അസഭ്യവർഷവുമായി വ്യാപാരി; കടയടപ്പിച്ച്​ ഹരിതകർമസേനാംഗങ്ങൾ

കോ​ട്ട​യം: മാ​ലി​ന്യ​മെ​ടു​ക്കാ​നെ​ത്തി​യ ഹ​രി​ത​ക​ർ​മ സേ​നാം​ഗ​ങ്ങ​ളെ അ​സ​ഭ്യം പ​റ​ഞ്ഞ്​ ആ​​ക്ഷേ​പി​ച്ച്​ പ​ച്ച​ക്ക​റി വ്യ​ാപാ​രി. പ്ര​തി​ഷേ​ധ​വു​മാ​യി ന​ഗ​ര​സ​ഭ​യി​ലെ ഹ​രി​ത​ക​ർ​മ​സേ​നാം​ഗ​ങ്ങ​ൾ ഒ​ന്നി​ച്ചെ​ത്തി​യ​തോ​ടെ ക​ട​യ​ട​പ്പി​ച്ച്​ പൊ​ലീ​സ്. വ്യാ​പാ​രി​ക്കെ​തി​രെ ഗാ​ന്ധി​ന​ഗ​ർ പൊ​ലീ​സ്​ കേ​സെ​ടു​ത്തു. സം​ഭ​വം ഒ​ത്തു​തീ​ർ​പ്പാ​ക്കാ​ൻ ന​ഗ​ര​സ​ഭ ചെ​യ​ർ​പേ​ഴ്​​സ​ൻ ശ്ര​മി​ക്കു​ക​യാ​ണെ​ന്ന്​ മു​നി​സി​പ്പ​ൽ പ്ര​തി​പ​ക്ഷ​നേ​താ​വും​ മ​ഹി​ള അ​സോ​സി​യേ​ഷ​ൻ ​ജി​ല്ല സെ​ക്ര​ട്ട​റി​യു​മാ​യ അ​ഡ്വ. ഷീ​ജ അ​നി​ൽ പ​റ​ഞ്ഞു.

12നാ​ണ്​ കേ​സി​നാ​സ്പ​ദ​മാ​യ സം​ഭ​വം ന​ട​ന്ന​ത്. എ​സ്.​എ​ച്ച്. മൗ​ണ്ടി​ൽ വ​ട്ട​മൂ​ട്​ പാ​ല​ത്തി​നു സ​മീ​പ​ത്തെ ടി​ബ​റ്റ്​ പ​ച്ച​ക്ക​റി മൊ​ത്ത വ്യാ​പാ​ര​സ്ഥാ​പ​ന​ത്തി​ൽ മാ​ലി​ന്യ​മെ​ടു​ക്കാ​നെ​ത്തി​യ​താ​യി​രു​ന്നു 12ാം വാ​ർ​ഡി​ലെ ഹ​രി​ത​ക​ർ​മ​സേ​നാം​ഗ​ങ്ങ​ളാ​യ മൃ​ദു​ല ത​ങ്ക​പ്പ​ൻ, ത​ങ്ക​മ്മ ര​വി​കു​മാ​ർ എ​ന്നി​വ​ർ. ചെ​ളി​നി​റ​ഞ്ഞ മാ​ലി​ന്യം എ​ടു​ക്കി​ല്ലെ​ന്നും ത​രം​തി​രി​ച്ചു​മാ​റ്റി​വെ​ക്ക​ണ​മെ​ന്നും ആ​വ​ശ്യ​പ്പെ​ട്ട​തോ​ടെ വ്യാ​പാ​രി ആ​ളു​ക​ൾ​ക്കു മു​ന്നി​ൽ​വെ​ച്ച്​ ഇ​വ​രെ അ​സ​ഭ്യം പ​റ​യു​ക​യും ക​യ്യേ​റ്റം ചെ​യ്യാ​ൻ ശ്ര​മി​ക്കു​ക​യു​മാ​യി​രു​ന്നു. റോ​ഡി​ലൂ​ടെ പോ​യ ഒ​രാ​ൾ വി​ഡി​യോ എ​ടു​ത്ത​തോ​ടെ​യാ​ണ്​ വി​വ​രം പു​റ​ത്ത​റി​ഞ്ഞ​ത്.

ഹ​രി​ത​ക​ർ​മ​സേ​നാം​ഗ​ങ്ങ​ൾ ക​ൺ​സോ​ർ​ട്യം സെ​ക്ര​ട്ട​റി​യോ​ട്​ പ​രാ​തി പ​റ​​ഞ്ഞെ​ങ്കി​ലും താ​ൻ വ​ന്നി​ട്ട്​ തീ​രു​മാ​നം എ​ടു​ക്കാ​മെ​ന്ന്​ മു​നി​സി​പ്പ​ൽ ചെ​യ​ർ​പേ​ഴ്​​സ​ൻ അ​റി​യി​ച്ച​താ​യി പ​രാ​തി​യി​ൽ പ​റ​യു​ന്നു. തീ​രു​മാ​നം ​വൈ​കി​യ​തോ​ടെ അ​ഡ്വ. ഷീ​ജ അ​നി​ലി​ന്‍റെ നേ​തൃ​ത്വ​ത്തി​ൽ ഇ​ട​പെ​ട്ട്​ ഞാ​യ​റാ​ഴ്ച ഗാ​ന്ധി​ന​ഗ​ർ സ്​​റ്റേ​ഷ​നി​ലെ​ത്തി മൊ​ഴി ന​ൽ​കി എ​ഫ്.​ഐ.​ആ​ർ. ര​ജി​സ്റ്റ​ർ ചെ​യ്യി​ക്കു​ക​യാ​യി​രു​ന്നു. അ​സ​ഭ്യം പ​റ​യു​ന്ന വീ​ഡി​യോ സ​ഹി​ത​മാ​ണ്​ പ​രാ​തി ന​ൽ​കി​യി​ട്ടു​ള്ള​ത്.

ഇ​യാ​ളെ അ​റ​സ്റ്റ്​ ചെ​യ്യ​ണ​മെ​ന്നും ജാ​മ്യ​മി​ല്ലാ വ​കു​പ്പ്​ പ്ര​കാ​രം കേ​സെ​ടു​ക്ക​ണ​മെ​ന്നു​മാ​വ​ശ്യ​​പ്പെ​ട്ടാ​ണ്​ മു​നി​സി​പ്പാ​ലി​റ്റി​യി​ലെ മു​ഴു​വ​ൻ ഹ​രി​ത​ക​ർ​മ​സോ​നാം​ഗ​ങ്ങ​ളും ക​ട​ക്കു മു​ന്നി​ൽ പ്ര​തി​ഷേ​ധി​ച്ച​ത്. പൊ​ലീ​സ്​ ഇ​ട​പെ​ട്ട്​ ക​ട അ​ട​പ്പി​ച്ച​തി​നെ​തു​ട​ർ​ന്ന്​​ പ്ര​തി​ഷേ​ധം അ​വ​സാ​നി​പ്പി​ച്ചു. കൗ​ൺ​സി​ല​ർ​മാ​രാ​യ സി​ന്ധു ജ​യ​കു​മാ​ർ, എം.​ടി. മോ​ഹ​ന​ൻ തു​ട​ങ്ങി​യ​വ​ർ നേ​തൃ​ത്വം ന​ൽ​കി.