്. വി​വി​ധ പ​ദ്ധ​തി​ക​ൾ​ക്ക്​ നീ​ക്കി​വെ​ച്ച 382.58 കോ​ടി​യി​ൽ 146.46 കോ​ടി​യാ​ണ്​ ചെ​ല​വ​ഴി​ച്ച​ത്. 16359 പ​ദ്ധ​തി​ക​ൾ​ക്കാ​ണ്​ ഡി.​പി.​സി അം​ഗീ​കാ​രം ല​ഭി​ച്ച​ത്.

സം​സ്ഥാ​ന​ത്ത്​ ഏ​ഴാ​മ​താ​ണ്​ ജി​ല്ല. ക​ഴി​ഞ്ഞ വ​ർ​ഷം മാ​ർ​ച്ച്​ അ​വ​സാ​ന​ത്തോ​ടെ 88.25 ശ​ത​മാ​നം ചെ​ല​വ​ഴി​ച്ച്​ ജി​ല്ല ര​ണ്ടാം സ്ഥാ​ന​ത്തെ​ത്തി​യി​രു​ന്നു. ജി​ല്ല പ​ഞ്ചാ​യ​ത്തി​ന്‍റെ പ​ദ്ധ​തി നി​ർ​വ​ഹ​ണം​ 40.76 ശ​ത​മാ​ന​മാ​ണ്. 52.11 കോ​ടി​യി​ൽ 21.24 കോ​ടി​യാ​ണ്​ ചെ​ല​വ​ഴി​ച്ച​ത്. 654 പ​ദ്ധ​തി​ക​ൾ​ക്കാ​ണ്​ ഡി.​പി.​സി അം​ഗീ​കാ​രം ല​ഭി​ച്ച​ത്. സം​സ്ഥാ​ന​ത്ത്​ അ​ഞ്ചാം സ്ഥാ​ന​ത്താ​ണ്​ നി​ല​വി​ൽ ജി​ല്ല പ​ഞ്ചാ​യ​ത്ത്​.

ഫ​ണ്ട്​ ചെ​ല​വ​ഴി​ച്ച ന​ഗ​ര​സ​ഭ​ക​ളി​ൽ പാ​ലാ​യാ​ണ്​ മു​ന്നി​ൽ- 34.22 ശ​ത​മാ​നം. പ​ദ്ധ​തി തു​ക​യാ​യ 3.74 കോ​ടി രൂ​പ​യി​ൽ 1.28 കോ​ടി​യാ​ണ്​ ചെ​ല​വ​ഴി​ച്ച​ത്. ക​ഴി​ഞ്ഞ വ​ർ​ഷം 102.73 ശ​ത​മാ​നം പ​ദ്ധ​തി നി​ർ​വ​ഹി​ച്ച്​ സം​സ്ഥാ​ന​ത്ത്​​ ര​ണ്ടാം​സ്ഥാ​ന​ത്താ​യി​രു​ന്നു. ഏ​റ്റു​മാ​നൂ​ർ- 31.08 ശ​ത​മാ​നം. 7.98 കോ​ടി​യി​ൽ 2.48 കോ​ടി ചെ​ല​വ​ഴി​ച്ചു. ച​ങ്ങ​നാ​ശ്ശേ​രി- 30.93 ശ​ത​മാ​നം. 8.73 കോ​ടി​യി​ൽ 2.70 കോ​ടി ചെ​ല​വ​ഴി​ച്ചു. വൈ​ക്കം- 28.69 ശ​ത​മാ​നം. 5.02 കോ​ടി​യി​ൽ 1.44 കോ​ടി ചെ​ല​വാ​ക്കി. ഈ​രാ​റ്റു​പേ​ട്ട-24.01 ശ​ത​മാ​നം. 5.04 കോ​ടി​യി​ൽ 1.21 കോ​ടി ചെ​ല​വ​ഴി​ച്ചു. കോ​ട്ട​യം- 18.83 ശ​ത​മാ​നം. 27.78 കോ​ടി​യി​ൽ 5.23 കോ​ടി​യാ​ണ്​ ചെ​ല​വാ​ക്കി​യ​ത്. കോ​ട്ട​യം ക​ഴി​ഞ്ഞ വ​ർ​ഷം 91.89 ശ​ത​മാ​നം ചെ​ല​വ​ഴി​ച്ച്​ സം​സ്ഥാ​ന​ത്ത്​ 15ാം സ്ഥാ​ന​ത്താ​യി​രു​ന്നു. പ​ഞ്ചാ​യ​ത്തു​ക​ളി​ൽ പാ​യി​പ്പാ​ടാ​ണ്​ ഒ​ന്നാ​മ​ത്. 49.84 ശ​ത​മാ​നം. 3.19 കോ​ടി​യി​ൽ 1.59 കോ​ടി ചെ​ല​വ​ഴി​ച്ചു. ബ്ലോ​ക്ക്​ പ​ഞ്ചാ​യ​ത്തു​ക​ളി​ൽ​ 51.75 ശ​ത​മാ​നം പ​ദ്ധ​തി നി​ർ​വ​ഹ​ണ​വു​മാ​യി ക​ടു​ത്തു​രു​ത്തി​യാ​ണ്​ മു​ന്നി​ൽ. 4.85 കോ​ടി​യി​ൽ 2.51 കോ​ടി ചെ​ല​വാ​ക്കി.