കോരുത്തോട്ടിൽ മഞ്ഞപ്പിത്തം; 15 പേ​ർ​ക്ക് സ്ഥി​രീ​ക​രി​ച്ചു

കോ​രു​ത്തോ​ട്: കോ​രു​ത്തോ​ട് പ​ഞ്ചാ​യ​ത്തി​ൽ 15 പേ​ർ​ക്ക് മ​ഞ്ഞ​പ്പി​ത്തം സ്ഥി​രീ​ക​രി​ച്ചു.പ​ഞ്ചാ​യ​ത്തി​ലെ മാ​ങ്ങാ​പ്പേ​ട്ട, 504 കോ​ള​നി എ​ന്നി​വി​ട​ങ്ങ​ളി​ലെ 15 പേ​ർ​ക്കാ​ണ് കു​ടി​വെ​ള്ള​ത്തി​ൽ​നി​ന്ന്​ മ​ഞ്ഞ​പ്പി​ത്തം ബാ​ധി​ച്ച​താ​യി ആ​രോ​ഗ്യ വ​കു​പ്പ്​ ക​ണ്ടെ​ത്തി​യ​ത്. സ്വ​കാ​ര്യ കു​ടി​വെ​ള്ള വി​ൽ​പ​ന​ക്കാ​രി​ൽ​നി​ന്ന്​ വാ​ങ്ങി വെ​ള്ളം ഉ​പ​യോ​ഗി​ച്ച​വ​ർ​ക്കാ​ണ് ഭൂ​രി​ഭാ​ഗ​വും രോ​ഗം ക​ണ്ടെ​ത്തി​യ​ത്. ഇ​വ​ർ​ക്ക് കു​ടി​വെ​ള്ളം വി​ത​ര​ണം ചെ​യ്യു​ന്ന ക​ച്ച​വ​ട​ക്കാ​ർ ലൈ​സ​ൻ​സി​ല്ലാ​തെ പ്ര​വ​ർ​ത്തി​ക്കു​ന്ന​വ​രാ​ണ​ന്നും ക​ണ്ടെ​ത്തി.

കൂ​ടാ​തെ 504 കോ​ള​നി​യി​ൽ അ​ന​ധി​കൃ​ത​മാ​യി മ​ദ്യം വി​ൽ​പ​ന ന​ട​ത്തു​ന്ന ക​ട​യി​ൽ​നി​ന്നും വാ​ങ്ങു​ന്ന​വ​ർ മ​ദ്യം സ​മീ​പ​ത്തെ കി​ണ​റി​ലെ വെ​ള്ള​മാ​ണ്​ ഉ​പ​യോ​ഗി​ക്കു​ന്ന​ത്. ഇ​വി​ടെ നി​ന്നും മ​ദ്യ​പി​ച്ച​വ​ർ​ക്കും രോ​ഗം ക​ണ്ടെ​ത്തി​യ​താ​യി ആ​രോ​ഗ്യ വ​കു​പ്പ് അ​ധി​കൃ​ത​ർ അ​റി​യി​ച്ചു.

മേ​ഖ​ല​യി​ലെ ജ​ന​ങ്ങ​ൾ​ക്ക് ബോ​ധ​വ​ത്ക​ര​ണം ന​ൽ​കാ​നും നി​ർ​ദേ​ശ​ങ്ങ​ൾ ലം​ഘി​ക്കു​ന്ന​വ​ർ​ക്കെ​തി​രെ ക​ർ​ശ​ന ന​ട​പ​ടി സ്വീ​ക​രി​ക്കാ​നും പ​ഞ്ചാ​യ​ത്ത് ഓ​ഫി​സി​ൽ ചേ​ർ​ന്ന യോ​ഗം തീ​രു​മാ​നി​ച്ചു. ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്‍റ്​ ജാ​ൻ​സി സാ​ബു, ആ​രോ​ഗ്യ വ​കു​പ്പ് ഇ​ൻ​സ്പെ​ക്ട​ർ സ​ന്തോ​ഷ് മാ​ത്യു, ജെ.​എ​ച്ച്.​ഐ അ​നീ​ഷ്, ടെ​ക്നി​ക്ക​ൽ അ​സി​സ്റ്റ​ന്‍റ്​ ബൈ​ജു. പ​ഞ്ചാ​യ​ത്ത് അം​ഗ​ങ്ങ​ൾ എ​ന്നി​വ​ർ പ​ങ്കെ​ടു​ത്തു.