കാഞ്ഞിരപ്പള്ളി ബൈപാസ്; സംയുക്ത പരിശോധനക്ക് ജിയോളജി-റവന്യൂ വകുപ്പുകൾ

കോ​ട്ട​യം: കാ​ഞ്ഞി​ര​പ്പി​ള്ളി ബൈ​പാ​സ് നി​ർ​മാ​ണ​വു​മാ​യി ബ​ന്ധ​പ്പെ​ട്ട്​ ജി​യോ​ള​ജി, റ​വ​ന്യൂ വ​കു​പ്പു​ക​ളു​ടെ സം​യു​ക്ത പ​രി​ശോ​ധ​ന​ക്ക്​ ജി​ല്ല വി​ക​സ​ന​സ​മി​തി യോ​ഗ​ത്തി​ൽ തീ​രു​മാ​നം. ബൈ​പാ​സ് നി​ർ​മാ​ണ​ത്തി​ന്‍റെ ഭാ​ഗ​മാ​യി പാ​റ പൊ​ട്ടി​ച്ച്​ നീ​ക്കു​ന്ന ജോ​ലി​ക​ൾ പ​രാ​തി​യെ​ത്തു​ട​ർ​ന്ന് നി​ർ​ത്തി​വെ​ച്ച​ത് ജോ​ലി​ക​ളെ ബാ​ധി​ക്കു​ന്ന​താ​യ പ​രാ​തി​യി​ലാ​ണ്​ ന​ട​പ​ടി. വി​ഷ​യ​ത്തി​ൽ തു​ട​ർ​ന​ട​പ​ടി​യെ​ടു​ക്കാ​ൻ ജി​യോ​ള​ജി വ​കു​പ്പും റ​വ​ന്യൂ വ​കു​പ്പും വ്യാ​ഴാ​ഴ്ച സം​യു​ക്ത പ​രി​ശോ​ധ​ന ന​ട​ത്താ​നാ​ണ്​ ധാ​ര​ണ.

ജ​ൽ ജീ​വ​ൻ മി​ഷ​ൻ പ​ദ്ധ​തി​ക​ളു​ടെ ഭാ​ഗ​മാ​യി കാ​ഞ്ഞി​ര​പ്പ​ള്ളി നി​യോ​ജ​ക​മ​ണ്ഡ​ല​ത്തി​ലെ വാ​ട്ട​ർ ടാ​ങ്കു​ക​ളു​ടെ നി​ർ​മാ​ണം വേ​ഗ​ത്തി​ലാ​ക്കാ​നും ശ​നി​യാ​ഴ്ച ചേ​ർ​ന്ന ജി​ല്ല വി​ക​സ​ന​സ​മി​തി യോ​ഗം നി​ർ​ദേ​ശം ന​ൽ​കി. ടാ​ങ്കു​ക​ളു​ടെ പ്ര​വ​ർ​ത്ത​ന​ങ്ങ​ൾ മ​ന്ദ​ഗ​തി​യി​ലാ​ണെ​ന്ന് ചീ​ഫ് വി​പ്പ് ഡോ. ​എ​ൻ. ജ​യ​രാ​ജ് ചൂ​ണ്ടി​ക്കാ​ട്ടി​യി​രു​ന്നു. റോ​ഡു​ക​ൾ പൊ​ളി​ച്ച് പ​ല​യി​ട​ത്തും പൈ​പ്പ് സ്ഥാ​പി​ച്ചു. എ​ന്നാ​ൽ, ടാ​ങ്ക് പ​ണി​ത് വെ​ള്ള​മെ​ത്തി​ക്കാ​ത്ത​തി​നാ​ൽ റോ​ഡ് ന​ന്നാ​ക്കാ​നാ​കു​ന്നി​ല്ല. ട്രീ​റ്റ്മെ​ന്‍റ്​ പ്ലാ​ന്റ് നി​ർ​മാ​ണം തു​ട​ങ്ങാ​ത്ത​തി​നെ​യും അ​ദ്ദേ​ഹം വി​മ​ർ​ശി​ച്ചു. വാ​ഴൂ​ർ പ​ഞ്ചാ​യ​ത്തി​ലെ ജ​ല​സം​ഭ​ര​ണി​യു​ടെ നി​ർ​മാ​ണം പു​രോ​ഗ​മി​ക്കു​ക​യാ​ണെ​ന്നും മ​റ്റു മൂ​ന്നു സം​ഭ​ര​ണി​ക​ളു​ടെ നി​ർ​മാ​ണം ആ​രം​ഭി​ക്കാ​നു​ള്ള ന​ട​പ​ടി​യാ​യ​താ​യും ജ​ല അ​തോ​റി​റ്റി എ​ക്സി​ക്യൂ​ട്ടി​വ് എ​ൻ​ജി​നീ​യ​ർ അ​റി​യി​ച്ചു.

തി​രു​ന​ക്ക​ര ഉ​ത്സ​വ​ത്തി​നു​മു​മ്പ് തി​രു​ന​ക്ക​ര റി​ങ് റോ​ഡ് ന​ന്നാ​ക്ക​ണ​മെ​ന്ന് തി​രു​വ​ഞ്ചൂ​ർ രാ​ധാ​കൃ​ഷ്ണ​ൻ എം.​എ​ൽ.​എ ആ​വ​ശ്യ​പ്പെ​ട്ടു. കു​ടി​വെ​ള്ള പൈ​പ്പു​ക​ൾ സ്ഥാ​പി​ക്കാ​ൻ ജ​ല അ​തോ​റി​റ്റി കു​ഴി​ച്ച റോ​ഡു​ക​ൾ എ​ത്ര​യും പെ​ട്ടെ​ന്ന് പ​ണി പൂ​ർ​ത്തി​യാ​ക്കി പൊ​തു​മ​രാ​മ​ത്തു​വ​കു​പ്പി​ന് കൈ​മാ​റ​ണ​മെ​ന്നും തി​രു​വ​ഞ്ചൂ​ർ ആ​വ​ശ്യ​പ്പെ​ട്ടു. തെ​രു​വു​നാ​യ്​ ശ​ല്യം കൂ​ടി​യ പ​ശ്ചാ​ത്ത​ല​ത്തി​ൽ എ.​ബി.​സി സെ​ന്‍റ​റു​ക​ളു​ടെ പ്ര​വ​ർ​ത്ത​നം വ്യാ​പി​പ്പി​ക്ക​ണ​മെ​ന്ന് അ​ഡ്വ. ജോ​ബ് മൈ​ക്കി​ൾ എം.​എ​ൽ.​എ ആ​വ​ശ്യ​പ്പെ​ട്ടു. ജി​ല്ല​യി​ൽ മൂ​ന്നി​ട​ത്ത് എ.​ബി.​സി സെ​ന്‍റ​റു​ക​ൾ തു​ട​ങ്ങാ​ൻ ന​ട​പ​ടി ആ​രം​ഭി​ച്ച​താ​യി ജി​ല്ല മൃ​ഗ​സം​ര​ക്ഷ​ണ ഓ​ഫി​സ​ർ അ​റി​യി​ച്ചു.

പൂ​ഞ്ഞാ​ർ നി​യോ​ജ​ക​മ​ണ്ഡ​ല​ത്തി​ൽ വ​ന്യ​ജീ​വി ശ​ല്യം രൂ​ക്ഷ​മാ​യ സ്ഥ​ല​ങ്ങ​ളി​ൽ സൗ​രോ​ർ​ജ തൂ​ക്കു​വേ​ലി​ക​ളും കി​ട​ങ്ങു​ക​ളും നി​ർ​മി​ക്കു​ന്ന ജോ​ലി വേ​ഗ​ത്തി​ൽ പൂ​ർ​ത്തി​യാ​ക്കു​മെ​ന്ന്​ അ​ഡ്വ. സെ​ബാ​സ്റ്റ്യ​ൻ കു​ള​ത്തു​ങ്ക​ൽ എം.​എ​ൽ.​എ​യു​ടെ ചോ​ദ്യ​ത്തി​നു മ​റു​പ​ടി​യാ​യി ഡി​വി​ഷ​ന​ൽ ഫോ​റ​സ്റ്റ് ഓ​ഫി​സ​ർ അ​റി​യി​ച്ചു. ഈ​രാ​റ്റു​പേ​ട്ട മി​നി സി​വി​ൽ സ്റ്റേ​ഷ​ൻ നി​ർ​മാ​ണ​വു​മാ​യി ബ​ന്ധ​പ്പെ​ട്ട എ​സ്റ്റി​മേ​റ്റ് ഭ​ര​ണാ​നു​മ​തി​ക്കാ​യി സ​മ​ർ​പ്പി​ച്ചി​ട്ടു​ണ്ടെ​ന്ന് പൊ​തു​മ​രാ​മ​ത്ത് കെ​ട്ടി​ട​വി​ഭാ​ഗം എ​ക്സി​ക്യൂ​ട്ടി​വ് എ​ൻ​ജി​നീ​യ​ർ അ​റി​യി​ച്ചു.

കോ​ട്ട​യ​ത്തു​നി​ന്ന് രാ​ത്രി പ​ത്തി​ന്​ പാ​ലാ​യി​ലേ​ക്കു​ള്ള സ​ർ​വി​സ് മെ​ഡി​ക്ക​ൽ കോ​ള​ജ്​ വ​ഴി​യാ​ക്കി​യ​താ​യി കെ.​എ​സ്.​ആ​ർ.​ടി.​സി അ​ധി​കൃ​ത​ർ അ​റി​യി​ച്ചു. ക​ഴി​ഞ്ഞ യോ​ഗ​ത്തി​ൽ ബ​സി​ല്ലാ​ത്ത വി​ഷ​യം ഫ്രാ​ൻ​സി​സ് ജോ​ർ​ജ് എം.​പി ഉ​ന്ന​യി​ച്ചി​രു​ന്നു. ക​ല​ക്ട​ർ ജോ​ൺ വി. ​സാ​മു​വ​ൽ അ​ധ്യ​ക്ഷ​ത വ​ഹി​ച്ചു. ജി​ല്ല പ​ഞ്ചാ​യ​ത്ത് പ്ര​സി​ഡ​ന്‍റ്​ ഹേ​മ​ല​ത പ്രേം​സാ​ഗ​ർ, വൈ​സ് പ്ര​സി​ഡ​ന്‍റ്​ ജോ​സ് പു​ത്ത​ൻ​കാ​ലാ, അ​ഡീ​ഷ​ന​ൽ ജി​ല്ല മ​ജി​സ്‌​ട്രേ​റ്റ് എ​സ്. ശ്രീ​ജി​ത്ത്, സ​ബ് ക​ല​ക്ട​ർ ഡി. ​ര​ഞ്ജി​ത്ത്, ജി​ല്ല പ്ലാ​നി​ങ് ഓ​ഫി​സ​ർ എം.​പി. അ​നി​ൽ​കു​മാ​ർ എ​ന്നി​വ​ർ പ​ങ്കെ​ടു​ത്തു.