കാ​ഞ്ഞി​ര​പ്പ​ള്ളി ജനറല്‍ ആശുപത്രിയിലെ മോര്‍ച്ചറിയുടെ പ്രവർത്തനം നിലച്ചിട്ട് ഒരുമാസം

കാ​ഞ്ഞി​ര​പ്പ​ള്ളി: ജ​ന​റ​ൽ ആ​ശു​പ​ത്രി മോ​ർ​ച്ച​റി​യു​ടെ പ്ര​വ​ർ​ത്ത​നം നി​ല​ച്ചി​ട്ട് ഒ​രു​മാ​സം ക​ഴി​ഞ്ഞി​ട്ടും ത​ക​രാ​ർ പ​രി​ഹ​രി​ക്കാ​തെ അ​ധി​കൃ​ത​ർ. അ​ടി​യ​ന്ത​ര ഘ​ട്ട​ങ്ങ​ളി​ൽ ഇ​വി​ടെ എ​ത്തി​ക്കു​ന്ന മൃ​ത​ദേ​ഹ​ങ്ങ​ൾ സ്വ​കാ​ര്യ ആ​ശു​പ​ത്രി​യി​ലെ മോ​ർ​ച്ച​റി​യി​ൽ ഭീ​മ​മാ​യ തു​ക ന​ൽ​കി​യാ​ണ് സൂ​ക്ഷി​ക്കു​ന്ന​ത്.

മോ​ര്‍ച്ച​റി​യി​ലെ ശീ​തീ​ക​ര​ണ സം​വി​ധാ​നം ത​ക​രാ​റി​ലാ​യ​താ​ണ് പ്ര​വ​ര്‍ത്ത​നം നി​ല​ക്കാ​ർ ഇ​ട​യാ​ക്കി​യ​ത്. ഒ​രു​സ​മ​യം നാ​ല്​ മൃ​ത​ദേ​ഹ​ങ്ങ​ൾ വ​രെ സൂ​ക്ഷി​ക്കാ​ൻ സൗ​ക​ര്യ​മു​ള്ള​താ​ണ് ജ​ന​റ​ൽ ആ​ശു​പ​ത്രി​യി​ലെ മോ​ര്‍ച്ച​റി. വ​ർ​ഷ​ങ്ങ​ൾ പ​ഴ​ക്ക​മു​ള്ള ഫ്രീ​സ​റു​ക​ൾ ഇ​ട​ക്ക്​ പ​ണി​മു​ട​ക്കു​ന്ന​ത് പ​തി​വാ​ണ്. പ്ര​വ​ർ​ത്ത​നം നി​ല​ക്കു​ന്ന ഫ്രീ​സ​റു​ക​ൾ അ​റ്റ​കു​റ്റ​പ്പ​ണി ചെ​യ്ത് പ്ര​വ​ർ​ത്ത​നം ആ​രം​ഭി​ക്കു​മെ​ങ്കി​ലും ദി​വ​സ​ങ്ങ​ൾ​ക്കു​ള്ളി​ൽ വീ​ണ്ടും നി​ല​ക്കും.

പു​തി​യ ഫ്രീ​സ​ർ സ്ഥാ​പി​ക്കാ​ൻ ബ്ലോ​ക്ക് പ​ഞ്ചാ​യ​ത്ത് അ​ധി​കൃ​ത​ർ ത​യാ​റാ​ക​ണ​മെ​ന്ന് വി​വി​ധ സം​ഘ​ട​ന​ക​ളും നാ​ട്ടു​കാ​രും ആ​വ​ശ്യ​പ്പെ​ട്ടി​രു​ന്നു. എ​ന്നാ​ൽ, അ​ധി​കൃ​ത​ർ ഇ​തി​നു ത​യാ​റാ​കാ​ത്ത​താ​ണ് പ്ര​ശ്നം സൃ​ഷ്ടി​ക്കു​ന്ന​ത്.

ഹൈ​റേ​ഞ്ച് ഉ​ൾ​പ്പെ​ടെ കി​ഴ​ക്ക​ന്‍ മ​ല​യോ​ര മേ​ഖ​ല​യി​ലെ നി​ര്‍ധ​ന ജ​ന​ങ്ങ​ളു​ടെ പ്ര​ധാ​ന ആ​ശ്ര​യ​മാ​ണ് കാ​ഞ്ഞി​ര​പ്പ​ള്ളി ജ​ന​റ​ല്‍ ആ​ശു​പ​ത്രി. ഈ ​മേ​ഖ​ല​യി​ൽ അ​പ​ക​ട​ങ്ങ​ളി​ൽ മ​ര​ണ​പ്പെ​ട്ട് ആ​ശു​പ​ത്രി​യി​ൽ എ​ത്തി​ക്കു​ന്ന മൃ​ത​ദേ​ഹ​ങ്ങ​ളും പൊ​ലീ​സ് കേ​സു​ക​ളു​ള്ള മൃ​ത​ദേ​ഹ​ങ്ങ​ളും ഇ​വി​ടെ സൂ​ക്ഷി​ക്കാ​ൻ സൗ​ക​ര്യ​മി​ല്ലാ​ത്ത സാ​ഹ​ച​ര്യ​ത്തി​ൽ സ്വ​കാ​ര്യ ആ​ശു​പ​ത്രി​യു​ടെ മോ​ർ​ച്ച​റി​യാ​ണ് ഉ​പ​യോ​ഗി​ക്കു​ന്ന​ത്.

ജ​ന​റ​ൽ ആ​ശു​പ​ത്രി​യി​ലെ മോ​ര്‍ച്ച​റി പ്ര​വ​ര്‍ത്തി​ക്കു​ന്ന​ത് ആ​ശു​പ​ത്രി മാ​നേ​ജ്‌​മെ​ന്റ് സ​മി​തി​യു​ടെ കീ​ഴി​ലാ​ണ്. ത​ക​രാ​ര്‍ പ​രി​ഹ​രി​ക്കാ​നും ഫ്രീ​സ​ര്‍ മാ​റ്റി സ്ഥാ​പി​ക്കാ​നും വാ​ഴൂ​ര്‍ ബ്ലോ​ക്ക് പ​ഞ്ചാ​യ​ത്തി​ല്‍നി​ന്ന് തു​ക അ​നു​വ​ദി​ച്ചി​ട്ടു​ണ്ടെ​ന്ന് അ​ധി​കൃ​ത​ർ പ​റ​യു​മ്പോ​ഴും മോ​ര്‍ച്ച​റി എ​ന്ന​ത്തേ​ക്ക് പ്ര​വ​ർ​ത്ത​ന​സ​ജ്ജ​മാ​കു​മെ​ന്ന് ആ​ശു​പ​ത്രി അ​ധി​കൃ​ത​ർ​ക്കു​പോ​ലും പ​റ​യാ​ൻ ക​ഴി​യു​ന്നി​ല്ല.