അരക്കിലോഗ്രാം സ്വർണം പിടികൂടി

കോട്ടയം: രേഖകൾ ഇല്ലാതെ കടത്തിക്കൊണ്ടുവന്ന അരക്കിലോഗ്രാം സ്വർണക്കട്ടികളും ആഭരണങ്ങളും പിടികൂടി. നഗരത്തിലെ വിവിധ സ്ഥലങ്ങളിൽനിന്ന് ഇന്റലിജന്‍റ്സ് ജോയന്‍റ് കമീഷണറുടെ നിർദേശപ്രകാരം നടത്തിയ പരിശോധനയിലാണ് സ്വർണം പിടികൂടിയത്.

പിഴയടക്കം സ്വർണത്തിന് 21 ലക്ഷം രൂപ അടക്കാൻ നോട്ടീസ് നൽകി. ഓഫിസർമാരായ വി.ആർ. മഹേഷ്‌, ജെ. ഉദയകുമാർ എന്നിവരുടെ നേതൃത്വത്തിൽ ഇൻസ്‌പെക്ടർമാരായ സുരേഷ് ബാബു, ജഗദാംബിക, ബിന്ദു, ചിഞ്ചു, രേണു, ഷബ്‌ന, ഡ്രൈവർമാരായ ശ്രീകുമാർ, സജീവ്കുമാർ എന്നിവരടങ്ങിയ സംഘമാണ് സ്വർണം പിടികൂടിയത്.