കോ​ട്ട​യം ജില്ലയിൽ രണ്ട് വർഷത്തിനിടെ ‘ലൈഫ് കിട്ടിയത്’ 3228 കുടുംബത്തിന്​

കോ​ട്ട​യം: ര​ണ്ടു വ​ർ​ഷം​കൊ​ണ്ട്​ ലൈ​ഫ് മി​ഷ​ൻ പ​ദ്ധ​തി​യി​ൽ ജി​ല്ല​യി​ൽ നി​ർ​മി​ച്ച് കൈ​മാ​റി​യ​ത് 3228 വീ​ട്. 2021 മേ​യ് 20 മു​ത​ൽ 2023 മാ​ർ​ച്ച് 27 വ​രെ​യു​ള്ള ക​ണ​ക്കാ​ണി​ത്. ജി​ല്ല​യി​ൽ ഇ​തു​വ​രെ 12,638 വീ​ടാ​ണ് ലൈ​ഫ് പ​ദ്ധ​തി​യി​ൽ പൂ​ർ​ത്തീ​ക​രി​ച്ച​ത്.ഇ​തി​ൽ ലൈ​ഫ് പ​ദ്ധ​തി​യി​ൽ 7983 വീ​ടും പി.​എം.​എ.​വൈ (യു)-2282, ​പി.​എം.​എ.​വൈ (ജി)-829, ​എ​സ്.​സി- 1289, എ​സ്.​ടി- 61, ഫി​ഷ​റീ​സ്-107, മൈ​നോ​റി​റ്റി- 87 എ​ന്നി​വ​യും ഉ​ൾ​പ്പെ​ടു​ന്നു.

വി​ജ​യ​പു​രം ഗ്രാ​മ​പ​ഞ്ചാ​യ​ത്തി​ലെ പൊ​ൻ​പ​ള്ളി വാ​ർ​ഡി​ൽ നി​ർ​മാ​ണം പൂ​ർ​ത്തി​യാ​ക്കി​യ 44 യൂ​നി​റ്റു​ള്ള ഭ​വ​ന​സ​മു​ച്ച​യം ഏ​പ്രി​ലി​ൽ ഗു​ണ​ഭോ​ക്താ​ക്ക​ൾ​ക്ക് കൈ​മാ​റും. 6.40 കോ​ടി രൂ​പ ചെ​ല​വി​ലാ​ണ് സ​മു​ച്ച​യ​ത്തി​ന്റെ നി​ർ​മാ​ണം പൂ​ർ​ത്തി​യാ​ക്കി​യ​ത്.ര​ണ്ട് മു​റി, ഹാ​ൾ, അ​ടു​ക്ക​ള, ശു​ചി​മു​റി എ​ന്നി​വ ഉ​ൾ​പ്പെ​ട്ട​താ​ണ് ഫ്ലാ​റ്റു​ക​ൾ. ഇ​വി​ടെ 42 കു​ടും​ബ​ത്തി​ന്​ താ​മ​സ സൗ​ക​ര്യ​മൊ​രു​ക്കും. അ​മെ​നി​റ്റി​ക​ൾ​ക്കാ​യി ര​ണ്ട് യൂ​നി​റ്റ്​ ഉ​പ​യോ​ഗ​പ്പെ​ടു​ത്തും. അ​തി​ദ​രി​ദ്ര്യ നി​ർ​ണ​യ പ്ര​ക്രി​യ​യി​ലൂ​ടെ ക​ണ്ടെ​ത്തി​യ ഭൂ​ര​ഹി​ത/ ഭ​വ​ന​ര​ഹി​ത​രാ​യ 206 കു​ടും​ബ​ങ്ങ​ളി​ൽ ലൈ​ഫ് പ​ട്ടി​ക​യി​ൽ ഉ​ൾ​പ്പെ​ട്ട ഭ​വ​ന​ര​ഹി​ത​രാ​യ 40 പേ​രു​മാ​യി ക​രാ​റി​ൽ ഏ​ർ​പ്പെ​ട്ടു​ക​ഴി​ഞ്ഞു.

ലൈ​ഫ് പ​ട്ടി​ക​യി​ൽ ഉ​ൾ​പ്പെ​ട്ട ഭൂ​ര​ഹി​ത ഭ​വ​ന​ര​ഹി​ത കു​ടും​ബ​ങ്ങ​ൾ​ക്ക് ഭ​വ​ന നി​ർ​മാ​ണ​ത്തി​ന്​ ഭൂ​മി ക​ണ്ടെ​ത്താ​ൻ ‘മ​ന​സ്സോ​ടെ ഇ​ത്തി​രി മ​ണ്ണ്’ കാ​മ്പ​യി​നി​ലൂ​ടെ 110 സെ​ന്റ് സ്ഥ​ലം സൗ​ജ​ന്യ​മാ​യി ല​ഭി​ച്ചു.വെ​ള്ളൂ​ർ ഗ്രാ​മ​പ​ഞ്ചാ​യ​ത്തി​ൽ 100 സെ​ന്റ് സ്ഥ​ല​വും കോ​ട്ട​യം ന​ഗ​ര​സ​ഭ​ക്ക്​ 10 സെ​ന്റ് സ്ഥ​ല​വും ലൈ​ഫ് മി​ഷ​ന് കൈ​മാ​റി.