മെ​ഡി​ക്ക​ൽ കോ​ള​ജിൽ ഇരക്കും ആരോപണ വിധേയനും സ്ഥലം മാറ്റം

ഗാ​ന്ധി​ന​ഗ​ർ: ഭി​ന്ന​ശേ​ഷി​ക്കാ​രി​യാ​യ ഫാ​ർ​മ​സി​സ്​​റ്റി​നെ സ​ഹ​പ്ര​വ​ർ​ത്ത​ക​ൻ മാ​ന​സി​ക​മാ​യി പീ​ഡി​പ്പി​ച്ചെ​ന്ന പ​രാ​തി​യി​ൽ ഇ​ര​ക്കും ആ​രോ​പ​ണ​വി​ധേ​യ​നാ​യ ഫാ​ർ​മ​സി​സ്​​റ്റി​നും സ്ഥ​ലം മാ​റ്റം. മെ​ഡി​ക്ക​ൽ കോ​ള​ജ് കു​ട്ടി​ക​ളു​ടെ ആ​ശു​പ​ത്രി​യി​ലെ ഫാ​ർ​മ​സി​സ്​​റ്റു​മാ​രെ​യാ​ണ് മെ​ഡി​ക്ക​ൽ കോ​ള​ജി​ലേ​ക്ക് സ്ഥ​ലം മാ​റ്റി​യ​ത്.

നാ​ലു​മാ​സം മു​മ്പ്​ കു​ട്ടി​ക​ളു​ടെ ആ​ശു​പ​ത്രി​യി​ലെ ഭി​ന്ന​ശേ​ഷി​ക്കാ​രി​യാ​യ ഫാ​ർ​മ​സി​സ്​​റ്റി​നെ ഡ്യൂ​ട്ടി​ക്കി​ട​യി​ൽ ഒ​രു പു​രു​ഷ ഫാ​ർ​മ​സി​സ്​​റ്റ്​ മാ​ന​സി​ക​മാ​യി പീ​ഡി​പ്പി​ക്കു​ക​യും ലൈം​ഗി​ക ചു​വ​യു​ള്ള ഭാ​ഷ ഉ​പ​യോ​ഗി​ച്ച് സം​സാ​രി​ക്കു​ക​യും ജോ​ലി ത​ട​സ്സ​പ്പെ​ടു​ത്തു​ക​യും ചെ​യ്​​തു​വെ​ന്ന് പ​രാ​തി ഉ​യ​ർ​ന്നി​രു​ന്നു.

ഇ​ക്കാ​ര്യം​കാ​ട്ടി മെ​ഡി​ക്ക​ൽ കോ​ള​ജ് പ്രി​ൻ​സി​പ്പ​ൽ, കു​ട്ടി​ക​ളു​ടെ ആ​ശു​പ​ത്രി സൂ​പ്ര​ണ്ട് എ​ന്നി​വ​ർ​ക്ക് പ​രാ​തി​യും ന​ൽ​കി. പ​രാ​തി​യെ​ക്കു​റി​ച്ച് അ​ന്വേ​ഷി​ക്കാ​ൻ അ​ധി​കൃ​ത​ർ ആ​ശു​പ​ത്രി സൂ​പ്ര​ണ്ട് ഡോ. ​പി. സ​വി​ത​യെ ചു​മ​ത​ല​പ്പെ​ടു​ത്തി. തു​ട​ർ​ന്ന് സൂ​പ്ര​ണ്ട് ന​ട​ത്തി​യ പ്രാ​ഥ​മി​ക അ​ന്വേ​ഷ​ണ​ത്തി​ൽ ഫാ​ർ​മ​സി​യി​ൽ അ​നൈ​ക്യ​വും പ​തി​വാ​യി ക​ല​ഹ​വും ന​ട​ക്കു​ന്നു​വെ​ന്നും ഇ​ത് ഫാ​ർ​മ​സി​യു​ടെ ദൈ​നം​ദി​ന പ്ര​വ​ർ​ത്ത​ന​ത്തെ ബാ​ധി​ക്കു​ന്നു​ണ്ടെ​ന്ന് റി​പ്പോ​ർ​ട്ട് ന​ൽ​കി. ഇ​തോ​ടെ പ​രാ​തി​ക്കാ​രി​യെ​യും ആ​രോ​പ​ണ വി​ധേ​യ​നെ​യും കോ​ട്ട​യം മെ​ഡി​ക്ക​ൽ കോ​ള​ജി​ലേ​ക്ക് സ്ഥ​ലം മാ​റ്റാ​ൻ ഉ​ത്ത​ര​വി​ടു​ക​യാ​യി​രു​ന്നു. ഒ​രേ ഡി​പ്പാ​ർ​ട്മെൻറി​ൽ വ​രാ​ത്ത വി​ധം ഇ​രു​വ​ർ​ക്കും ഉ​ചി​ത​മാ​യ നി​യ​മ​നം ന​ൽ​ക​ണ​മെ​ന്നും ഉ​ത്ത​ര​വി​ൽ പ​റ​യു​ന്നു.