ഡോക്ടറുടെ പേരിൽ കള്ളയൊപ്പിട്ട് വ്യാജരേഖ ചമച്ചയാൾക്ക് കഠിനതടവും പിഴയും

കോ​ട്ട​യം: ഡോ​ക്ട​റു​ടെ പേ​രി​ൽ ക​ള്ള​യൊ​പ്പി​ട്ട് വ്യാ​ജ​രേ​ഖ ച​മ​ച്ച​യാ​ൾ​ക്ക് മൂ​ന്നു​വ​ർ​ഷം ക​ഠി​ന​ത​ട​വും 10000 രൂ​പ പി​ഴ​യും. വേ​ളൂ​ർ ര​ഹ​മ​ന്ത് മ​ൻ​സി​ലി​ൽ സ​ലാ​ഹു​ദ്ദീ​നെ​യാ​ണ്​ (30) കോ​ട്ട​യം ജു​ഡീ​ഷ്യ​ൽ ഫ​സ്റ്റ് ക്ലാ​സ് മ​ജി​സ്‌​ട്രേ​റ്റ്​ കോ​ട​തി ജ​ഡ്ജി എ​സ്. അ​ന​ന്ത​കൃ​ഷ്ണ​ൻ ശി​ക്ഷി​ച്ച​ത്.

2015 ഏ​പ്രി​ൽ 14നാ​യി​രു​ന്നു കേ​സി​നാ​സ്പ​ദ​മാ​യ സം​ഭ​വം. സ്വ​ന്ത​മാ​യി ഉ​പ​യോ​ഗി​ക്കു​ന്ന​തി​നും, വി​ല്പ​ന ന​ട​ത്തു​ന്ന​തി​നു​മാ​യി മെ​ഡി​ക്ക​ൽ ഷോ​പ്പു​ക​ളി​ൽ നി​ന്ന് ഉ​റ​ക്ക​ഗു​ളി​ക​ക​ളു​ടെ ഇ​ന​ത്തി​ൽ​പ്പെ​ട്ട മ​രു​ന്നു​ക​ൾ വാ​ങ്ങാ​നാ​യി പ്ര​തി കോ​ട്ട​യം മെ​ഡി​ക്ക​ൽ കോ​ള​ജ്​ ആ​ശു​പ​ത്രി​യി​ൽ നി​ന്ന് ബ​ഷീ​ർ പൊ​ൻ​കു​ന്നം എ​ന്ന പേ​രി​ൽ ഒ.​പി ടി​ക്ക​റ്റ് വാ​ങ്ങി. ഇ​തി​ൽ കോ​ട്ട​യം ജി​ല്ല ആ​ശു​പ​ത്രി​യി​ൽ ജോ​ലി ചെ​യ്യു​ന്ന ഡോ. ​ആ​ഷ പി. ​നാ​യ​രു​ടെ പേ​രി​ൽ വ്യാ​ജ ഒ​പ്പി​ട്ട ഒ.​പി ടി​ക്ക​റ്റ് കൈ​വ​ശം സൂ​ക്ഷി​ച്ചു.

സം​ഭ​വ ദി​വ​സം രാ​ത്രി പ്ര​തി​യെ ഇ​ല്ലി​ക്ക​ൽ മു​നി​സി​പ്പ​ൽ ഗ്രൗ​ണ്ടി​ന് സ​മീ​പം ഇ​ല്ലി​ക്ക​ൽ- താ​ഴ​ത്ത​ങ്ങാ​ടി റോ​ഡി​ൽ സം​ശ​യാ​സ്പ​ദ​മാ​യി ക​ണ്ട​തി​നെ തു​ട​ർ​ന്ന് കോ​ട്ട​യം വെ​സ്റ്റ് പൊ​ലീ​സ് ക​സ്റ്റ​ഡി​യി​ലെ​ടു​ത്തു. തു​ട​ർ​ന്ന് ന​ട​ത്തി​യ ചോ​ദ്യം​ചെ​യ്യ​ലി​ലാ​ണ് വ്യാ​ജ​രേ​ഖ ച​മ​ച്ച​താ​യി ക​ണ്ടെ​ത്തി​യ​ത്. ഇ​തി​ന്‍റെ അ​ടി​സ്ഥാ​ന​ത്തി​ലാ​ണ്​ കേ​സെ​ടു​ത്ത്​ ഇ​യാ​ളെ അ​റ​സ്റ്റ്​ ചെ​യ്ത​ത്.