Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightKottayamchevron_rightഇനി പരാതിപ്പോര്​; സജി ...

ഇനി പരാതിപ്പോര്​; സജി മഞ്ഞക്കടമ്പിലിനെതിരെ കേരള കോൺഗ്രസ് എം

text_fields
bookmark_border
ഇനി പരാതിപ്പോര്​; സജി മഞ്ഞക്കടമ്പിലിനെതിരെ കേരള കോൺഗ്രസ് എം
cancel

കോട്ടയം: തെര​െഞ്ഞടുപ്പു കമീഷ​െൻറ ഉത്തരവിന്​ പിന്നാലെ കേരള കോൺഗ്രസിൽ പരാതിപ്പോര്. കേരള കോൺഗ്രസ് ജോസഫ്​ വിഭാഗം ജില്ല പ്രസിഡൻറ്​ സജി മഞ്ഞക്കടമ്പിലിനെതിരെ പരാതിയുമായി കേരള കോൺഗ്രസ്​ എം ജില്ല നേതൃത്വം. അനധികൃതമായി കേരള കോൺഗ്രസ് ​എം ​േപര് ഉപയോഗിക്കുന്നുവെന്നുകാട്ടി ജില്ല പൊലീസ്​ മേധാവിക്ക്​ ഇവർ പരാതി നൽകി.

ജോസ്​ കെ. മാണി ചെയർമാനായ പാർട്ടിക്കാണ്​ കേന്ദ്ര തെരഞ്ഞെടുപ്പ്​ കമീഷ​െൻറ വിധിയനുസരിച്ച്​ കേരള കോണ്‍ഗ്രസ്​ എം എന്ന പേരും രണ്ടില ചിഹ്നവും ഉപയോഗിക്കുന്നതിനുള്ള അവകാശം. ഇതറിഞ്ഞിട്ടും സജി മഞ്ഞക്കടമ്പില്‍ കേരള കോണ്‍ഗ്രസ്​ എം കോട്ടയം ജില്ല പ്രസിഡൻറ്​ പേരിൽ സമൂഹമാധ്യമങ്ങളിൽ പോസ്​റ്ററുകൾ പ്രചരിപ്പിക്കുകയാണ്​.

ചതയദിനാശംസകൾ നേർന്നാണ്​ പോസ്​റ്റുകൾ. ഇന്ത്യന്‍ ശിക്ഷാനിയമം അനുസരിച്ചും ഇൻഫർമേഷൻ ടെക്‌നോളജി ആക്ട് അനുസരിച്ചും കുറ്റകരമായ പ്രവര്‍ത്തിയായതിനാല്‍ അടിയന്തരമായി നിയമനടപടി കൈക്കൊള്ളണമെന്നും ജില്ല പൊലീസ്​ മേധാവിക്ക്​ കേരള കോണ്‍ഗ്രസ് എം ജില്ല പ്രസിഡൻറ്​ സണ്ണി തെക്കേടം നൽകിയ പരാതിയിൽ പറയുന്നു. ചെറുതോണിയിലെ കേരള കോൺഗ്രസ്​ പ്രവർത്തകരും ജോസഫ്​​​ വിഭാഗത്തിനെതിരെ പാർട്ടിയുടെ പേര്​ അനധികൃതമായി ഉപയോഗിക്കുന്നു​െവന്നുകാട്ടി പൊലീസിൽ പരാതി നൽകിയിരുന്നു. മറ്റ്​ സ്ഥലങ്ങളിലും അടുത്തദിവസം പരാതി നൽകാനാണ്​ പാർട്ടിയു​െട തീരുമാനം.

വ്യാജ പരാതി -സജി

കോട്ടയം: സണ്ണി തെക്കേടത്തി​​െൻറ പരാതി വ്യാജമാണെന്ന് സജി മഞ്ഞക്കടമ്പിൽ. പാർട്ടി ഭരണഘടനപ്രകാരം വർക്കിങ്​ ചെയർമാൻ പി.ജെ. ജോസഫ്​ സസ്​പെൻഡ്​​ ചെയ്ത സണ്ണി തെക്കേടം എങ്ങ​െന ജോസ് കെ.മാണി ചെയർമാനായ കേരള കോൺഗ്രസ് എമ്മി​െൻറ ജില്ല പ്രസിഡൻറാകും. ഇങ്ങനെ അവകാശപ്പെടുന്ന സണ്ണി ​തെക്കേടം, ജില്ല പ്രസിഡൻറി​െൻറ ചുമതല തനിക്കാണെന്ന്​​ കാണിച്ചുള്ള ജോസ് കെ. മാണിയുടെ കത്ത് പ്രസിദ്ധപ്പെടുത്തണം. കത്ത് ഹാജരാക്കിയി​െല്ലങ്കിൽ സണ്ണി തെക്കെടത്തിനെതിരെ വ്യക്തിഹത്യക്ക് കേസെടുക്കണമെന്നും സജി മഞ്ഞക്കടമ്പിൽ ആവശ്യപ്പെട്ടു.

Show Full Article
TAGS:Kerala Congress 
Next Story