പുഞ്ചക്കൊയ്ത്തിന്​ തുടക്കം; പോള നിറഞ്ഞ്​ തോടുകൾ

കോ​ട്ട​യം: ജി​ല്ല​യി​ൽ പു​ഞ്ച​ക്കൊ​യ്ത്തി​ന്​ തു​ട​ക്ക​മാ​യി​രി​ക്കെ, പാ​ട​ശേ​ഖ​ര​ങ്ങ​ളോ​ട് ചേ​ർ​ന്ന തോ​ടു​ക​ൾ പോ​ള നി​റ​ഞ്ഞ​നി​ല​യി​ൽ. ഇ​തോ​ടെ കൊ​യ്​​തെ​ടു​ക്കു​ന്ന നെ​ല്ല്​ എ​ങ്ങ​നെ ക​ര​യി​ലേ​ക്ക്​ എ​ത്തി​ക്കു​മെ​ന്ന ആ​ശ​ങ്ക​യി​ലാ​ണ്​ നെ​ൽ​ക​ർ​ഷ​ക​ർ.

വ​ള്ള​ത്തി​ൽ മാ​ത്രം എ​ത്താ​ൻ ക​ഴി​യു​ന്ന തി​രു​വാ​ർ​പ്പ് പ​ഞ്ചാ​യ​ത്തി​ലെ വി​വി​ധ പാ​ട​ശേ​ഖ​ര​ങ്ങ​ളി​ലെ ക​ർ​ഷ​ക​ർ​ക്കാ​ണ്​ പോ​ള തി​രി​ച്ച​ടി​യാ​കു​ന്ന​ത്. പോ​ള​യി​ലൂ​ടെ വ​ള്ള​ങ്ങ​ൾ​ക്ക്​ ക​ട​ന്നു​പോ​കാ​ൻ ക​ഴി​യാ​ത്ത സാ​ഹ​ച​ര്യ​മാ​ണ്. വ​ള്ള​ങ്ങ​ളി​ൽ നെ​ല്ലു​കൂ​ടി​ ക​യ​റ്റി​യാ​ൽ, ഒ​ര​ടി​പോ​ലും മു​ന്നോ​ട്ടു നീ​ങ്ങാ​ൻ ക​ഴി​യാ​ത്ത സ്ഥി​തി​യാ​കു​മെ​ന്നും ഇ​വ​ർ പ​റ​യു​ന്നു.

തി​രു​വാ​ർ​പ്പ് ഗ്രാ​മ​പ​ഞ്ചാ​യ​ത്തി​ൽ ജെ ​ബ്ലോ​ക്ക് ഒ​മ്പ​തി​നാ​യി​രം, പു​തി​യേ​രി, ന​ടു​വി​ലെ പാ​ടം, എം.​എ​ൻ. ബ്ലോ​ക്ക്, മാ​ര​കം കാ​യ​ൽ, വെ​ട്ടി​ക്കാ​ട്ട് തു​ട​ങ്ങി വി​വി​ധ പാ​ട​ശേ​ഖ​ര​ങ്ങ​ളി​ലാ​യി 9000 ഹെ​ക്​​ട​റോ​ള​മാ​ണ്​ നെ​ൽ​കൃ​ഷി. ഇ​വി​ടേ​ക്ക്​ എ​ത്താ​നു​ള്ള ഏ​ക​മാ​ർ​ഗം ജ​ല​വാ​ഹ​ന​ങ്ങ​ൾ മാ​ത്ര​മാ​ണ്. കൊ​യ്ത്തി​ന്​ ദി​വ​സ​ങ്ങ​ൾ മാ​ത്രം അ​വ​ശേ​ഷി​ക്കെ പ്ര​ശ്​​ന​ത്തി​ന്​ പ​രി​ഹാ​ര​മു​ണ്ടാ​യി​ല്ലെ​ങ്കി​ൽ വി​ള​വെ​ടു​പ്പ്​ സ്തം​ഭ​ന​ത്തി​ലാ​കു​മെ​ന്നും ഇ​വ​ർ ചൂ​ണ്ടി​ക്കാ​ട്ടു​ന്നു.

ജി​ല്ല​യി​ലെ ചി​ല പാ​ട​ശ​ഖ​ര​ങ്ങ​ളി​ൽ ​​കൊ​യ്ത്ത്​ ആ​രം​ഭി​ച്ചെ​ങ്കി​ലും തി​രു​വാ​ർ​പ്പി​ൽ 40 ദി​വ​സം​കൂ​ടി ക​ഴി​ഞ്ഞാ​ൽ മാ​ത്ര​മേ വി​ള​വെ​ടു​പ്പ്​ ആ​രം​ഭി​ക്കു​ക​യു​ള്ളൂ. വേ​ന​ൽ ക​ടു​ത്ത​തോ​ടെ കൃ​ഷി​ക്കും ഏ​റെ ജ​ലം ആ​വ​ശ്യ​മാ​ണ്. എ​ന്നാ​ൽ, പോ​ള നി​റ​ഞ്ഞ വെ​ള്ളം ഉ​പ​യോ​ഗി​ക്കു​ന്ന​ത് തി​രി​ച്ച​ടി​യാ​കു​മെ​ന്നും ക​ർ​ഷ​ക​ർ പ​റ​യു​ന്നു. പോ​ള ക​യ​റി​യ​തി​നാ​ൽ അ​ഴു​കി ക​റു​ത്ത നി​ല​യി​ലാ​ണ്​ വെ​ള്ളം. പാ​ട​ശേ​ഖ​ര​നോ​ട് ചേ​ർ​ന്ന കാ​യ​ലി​ലും സ്ഥി​തി സ​മാ​ന​മാ​ണ്. അ​തി​നാ​ൽ അ​വി​ടെ​നി​ന്ന്​ വെ​ള്ളം പ​മ്പ്​ ചെ​യ്യു​ന്ന​ത്​ ഉ​ൽ​പാ​ദ​ന​ത്തെ ബാ​ധി​ക്കു​മെ​ന്നും ചൂ​ണ്ടി​ക്കാ​ട്ട​പ്പെ​ടു​ന്നു.

ജ​ലം മ​ലി​ന​മാ​കു​മെ​ന്ന​തി​നാ​ൽ പോ​ള ന​ശി​പ്പി​ക്കാ​ൻ മ​രു​ന്നു​ക​ൾ ഉ​പ​യോ​ഗി​ക്കാ​ൻ ക​ഴി​യി​ല്ല. യ​ന്ത്രം ഉ​പ​യോ​ഗി​ച്ച് പോ​ള വാ​രി​മാ​റ്റു​ക മാ​ത്ര​മാ​ണ് പ്ര​തി​വി​ധി. എ​ന്നാ​ൽ, ഇ​തി​ന് പ​ഞ്ചാ​യ​ത്തു​ത​ല​ത്തി​ൽ ഫ​ണ്ട്​ അ​നു​വ​ദി​ക്കാ​ത്ത​തി​നാ​ൽ ക​ർ​ഷ​ക​ർ പ​ണം ക​ണ്ടെ​ത്തേ​ണ്ട സ്ഥി​തി​യാ​ണ്. ഇ​തി​നു​ള്ള അ​ധി​ക​ച്ചെ​ല​വ്​ ക​ർ​ഷ​ക​രെ പ്ര​തി​സ​ന്ധി​യി​ലാ​ക്കു​ന്നു​മു​ണ്ട്. സ​ർ​ക്കാ​ർ​ത​ല​ത്തി​ൽ പോ​ള​ശ​ല്യം പ​രി​ഹ​രി​ക്കാ​ൻ പ​ഞ്ചാ​യ​ത്തു​ക​ളു​ടെ സ​ഹ​ക​ര​ണ​ത്തോ​ടെ പ​ദ്ധ​തി ത​യാ​റാ​ക്ക​ണ​മെ​ന്നും ക​ർ​ഷ​ക​ർ ആ​വ​ശ്യ​പ്പെ​ടു​ന്നു.

ജ​ല​ഗ​താ​ഗ​ത​ത്തി​നും പോ​ള തി​രി​ച്ച​ടി​യാ​ണ്. കോ​ട്ട​യം-​ആ​ല​പ്പു​ഴ ജ​ല​പാ​ത​യി​ലെ കാ​ഞ്ഞി​രം മു​ത​ൽ പൊ​ള്ള നി​റ​ഞ്ഞി​രി​ക്കു​ക​യാ​ണ്. കാ​ഞ്ഞി​രം കാ​യ​ലി​ലും പ​ഴു​ക്കാ​ൻ​നി​ല കാ​യ​ലി​ലും പോ​ള തി​ങ്ങി​നി​റ​ഞ്ഞു. പോ​ള​യി​ലൂ​ടെ തു​ട​ർ​ച്ച​യാ​യി സ​ഞ്ച​രി​ക്കു​ന്ന​ത്​ ബോ​ട്ടു​ക​ൾ​ക്ക്​ കേ​ടു​പാ​ട്​ സം​ഭ​വി​ക്കു​ന്ന​താ​യും ക​ർ​ഷ​ക​ർ പ​റ​യു​ന്നു. ചെ​റു​വ​ള്ള​ങ്ങ​ളി​ൽ സ​ഞ്ച​രി​ക്കു​ന്ന​വ​ർ​ക്കും പോ​ള ദു​രി​ത​മാ​കു​ക​യാ​ണ്.