കോ​വി​ഡ് ബാ​ധി​ച്ച്​ മരിച്ച ഫ്രഞ്ച് പൗരന് അന്ത്യവിശ്രമം ഒരുക്കി കിടങ്ങൂർ പഞ്ചായത്ത്

കി​ട​ങ്ങൂ​ർ: രോ​ഗ​ബാ​ധി​ത​നാ​യി കോ​ട്ട​യം മെ​ഡി​ക്ക​ൽ കോ​ള​ജി​ൽ ചി​കി​ത്സ​യി​ലി​രി​ക്കെ മ​രി​ച്ച ഫ്ര​ഞ്ച് പൗ​ര​ന് അ​ന്ത്യ​വി​ശ്ര​മ​മൊ​രു​ക്കി കി​ട​ങ്ങൂ​ർ പ​ഞ്ചാ​യ​ത്ത്. വി​നോ​ദ​സ​ഞ്ചാ​രി​യാ​യി കേ​ര​ള​ത്തി​ലെ​ത്തി​യ ഫ്ര​ഞ്ച് പൗ​ര​ൻ മെ​ഴ്സി​യ​ർ ജീ​ൻ പെ​രേ​ര (77) കോ​ട്ട​യം മെ​ഡി​ക്ക​ൽ കോ​ള​ജി​ൽ​വെ​ച്ച്​​ കോ​വി​ഡ് ബാ​ധി​ച്ച്​ ക​ഴി​ഞ്ഞ നാ​ലി​ന് മ​രി​ച്ചു.

എം​ബ​സി അ​ധി​കൃ​ത​രു​മാ​യി ബ​ന്ധ​പ്പെ​ട്ട ജി​ല്ല ഭ​ര​ണ​കൂ​ടം ഫ്രാ​ൻ​സി​ലു​ള്ള ബ​ന്ധു​ക്ക​ളു​ടെ അ​നു​മ​തി​യോ​ടെ സം​സ്കാ​രം ഇ​വി​ടെ ന​ട​ത്താ​ൻ തീ​രു​മാ​നി​ക്കു​ക​യാ​യി​രു​ന്നു. മൃ​ത​ദേ​ഹം നെ​ടു​മ്പാ​ശ്ശേ​രി പൊ​ലീ​സ് ഇ​ൻ​ക്വ​സ്റ്റ് ന​ട​ത്തി. സ​ർ​ക്കാ​ർ ഉ​ത്ത​ര​വ​നു​സ​രി​ച്ച് ക​ല​ക്ട​റു​ടെ നി​ർ​ദേ​ശ പ്ര​കാ​രം കോ​ട്ട​യം ത​ഹ​സി​ൽ​ദാ​ർ മൃ​ത​ദേ​ഹം ഏ​റ്റു​വാ​ങ്ങി.

കോ​ട്ട​യം, ഏ​റ്റു​മാ​നൂ​ർ എ​ന്നി​വി​ട​ങ്ങ​ളി​ലു​ള്ള വാ​ത​ക ശ്മ​ശാ​ന​ങ്ങ​ൾ പ്ര​വ​ർ​ത്ത​ന ക്ഷ​മ​മ​ല്ലാ​ത്ത​തി​നാ​ൽ കി​ട​ങ്ങൂ​ർ പ​ഞ്ചാ​യ​ത്തി​ന്‍റെ ശ്മ​ശാ​ന​ത്തി​ലെ​ത്തി​ച്ചു സം​സ്ക​രി​ച്ചു. മൃ​ത​ദേ​ഹ​ത്തി​ൽ പ​ഞ്ചാ​യ​ത്ത് പ്ര​സി​ഡ​ന്റ് ബോ​ബി മാ​ത്യു റീ​ത്ത് സ​മ​ർ​പ്പി​ച്ചു.

കോ​ട്ട​യം ത​ഹ​സി​ൽ​ദാ​ർ അ​നി​ൽ​കു​മാ​ർ, കി​ട​ങ്ങൂ​ർ പൊ​ലീ​സ് എ​സ്.​എ​ച്ച്.​ഒ ബി​ജു, പ​ഞ്ചാ​യ​ത്ത് സെ​ക്ര​ട്ട​റി രാ​ജീ​വ്, ലീ​ഗ​ൽ സ​ർ​വി​സ് അ​തോ​റി​റ്റി പ്ര​തി​നി​ധി കെ.​എ. ഷൈ​ജു, ഹെ​ൽ​ത്ത് ഇ​ൻ​സ്‌​പെ​ക്ട​ർ ഷി​ബു​മോ​ൻ, കി​ട​ങ്ങൂ​ർ പ​ഞ്ചാ​യ​ത്ത് ആ​രോ​ഗ്യ​കാ​ര്യ സ്ഥി​രം സ​മി​തി അ​ധ്യ​ക്ഷ​ൻ പി.​ടി. സ​നി​ൽ​കു​മാ​ർ, അ​സി​സ്റ്റ​ന്റ് സെ​ക്ര​ട്ട​റി അ​നീ​ഷ് തു​ട​ങ്ങി​യ​വ​ർ നേ​തൃ​ത്വം ന​ൽ​കി.