കോട്ടയത്തെ ചൂടാണ്​ ചൂട്

കോ​ട്ട​യം: മു​ൻ​വ​ർ​ഷ​ങ്ങ​ളു​ടെ ത​നി​യാ​വ​ർ​ത്ത​ന​മാ​യി ജി​ല്ല വേ​ന​ൽ​ച്ചൂടി​ൽ ചു​ട്ടു​പൊ​ള്ളു​ന്നു. കാ​ലാ​വ​സ്ഥാ​വ​കു​പ്പി​ന്‍റെ ഔ​ദ്യോ​ഗി​ക ക​ണ​ക്ക് പ്ര​കാ​രം ഇ​ത്ത​വ​ണ 38.2 ഡി​ഗ്രി താ​പ​നി​ല​യാ​ണ് രേ​ഖ​പ്പെ​ടു​ത്തി​യ​ത്. തി​ങ്ക​ളാ​ഴ്ച​യാ​ണ്​ സം​സ്ഥാ​ന​ത്ത് ഏ​റ്റ​വും ഉ​യ​ർ​ന്ന താ​പ​നി​ല കോ​ട്ട​യ​ത്ത് രേ​ഖ​പ്പെ​ടു​ത്തി​യ​ത്. ക​ഴി​ഞ്ഞ​വ​ർ​ഷം ഇ​തേ​സ​മ​യം 38.5 ഡി​ഗ്രി വ​രെ കോ​ട്ട​യ​ത്ത്​ രേ​ഖ​പ്പെ​ടു​ത്തി​യി​രു​ന്നു. ക​ഴി​ഞ്ഞ​വ​ർ​ഷ​ങ്ങ​ളി​ലേ​ത്​ പോ​ലെ ഇ​ത്ത​വ​ണ ചൂ​ട്​ 40 ക​ട​ക്കു​മെ​ന്നാ​ണ്​ കാ​ലാ​വ​സ്ഥ വി​ദ​ഗ്​​ധ​രു​ടെ മു​ന്ന​റി​യി​പ്പ്.

ചെ​റി​യ മ​ഴ പെ​യ്‌​തി​ട്ടും ചൂ​ടി​ന് ശ​മ​ന​മി​ല്ല. പ​ക​ല്‍ പു​റ​ത്തി​റ​ങ്ങാ​ന്‍ ക​ഴി​യാ​ത്ത​വി​ധം ചൂ​ട്‌ കൂ​ടി​യ​തി​നൊ​പ്പം യു.​വി (അ​ള്‍ട്രാ​വ​യ​ല​റ്റ്‌) ഇ​ന്‍ഡ​ക്‌​സ് വ​ര്‍ധി​ച്ച​തും ജീ​വി​തം ദു​സ്സ​ഹ​മാ​ക്കു​ന്നു. ര​ണ്ടു​ദി​വ​സ​മാ​യി ജി​ല്ല​യി​ലു​ട​നീ​ളം അ​സ​ഹ​നീ​യ​മാ​യ ചൂ​ടാ​ണ്‌ അ​നു​ഭ​വ​പ്പെ​ട്ട​ത്‌. ന​ഗ​ര​പ്ര​ദേ​ശ​ങ്ങ​ളി​ലാ​യി​രു​ന്നു അ​സ്വ​സ്ഥ​ത​യേ​റെ​യും. കോ​ട്ട​യ​ത്തും വൈ​ക്ക​ത്തും ക​ഴി​ഞ്ഞ​ദി​വ​സം താ​പ​നി​ല 40 ഡി​ഗ്രി​ക്ക്​ അ​ടു​ത്തു​വ​രെ എ​ത്തി. ജി​ല്ല​യി​ല്‍ രേ​ഖ​പ്പെ​ടു​ത്തി​യ ഉ​യ​ര്‍ന്ന താ​പ​നി​ല 36 ഡി​ഗ്രി​യാ​യി​രു​ന്നു. എ​ന്നാ​ല്‍, ഓ​ട്ടോ​മാ​റ്റി​ക്‌ വെ​ത​ര്‍ സ്‌​റ്റേ​ഷ​നി​ലാ​ണ്​ താ​പ​നി​ല 40 ഡി​ഗ്രി​ക്ക്​ അ​ടു​ത്തെ​ത്തി​യ​ത്‌. കോ​ട്ട​യ​ത്ത്‌ 39.5 ഡി​ഗ്രി​യും വൈ​ക്ക​ത്ത്​ 39.3 ഡി​ഗ്രി​യും രേ​ഖ​പ്പെ​ടു​ത്തി. ഏ​താ​നും ദി​വ​സ​ത്തെ ഇ​ട​വേ​ള​ക്ക്​ ശേ​ഷ​മാ​ണ്​ താ​പ​നി​ല ഇ​ത്ര​യും ഉ​യ​ര്‍ന്ന​ത്‌.

കോ​ട്ട​യം ഉ​ള്‍പ്പെ​ടെ​യു​ള്ള ജി​ല്ല​ക​ളി​ല്‍ പ​തി​വി​ലും ചൂ​ട്‌ കൂ​ടു​ത​ലാ​ണെ​ന്നാ​ണ്​ നി​രീ​ക്ഷ​ക​ര്‍ പ​റ​യു​ന്ന​ത്‌. ചി​ല ദി​വ​സ​ങ്ങ​ളി​ല്‍ ഉ​ഷ്‌​ണ​ത​രം​ഗ​ത്തി​ന്​ സ​മാ​ന​മാ​യാ​ണ്‌ ചൂ​ടി​ന്‍റെ വ​ര്‍ധ​ന. ശ​രാ​ശ​രി താ​പ​നി​ല​യി​ല്‍ നി​ന്ന്‌ നാ​ല്​ മു​ത​ല്‍ അ​ഞ്ച്​ ഡി​ഗ്രി വ​രെ താ​പ​നി​ല ഉ​യ​രു​മ്പോ​ഴാ​ണ്‌ ഉ​ഷ്‌​ണ​ത​രം​ഗ സാ​ഹ​ച​ര്യം നി​ല​നി​ല്‍ക്കു​ന്ന​ത്‌. രാ​ത്രി താ​പ​നി​ല​യും ഉ​യ​ര്‍ന്നു​നി​ല്‍ക്കു​ന്ന​തും അ​സ്വ​സ്‌​ഥ​ത വ​ര്‍ധി​പ്പി​ക്കു​ന്ന​താ​യി നി​രീ​ക്ഷ​ക​ര്‍ പ​റ​യു​ന്നു. യു.​വി ഇ​ന്‍ഡ​ക്‌​സ് ആ​റ്​ ക​ട​ന്നാ​ല്‍ മ​ഞ്ഞ അ​ല​ര്‍ട്ടും എ​ട്ട്​ മു​ത​ല്‍ 10 വ​രെ ഓ​റ​ഞ്ച്‌ അ​ല​ര്‍ട്ടും 11ന്​ ​മു​ക​ളി​ല്‍ റെ​ഡ്‌ അ​ല​ര്‍ട്ടു​മാ​ണ്‌. ഉ​ഷ്‌​ണ​മേ​ഖ​ല പ്ര​ദേ​ശ​ങ്ങ​ളി​ലും മ​ല​യോ​ര​ങ്ങ​ളി​ലും യു​വി തോ​ത്‌ പൊ​തു​വെ ഉ​യ​ര്‍ന്നി​രി​ക്കും.

ക​രു​ത​ൽ വേ​ണം

അ​ൾ​ട്രാ​വൈ​ല​റ്റ് ഇ​ൻ​ഡ​ക്സി​ൽ ഉ​യ​ർ​ന്ന സൂ​ചി​ക രേ​ഖ​പ്പെ​ടു​ത്തി​യ​തി​നാ​ൽ രാ​വി​ലെ 10 മു​ത​ൽ വൈ​കീ​ട്ട് മൂ​ന്ന്​ വ​രെ നേ​രി​ട്ട്​ വെ​യി​ലേ​ൽ​ക്കു​ന്ന​ത് പ​ര​മാ​വ​ധി ഒ​ഴി​വാ​ക്ക​ണ​മെ​ന്ന്​ ദു​ര​ന്ത​നി​വാ​ര​ണ അ​തോ​റി​റ്റി മു​ന്ന​റി​യി​പ്പ് ന​ൽ​കി​യി​ട്ടു​ണ്ട്. അ​ള്‍ട്രാ​വ​യ​ല​റ്റ്‌ വി​കി​ര​ണ​ങ്ങ​ളു​ടെ വ​ര്‍ധ​ന ഗു​രു​ത​ര ആ​രോ​ഗ്യ​പ്ര​ശ്‌​ന​ങ്ങ​ള്‍ക്കും ഇ​ട​യാ​ക്കും.

വെ​യി​ല​ത്ത് ജോ​ലി​ചെ​യ്യു​ന്ന​വ​രും ച​ർ​മ, നേ​ത്ര രോ​​ഗ​ങ്ങ​ൾ ഉ​ള്ള​വ​രും കാ​ൻ​സ​ർ പോ​ലെ ​ഗു​രു​ത​ര​രോ​​ഗ​ങ്ങ​ളോ രോ​​ഗ​പ്ര​തി​രോ​ധ ശേ​ഷി കു​റ​ഞ്ഞ​വ​രും പ്ര​ത്യേ​ക ജാ​​ഗ്ര​ത പു​ല​ർ​ത്ത​ണ​മെ​ന്നും മു​ന്ന​റി​യി​പ്പു​ണ്ട്. ദാ​ഹ​മി​ല്ലെ​ങ്കി​ലും ധാ​രാ​ളം ശു​ദ്ധ​ജ​ലം കു​ടി​ക്ക​ണം. കു​ട​യോ തൊ​പ്പി​യോ സ​ണ്‍ഗ്ലാ​സോ ഉ​പ​യോ​ഗി​ക്ക​ണം.