കാ​ഞ്ഞി​ര​പ്പ​ള്ളിയിലെ അനധികൃത പാർക്കിങ്; ഗതാഗതക്കുരുക്കും അപകടഭീഷണിയും

കാ​ഞ്ഞി​ര​പ്പ​ള്ളി: മ​ല​യോ​ര​മേ​ഖ​ല​യു​ടെ ക​വാ​ട​മാ​യ കാ​ഞ്ഞി​ര​പ്പ​ള്ളി പ​ട്ട​ണ​ത്തി​ലെ ദേ​ശീയ​പാ​ത​യോ​ര​ത്തെ അ​ന​ധി​കൃ​ത പാ​ർ​ക്കി​ങ് ഗ​താ​ഗ​ത​ക്കു​രു​ക്കി​ന് കാ​ര​ണ​മാ​കു​ന്നു. ഇ​തി​ന് പു​റ​മെ പാ​ത​യോ​ര​ത്ത് വാ​ഹ​ന​ങ്ങ​ൾ കി​ട​ക്കു​ന്ന​തി​നാ​ൽ കാ​ൽ​ന​ട​യാ​ത്ര​ക്കാ​ർ യാ​ത്ര​ക്കാ​യി റോ​ഡി​നെ ആ​ശ്ര​യി​ക്കേ​ണ്ട സ്ഥി​തി​യാ​ണ്. തി​ര​ക്കേ​റി​യ പാ​ത​യോ​ര​ത്തു​കൂ​ടി ന​ട​ക്കു​ന്ന കാ​ൽ​ന​ട​യാ​ത്ര​ക്കാ​ർ ഏ​ത് നി​മി​ഷ​വും അ​പ​ക​ട​ത്തി​ൽ​പെ​ടാ​വു​ന്ന സ്ഥി​തി​യാ​ണു​ള്ള​ത്.

കാ​ഞ്ഞി​ര​പ്പ​ള്ളി ടൗ​ണി​ൽ കു​രി​ശു​ങ്ക​ൽ ക​വ​ല മു​ത​ൽ പൂ​ത​ക്കു​ഴി വ​രെ ദേ​ശി​യ​പാ​ത​യു​ടെ ഇ​രു​വ​ശ​വും വാ​ഹ​ന​ങ്ങ​ൾ പാ​ർ​ക്കി​ങി​നാ​യി ക​യ്യേ​റി​യ സ്ഥി​തി​യാ​ണു​ള്ള​ത്. പ​ല സ്ഥ​ല​ങ്ങ​ളി​ലും നോ ​പാ​ർ​ക്കി​ങ് ബോ​ർ​ഡു​ണ്ടെ​ങ്കി​ലും അ​തി​ന് സ​മീ​പ​ത്തു​വ​രെ വാ​ഹ​ന​ങ്ങ​ൾ പാ​ർ​ക്ക് ചെ​യ്യു​ക​യാ​ണ്.

പൂ​ത​ക്കു​ഴി​യി​ൽ റാ​ണി ആ​ശു​പ​ത്രി​ക്ക് സ​മീ​പ​മു​ള്ള കൊ​ടും​വ​ള​വി​ൽ വ​ലി​യ വാ​ഹ​ന​ങ്ങ​ൾ അ​ട​ക്കം പ​തി​വാ​യി പാ​ത​യോ​രം കൈ​യ്യ​ട​ക്കി​യി​രി​ക്കു​ക​യാ​ണ്. ഇ​ത് കാ​ൽ​ന​ട​യാ​ത്ര​ക്കാ​ർ​ക്കും ദേ​ശി​യ പാ​ത​യി​ലെ വാ​ഹ​ന​യാ​ത്രി​ക​ർ​ക്കും ഒ​രേ പോ​ലെ ബു​ദ്ധി​മു​ട്ട് സൃ​ഷ്ടി​ക്കു​ക​യാ​ണ്. പാ​ത​യോ​ര​ത്ത് വ​ള​ർ​ന്ന് നി​ൽ​ക്കു​ന്ന ചെ​ടി​ക​ളും കാ​ഴ്ച മ​റ​ക്കു​ന്ന സ്ഥി​തി​യാ​ണ്. ദേ​ശി​യ​പാ​ത​യി​ലൂ​ടെ വ​ള​വ് തി​രി​ഞ്ഞു വ​രു​മ്പോ​ൾ കാ​ഴ്ച​ത​ട​സം മൂ​ല​വും കാ​ൽ​ന​ട​യാ​ത്ര​ക്കാ​ർ റോ​ഡി​ലൂ​ടെ വ​രു​ന്ന​ത് കാ​ര​ണ​വും അ​പ​ക​ടം സം​ഭ​വി​ക്കാം.

പ​ല​പ്പോ​ഴും ഇ​വി​ടെ രൂ​പ​പ്പെ​ടു​ന്ന ഗ​താ​ഗ​ത​ക്കു​രു​ക്ക് മ​ണി​ക്കൂ​റു​ക​ളോ​ളം കാ​ഞ്ഞി​ര​പ്പ​ള്ളി ടൗ​ണി​നെ സ്തം​ഭ​നാ​വ​സ്ഥ​യി​ലാ​ക്കാ​റു​ണ്ട്. പ​ല​പ്പോ​ഴും ഇ​ത് നി​യ​ന്ത്രി​ക്കു​ന്ന​തി​ന് ആ​വ​ശ്യ​മാ​യ പൊ​ലീ​സു​കാ​ർ ടൗ​ണി​ൽ ഉ​ണ്ടാ​കാ​റി​ല്ല. മി​ക്ക​പ്പോ​ഴും മൂ​ന്നോ നാ​ലോ ഹോം​ഗാ​ർ​ഡു​ക​ൾ മാ​ത്ര​മാ​ണ് ടൗ​ണി​ൽ ആ​കെ ഡ്യൂ​ട്ടി​യി​ലു​ള്ള​ത്. ഇ​വ​രെ കൊ​ണ്ട് ടൗ​ണി​ലെ ആ​കെ ഗ​താ​ഗ​ത കു​രു​ക്ക് നി​യ​ന്ത്രി​ക്കു​ക പ്രാ​യോ​ഗി​ക​മ​ല്ല. ട്രാ​ഫി​ക്ക് പൊ​ലീ​സ് പെ​ട്രോ​ളി​ങ് യൂ​നി​റ്റ് ആ​രം​ഭി​ച്ചാ​ൽ ഗ​താ​ഗ​ത​നി​യ​ന്ത്ര​ണം കൂ​ടു​ത​ൽ കാ​ര്യ​ക്ഷ​മ​മാ​കും.

കാ​ഞ്ഞി​ര​പ്പ​ള്ളി ടൗ​ണി​ൽ ദേ​ശി​യ​പാ​ത​യോ​ര​ത്തെ അ​ന​ധി​കൃ​ത പാ​ർ​ക്കി​ങ് ക​ർ​ശ​ന​മാ​യി ഒ​ഴി​വാ​ക്കി ഗ​താ​ഗ​ത​ക്കു​രു​ക്കും അ​പ​ക​ട​ര​ഹി​ത​മാ​യ കാ​ൽ​ന​ട​യാ​ത്ര​യും വാ​ഹ​ന​യാ​ത്ര​യും ഉ​റ​പ്പാ​ക്കാ​നും അ​ധി​കൃ​ത​ർ അ​ടി​യ​ന്ത​ര ന​ട​പ​ടി​ക​ൾ സ്വീ​ക​രി​ക്ക​ണ​മെ​ന്നാ​ണ്​ ആ​വ​ശ്യ​മു​യ​രു​ന്ന​ത്.