സ്വന്തമായി ചുവരെഴുതി സ്വതന്ത്ര സ്ഥാനാർഥി

കടുത്തുരുത്തി: സ്ഥാനാർഥി തന്നെ പ്രചാരണത്തിനായി ചുവരെഴുത്തും പ്രചാരണവും. മുളക്കുളം പഞ്ചായത്തിലെ 15ാം വാർഡിലെ സ്വതന്ത്ര സ്ഥാനാർഥിയായി മത്സരിക്കുന്ന ബാബുരാജും സുഹൃത്തുക്കളുമാണ് ചുവരെഴുത്ത് ആരംഭിച്ചത്.

മുമ്പ്​ പരസ്യകലാ സ്ഥാപനം നടത്തിയിരുന്ന ബാബുരാജ് ഇപ്പോൾ മൂർക്കാട്ടിൽപടിയിൽ അൻസില സ്​റ്റുഡിയോ നടത്തുന്നു. ബാബുരാജ് എൻ.സി.പി സംസ്ഥാന കമ്മിറ്റി അംഗമാണ്. മുളക്കുളത്ത് എൻ.സി.പി, എൽ.ഡി.എഫ് മുന്നണിയിലില്ല. യു.ഡി.എഫിലും എൽ.ഡി.എഫിലും ഇതുവരെ സ്ഥാനാർഥി നിർണയം പൂർത്തിയായിട്ടില്ല.