ഹരിതവിവാഹമൊരുക്കി മാതൃകയായി ഹരിതകര്‍മ സേന

കൂ​ട്ടി​ക്ക​ൽ: ഹ​രി​ത​വി​വാ​ഹ​മൊ​രു​ക്കി നാ​ടി​ന് മാ​തൃ​ക​യാ​യി കൂ​ട്ടി​ക്ക​ല്‍ ഗ്രാ​മ​പ​ഞ്ചാ​യ​ത്തി​ലെ ഹ​രി​ത​ക​ര്‍മ സേ​ന. ഹ​രി​ത​ക​ര്‍മ​സേ​ന അം​ഗ​മാ​യ ശ്യാ​മ​ള​യു​ടെ​യും കെ.​ജി. ഗോ​പി​യു​ടെ​യും മ​ക​നാ​യ വി​മ​ലി​ന്‍റെ വി​വാ​ഹ​മാ​ണ് ഹ​രി​താ​ഭ​മാ​യി ന​ട​ത്തി​യ​ത്. വ​ധു കോ​ട്ട​യം കാ​രാ​പ്പു​ഴ സ്വ​ദേ​ശി​നി നീ​നു​വാ​ണ്. തെ​ങ്ങോ​ല​ക​ള്‍ മെ​ട​ഞ്ഞ ആ​ര്‍ച്ച്, കു​രു​ത്തോ​ല​കൊ​ണ്ടു​ള്ള അ​ല​ങ്കാ​ര​പ്പ​ണി​ക​ള്‍, മാ​ലി​ന്യം ശേ​ഖ​രി​ക്കാ​ന്‍ വ​ല്ല​ങ്ങ​ള്‍ എ​ന്നി​വ ഹ​രി​ത​ക​ര്‍മ​സേ​ന​യു​ടെ നേ​തൃ​ത്വ​ത്തി​ല്‍ ഒ​രു​ക്കി. ആ​ഹാ​രം വി​ള​മ്പാ​ന്‍ ഇ​ല​ക​ളും വെ​ള്ളം കൊ​ടു​ക്കാ​ന്‍ സ്റ്റീ​ല്‍ ഗ്ലാ​സു​ക​ളും ഉ​പ​യോ​ഗി​ച്ചു. ഭ​ക്ഷ​ണം വി​ള​മ്പി​യ​ത് ഹ​രി​ത​ക​ര്‍മ​സേ​ന അം​ഗ​ങ്ങ​ളാ​ണ്.

വ​ധൂ​വ​ര​ന്മാ​രെ തെ​ങ്ങോ​ല തൊ​പ്പി​യ​ണി​യി​ച്ച് സ്വീ​ക​രി​ക്കു​ക​യും വീ​ട്ടു​വ​ള​പ്പി​ല്‍ വൃ​ക്ഷ​ത്തൈ ന​ടീ​ക്കു​ക​യും ചെ​യ്തു. വി​വാ​ഹ​ത്തി​ല്‍ പ​ങ്കെ​ടു​ത്ത​വ​ര്‍ക്ക് പ​ച്ച​ക്ക​റി വി​ത്തു​ക​ള്‍ ന​ല്‍കി. ചെ​റി​യ വി​വാ​ഹ സ​ൽ​ക്കാ​ര​മാ​ണെ​ങ്കി​ലും മ​ന​സ്സി​ന്‍റെ വ​ലു​പ്പം​കൊ​ണ്ട് ഹ​രി​ത​മാ​യി മാ​റ്റാ​ന്‍ ഹ​രി​ത​ക​ര്‍മ​സേ​ന അം​ഗം ആ​ഗ്ര​ഹം പ​റ​ഞ്ഞ​തി​നെ തു​ട​ര്‍ന്ന് ക​ണ്‍സോ​ർ​ട്യം മീ​റ്റി​ങ്ങി​ല്‍ തീ​രു​മാ​ന​മെ​ടു​ത്ത് ന​ട​പ്പാ​ക്കു​ക​യാ​യി​രു​ന്നു. പ​ഞ്ചാ​യ​ത്ത് പ്ര​സി​ഡ​ന്‍റ് സി​ന്ധു മു​ര​ളി, വാ​ര്‍ഡ് അം​ഗം എം.​വി. ഹ​രി​ഹ​ര​ന്‍, മ​റ്റു ഭ​ര​ണ​സ​മി​തി അം​ഗ​ങ്ങ​ള്‍ എ​ന്നി​വ​രു​ടെ പൂ​ര്‍ണ പി​ന്തു​ണ​യോ​ടെ​യാ​ണ് ക്ര​മീ​ക​ര​ണം ചെ​യ്ത​ത്.

വി​വാ​ഹ​ശേ​ഷം വ​ധൂ​വ​ര​ന്മാ​ർ വൃ​ക്ഷ​ത്തൈ ന​ട്ടു. ജി​ല്ല പ​ഞ്ചാ​യ​ത്ത്​ അം​ഗം പി.​ആ​ര്‍. അ​നു​പ​മ ആ​ശം​സ​ക​ള്‍ നേ​ര്‍ന്നു. വി.​ഇ.​ഒ പി.​ജി. പ​ത്മ​കു​മാ​ര്‍, അ​സി.​സെ​ക്ര​ട്ട​റി കെ.​കെ. സി​ന്ധു​മോ​ള്‍, ന​വ​കേ​ര​ളം ക​ര്‍മ​പ​ദ്ധ​തി റി​സോ​ഴ്സ്​​പേ​ഴ്സ​ൻ അ​ന്‍ഷാ​ദ് ഇ​സ്മാ​യി​ല്‍, ആ​ര്‍.​ജി.​എ​സ്.​എ കോ​ഓ​ഡി​നേ​റ്റ​ര്‍ സൈ​ന ബ​ഷീ​ര്‍, കു​ടു​ബ​ശ്രീ ചെ​യ​ര്‍പേ​ഴ്സ​ൻ ആ​ശാ​ബി​ജു എ​ന്നി​വ​ര്‍ നേ​തൃ​ത്വം ന​ല്‍കി.