കോ​ട്ട​യം ജില്ലയില്‍ പാമ്പുകടിയേല്‍ക്കുന്നവരുടെ എണ്ണത്തിൽ വര്‍ധന

കോ​ട്ട​യം: ജി​ല്ല​യി​ല്‍ പാ​മ്പു​ക​ടി​യേ​ല്‍ക്കു​ന്ന​വ​രു​ടെ എ​ണ്ണം വ​ര്‍ധി​ക്കു​ന്നു. 2020ല്‍ 239 ​പേ​രാ​യി​രു​ന്നു പാ​മ്പു​ക​ടി​യേ​റ്റ് ചി​കി​ത്സ തേ​ടി​യ​തെ​ങ്കി​ൽ ക​ഴി​ഞ്ഞ​വ​ർ​ഷം 307പേ​ര്‍ ആ​ശു​പ​ത്രി​ക​ളി​ലെ​ത്തി. 2018ല്‍ ​വെ​റും 52പേ​ര്‍ക്ക്​ മാ​ത്ര​മാ​ണ്​ ജി​ല്ല​യി​ല്‍ പാ​മ്പു​ക​ടി​യേ​റ്റ​ത്. 2019ല്‍ 171 ​പേ​ർ​ക്കും ക​ടി​യേ​റ്റു. വി​ഷ​കാ​രി​ക​ളു​ടെ പ​ക്ക​ലെ​ത്തി​യ​വ​രു​ടെ​യും സ്വ​യം ചി​കി​ത്സ തേ​ടി​യ​വ​രു​ടെ എ​ണ്ണ​വും കൂ​ടി ക​ണ​ക്കാ​ക്കി​യാ​ല്‍ പ​ട്ടി​ക​യു​ടെ നീ​ള​മേ​റും. വി​ഷ​മി​ല്ലാ​ത്ത പാ​മ്പു​ക​ളു​ടെ ക​ടി​യേ​റ്റ​വ​രും ഈ ​ക​ണ​ക്കു​ക​ൾ​ക്ക്​ പു​റ​ത്താ​ണ്.

മ​ഹാ​പ്ര​ള​യ​ത്തി​നു​ശേ​ഷം ജി​ല്ല​യി​ൽ പാ​മ്പു​ക​ളു​ടെ ശ​ല്യം വ​ർ​ധി​ച്ച​താ​യാ​ണ്​ വി​ല​യി​രു​ത്ത​ൽ. കോ​ട്ട​യം ന​ഗ​ര​സ​ഭ, അ​യ്മ​നം, ആ​ര്‍പ്പൂ​ക്ക​ര, തി​രു​വാ​ര്‍പ്പ്, കു​മ​ര​കം, കു​റി​ച്ചി പ​ഞ്ചാ​യ​ത്തു​ക​ളി​ലാ​ണു പാ​മ്പി​ന്‍റെ ശ​ല്യം വ​ര്‍ധി​ച്ചി​രി​ക്കു​ന്ന​ത്. ഓ​രോ വെ​ള്ള​പ്പൊ​ക്ക​ത്തി​ലും പെ​രു​മ്പാ​മ്പ് തു​ട​ങ്ങി മൂ​ര്‍ഖ​ന്‍ വ​രെ ഒ​ഴു​കി​യെ​ത്തും. വെ​ള്ള​മി​റ​ങ്ങു​ന്ന​തോ​ടെ ഇ​വ​യെ​ല്ലാം ജ​ന​ങ്ങ​ള്‍ക്കു ഭീ​ഷ​ണി​യാ​കു​ക​യാ​ണെ​ന്ന്​ നാ​ട്ടു​കാ​ർ പ​റ​യു​ന്നു.

പ്ര​ള​യ​ശേ​ഷ​മു​ള്ള കാ​ലാ​വ​സ്ഥ വ്യ​തി​യാ​നം ഇ​ഴ​ജ​ന്തു​ക്ക​ളെ​യ​ട​ക്കം സാ​ര​മാ​യി ബാ​ധി​ച്ചി​ട്ടു​ണ്ടെ​ന്നാ​ണു വി​ദ​ഗ്ധ​ര്‍ ന​ല്‍കു​ന്ന വി​വ​രം. ദു​ര​ന്ത സാ​ധ്യ​ത മു​ന്നി​ല്‍ ക​ണ്ട് സ​ര്‍ക്കാ​ര്‍ ആ​ശു​പ​ത്രി​ക​ളി​ല്‍ പാ​മ്പു​വി​ഷ ചി​കി​ത്സ​ക്കു​ള്ള ആ​ന്‍റി​വെ​നം ഉ​റ​പ്പാ​ക്കി​യി​ട്ടു​ണ്ട്. പ​ടി​ഞ്ഞാ​റ​ന്‍ മേ​ഖ​ല​യി​ല്‍ ഒ​ഴു​കി​യെ​ത്തു​ന്ന വെ​ള്ള​മാ​ണ്​ പ്ര​ശ്‌​ന​മെ​ങ്കി​ല്‍ കി​ഴ​ക്ക​ന്‍ മേ​ഖ​ല​യി​ല്‍ ക​ത്തു​ന്ന ചൂ​ടി​ല്‍നി​ന്ന്​ ര​ക്ഷ​തേ​ടി പാ​മ്പു​ക​ള്‍ വീ​ടി​ന്‍റെ പ​രി​സ​ര​ങ്ങ​ളി​ല്‍ എ​ത്തു​ന്ന​താ​ണു ജ​ന​ങ്ങ​ളു​ടെ ഉ​റ​ക്കം കെ​ടു​ത്തു​ന്ന​ത്. വ​നാ​തി​ര്‍ത്തി പ​ഞ്ചാ​യ​ത്തു​ക​ളി​ലും പാ​മ്പി​ന്‍റെ ശ​ല്യ​മു​ണ്ട്.

ഇ​ണ​ചേ​ര​ല്‍ ന​ട​ക്കു​ന്ന ഡി​സം​ബ​ര്‍ മു​ത​ല്‍ ഏ​പ്രി​ല്‍ വ​രെ​യു​ള്ള സ​മ​യ​ങ്ങ​ളി​ലാ​ണ് പാ​മ്പു​ക​ളു​ടെ ശ​ല്യം ഏ​റു​ന്ന​ത്. പാ​മ്പ്​ ക​ടി​യേ​റ്റാ​ൽ ചി​കി​ത്സ​ക്ക്​ ഒ​രു ല​ക്ഷം​രൂ​പ വ​രെ സ​ഹാ​യ​മു​ണ്ട്. മ​രി​ക്കു​ക​യോ അം​ഗ​വൈ​ക​ല്യം സം​ഭ​വി​ക്കു​ക​യോ ചെ​യ്താ​ല്‍ ര​ണ്ടു​ല​ക്ഷം രൂ​പ വ​രെ​യും ല​ഭി​ക്കും. ര​ജി​സ്​​ട്രേ​ഡ്​ മെ​ഡി​ക്ക​ല്‍ ഓ​ഫി​സ​ര്‍ സാ​ക്ഷ്യ​പ്പെ​ടു​ത്തി​യ ബി​ല്ലു​ക​ള്‍ സ​ഹി​തം അ​ക്ഷ​യ​കേ​ന്ദ്രം വ​ഴി അ​പേ​ക്ഷി​ച്ചാ​ല്‍ ന​ഷ്ട​പ​രി​ഹാ​ര​വും ല​ഭി​ക്കു​മെ​ന്ന്​ അ​ധി​കൃ​ത​ർ പ​റ​ഞ്ഞു.