പകൽനേരം വാതിലടഞ്ഞ്​ പകൽവീട്

കോ​ട്ട​യം: ന​ഗ​ര​ത്തി​ന്‍റെ ഹൃ​ദ​യ​ഭാ​ഗ​ത്ത് ന​ഗ​ര​സ​ഭ​യു​ടെ കീ​ഴി​ൽ പ്ര​വ​ർ​ത്തി​ക്കു​ന്ന കെ. ​ക​രു​ണാ​ക​ര​ൻ സ്മാ​ര​ക പ​ക​ൽ​വീ​ടി​ന്‍റെ പ്ര​വ​ർ​ത്ത​നം നി​ല​ച്ച​നി​ല​യി​ൽ. 2014ൽ ​തി​രു​വ​ഞ്ചൂ​ർ രാ​ധാ​കൃ​ഷ്ണ​ൻ എം.​​എ​ൽ.​എ ഉ​ദ്ഘാ​ട​നം നി​ർ​വ​ഹി​ച്ച പ​ക​ൽ​വീ​ടാ​ണ്​ ഇ​പ്പോ​ൾ പൂ​ട്ടു​വീ​ണ അ​വ​സ്ഥ​യി​ലാ​യ​ത്.

വ​യ​സ്‌​ക​ര​യി​ലാ​ണ് പ​ക​ൽ​വീ​ട് സ്ഥി​തി​ചെ​യ്യു​ന്ന​ത്. വൃ​ദ്ധ​ജ​ന​ങ്ങ​ളു​ടെ ക്ഷേ​മ​വും പ​രി​പാ​ല​ന​വും ല​ക്ഷ്യ​മാ​ക്കി​യാ​ണ് ന​ഗ​ര​സ​ഭ പ​ക​ൽ​വീ​ടി​ന് തു​ട​ക്കം കു​റി​ച്ച​ത്. വ​യോ​ജ​ന​ങ്ങ​ൾ​ക്ക്​ ഒ​റ്റ​പ്പെ​ട​ലി​ന്‍റെ വി​ര​സ​ത​ക​ളി​ൽ നി​ന്ന്​ മാ​റി മാ​ന​സി​കോ​ല്ലാ​സ​ത്തോ​ടെ സ​മ​യം ചെ​ല​വ​ഴി​ക്കാ​നൊ​രി​ടം എ​ന്ന ആ​ശ​യ​ത്തോ​ടെ​യാ​ണ്​ പ​ക​ൽ​വീ​ട്​ വി​ഭാ​വ​നം ചെ​യ്തി​രി​ക്കു​ന്ന​ത്.

ടി.​വി കാ​ണു​ന്ന​തി​നു​ള്ള സൗ​ക​ര്യ​വും വി​ശ്ര​മ​വേ​ള​ക​ൾ ചെ​ല​വ​ഴി​ക്കാ​ൻ കാ​രം​സ്, ചെ​സ് തു​ട​ങ്ങി​യ വി​നോ​ദോ​പാ​ധി​ക​ളി​ൽ ഏ​ർ​പ്പെ​ടാ​നും പ​ക​ൽ​വീ​ട്ടി​ൽ സൗ​ക​ര്യ​മു​ണ്ടാ​യി​രു​ന്നു.

പ്രാ​യ​മാ​യ​വ​രു​ടെ സം​ഘ​ട​ന​ക​ളു​ടെ യോ​ഗ​ങ്ങ​ളും ഇ​വി​ടെ ന​ട​ത്തി​യി​രു​ന്നു. ഇ​ട​ക്കാ​ല​ത്ത് ന​ഗ​ര​ത്തി​ൽ ‘വി​ശ​പ്പു​ര​ഹി​ത കോ​ട്ട​യം പ​ട്ട​ണം’ പ​ദ്ധ​തി​യു​ടെ ഭാ​ഗ​മാ​യി പ​ക​ൽ​വീ​ട്ടി​ൽ സൗ​ജ​ന്യ ഉ​ച്ച​ഭ​ക്ഷ​ണ​വും ക്ര​മീ​ക​രി​ച്ചി​രു​ന്നു.

എ​ന്നാ​ൽ, പ​ക​ൽ​വീ​ടി​ന്‍റെ പ്ര​വ​ർ​ത്ത​ന​ങ്ങ​ൾ നി​ല​ച്ച​തോ​ടെ ഇ​വി​ടം കേ​ന്ദ്രീ​ക​രി​ച്ച് ന​ട​ത്തി​യി​രു​ന്ന പ​ദ്ധ​തി​ക​ളും നി​ല​ച്ചു. ഇ​തോ​ടെ ഇ​വി​ടേ​ക്ക് ആ​രും എ​ത്താ​തെ​യു​മാ​യി.

ന​ഗ​ര​സ​ഭ അ​ധി​കൃ​ത​ർ തി​രി​ഞ്ഞു​നോ​ക്കാ​ത്ത​താ​ണ് പ​ക​ൽ​വീ​ടി​ന്‍റെ പ്ര​വ​ർ​ത്ത​നം നി​ല​ച്ചു​പോ​കാ​ൻ കാ​ര​ണ​മെ​ന്ന ആ​ക്ഷേ​പ​മു​ണ്ട്. ല​ക്ഷ​ങ്ങ​ൾ മു​ട​ക്കി നി​ർ​മി​ച്ച കെ​ട്ടി​ട​വും ഇ​പ്പോ​ൾ അ​വ​ഗ​ണ​ന​യു​ടെ വ​ക്കി​ലാ​ണ്.