പരിശോധന കർശനമാകുന്നില്ല; തീൻമേശയിൽ എത്തുന്നത്​ ഗുണമില്ലാത്ത ഇറച്ചി

കോ​ട്ട​യം: മ​ല​യാ​ളി​ക​ളു​ടെ തീ​ൻ​മേ​ശ​യി​ലെ​ത്തു​ന്ന ഭൂ​രി​ഭാ​ഗം ആ​ട്ടി​റ​ച്ചി​യും എ​ത്തു​ന്ന​ത് അ​ന്യ​സം​സ്ഥാ​ന​ങ്ങ​ളി​ൽ നി​ന്ന്, ഇതാകട്ടെ മൃ​ഗ​സം​ര​ക്ഷ​ണ​വ​കു​​പ്പി​ന്‍റെ ക​ണ്ണ്​ വെ​ട്ടി​ച്ചും. വ​ലി​യ തു​ക ന​ൽ​കി രോ​ഗ​ബാ​ധ​യു​ള്ള ഇ​റ​ച്ചി ക​ഴി​ക്കേ​ണ്ട ഗ​തി​കേ​ടിലാ​ണ്​ മ​ല​യാ​ളി​ക​ൾ. ക​ർ​ണാ​ട​ക, ആ​ന്ധ്ര​പ്ര​ദേ​ശ്, മ​ഹാ​രാ​ഷ്ട്ര തു​ട​ങ്ങി​യ സം​സ്ഥാ​ന​ങ്ങ​ളി​ൽ​നി​ന്നാ​ണ് ജി​ല്ല​യി​ലെ പ്ര​ധാ​ന​വി​പ​ണി​ക​ളി​ല​ക്കം ആ​ടു​ക​ളെ എ​ത്തി​ക്കു​ന്ന​ത്.

കി​ലോ​ക്ക് 200 രൂ​പ നി​ര​ക്കി​ലാ​ണ് പ്ര​തി​രോ​ധ വാ​ക്സി​നേ​ഷ​ൻ പോ​ലും ന​ൽ​കാ​തെ ഇ​വ​യെ അ​വി​ടെ നി​ന്ന് എ​ത്തി​ക്കു​ന്ന​ത്. ഇ​വി​ടെ കി​ലോ​ക്ക് ആ​യി​രം രൂ​പ നി​ര​ക്കി​ലാ​ണ് ഇ​റ​ച്ചി വി​ൽ​പ​ന. ഇ​ത്ര​യും വി​ല​ക്ക് വി​ൽ​കു​ന്ന ഇ​റ​ച്ചി​ക്കാ​യി എ​ത്തി​ക്കു​ന്ന ആ​ടു​ക​ളി​ൽ പ​രി​ശോ​ധ​ന കാ​ര്യ​ക്ഷ​മ​മ​ല്ലെ​ന്നാ​ണ്​ ആ​ക്ഷേ​പം. ഒ​രു മാ​ന​ദ​ണ്ഡ​വും പാ​ലി​ക്കാ​തെ​യാ​ണ് ആ​ടു​ക​ളെ എ​ത്തി​ക്കു​ന്ന​ത്.

250ല​ധി​കം ആ​ടു​ക​ളെ കു​ത്തി​നി​റ​ച്ചും​ യാ​തൊ​രു അ​ട​ച്ചു​റ​പ്പു​മി​ല്ലാ​തെ​യു​മാ​ണ്​ ലോ​റി​ക​ൾ അ​തി​ർ​ത്തി​ക​ട​ക്കു​ന്ന​ത്. തി​ങ്ങി​ഞെ​രി​ഞ്ഞ്​ എ​ത്തു​ന്ന​വ​യി​ൽ നി​ര​വ​ധി ആ​ടു​ക​ൾ ല​ക്ഷ്യ​സ്ഥാ​ന​ത്ത്​ എ​ത്തു​മ്പോ​ഴേ​ക്കും ച​ത്തു​പോ​കു​ന്ന അ​വ​സ്ഥ​യു​മു​ണ്ട്. ക​ഴി​ഞ്ഞ​ദി​വ​സം മ​ഹാ​രാ​ഷ്ട്ര​യി​ൽ നി​ന്ന് കോ​ട്ട​യ​ത്ത്​ എ​ത്തി​ച്ച ലോ​ഡി​ൽ മു​പ്പ​തോ​ളം ആ​ടു​ക​ൾ ച​ത്തി​രു​ന്നു. പാ​ല​ക്കാ​ട് ജി​ല്ല​യി​ലും സ​മാ​ന സം​ഭ​വ​മു​ണ്ടാ​യി​ട്ടു​ണ്ട്. അ​വി​ടെ ച​ത്ത ആ​ടു​ക​ളെ വ​ന​ത്തി​ൽ മ​റ​വ്​ ചെ​യ്യാ​നു​ള്ള ശ്ര​മം വ​നം വ​കു​പ്പ് അ​ധി​കൃ​ത​ർ ത​ട​ഞ്ഞ​തും വാ​ർ​ത്ത​യാ​യി​രു​ന്നു.

മ​ഴ​ക്കാ​ലം ആ​രം​ഭി​ച്ചാ​ൽ ആ​ടു​ക​ൾ ചാ​കു​ന്ന​ത് ഇ​നി​യും വ​ർ​ധി​ക്കും. കേ​ര​ള​ത്തി​ൽ വി​വാ​ഹ സീ​സ​ൺ ആ​രം​ഭി​ച്ച സാ​ഹ​ച​ര്യ​ത്തി​ൽ ആ​ട്ടി​റ​ച്ചി​ക്ക് ആ​വ​ശ്യ​ക്കാ​ർ കൂ​ടു​ത​ലാ​ണ്. ഇ​ത് മു​ൻ​നി​ർ​ത്തി വ​ൻ​തോ​തി​ൽ ആ​ടു​ക​ളെ എ​ത്തി​ക്കും. തീ​ൻ​മേ​ശ​യി​ൽ എ​ത്തു​ന്ന ആ​ട്ടി​റ​ച്ചി​ക്ക്​ രോ​ഗ​ബാ​ധ​യോ വി​ഷാം​ശ​മോ ഉ​ണ്ടാ​വാ​തി​രി​ക്കാ​ൻ മൃ​ഗ​സം​ര​ക്ഷ​ണ വ​കു​പ്പ് പ​രി​ശോ​ധ​ന ക​ർ​ശ​ന​മാ​ക്ക​ണ​മെ​ന്നാ​ണ് ആ​വ​ശ്യം.