കോട്ടയത്ത്​ യുവാവി​െൻറ മൃതദേഹം കത്തിക്കരിഞ്ഞ നിലയിൽ

ഗാന്ധിനഗർ (കോട്ടയം): മെഡിക്കൽ കോളജിനുസമീപം യുവാവി​െൻറ മൃതദേഹം കത്തിക്കരിഞ്ഞ നിലയിൽ കണ്ടെത്തി. ചുങ്കം മള്ളൂശ്ശേരി മര്യാത്തുരുത്ത് സെൻറ്​ തോമസ് എൽ.പി സ്കൂളിന്​ സമീപം കളരിക്കൽ കാർത്തികയിൽ (പടിഞ്ഞാ​േറ മുറിയിൽ) പരേതനായ രാജശേഖര​െൻറയും വിജയമ്മയുടെയും മകൻ പ്രശാന്ത് രാജി​െൻറ (36) മൃതദേഹമാണ് കത്തിക്കരിഞ്ഞ നിലയിൽ കണ്ടെത്തിയത്.

കോവിഡുമായി ബന്ധപ്പെട്ട് താൽക്കാലിക അടിസ്ഥാനത്തിൽ ആരോഗ്യപ്രവർത്തകനായി പ്രവർത്തിച്ചുവരുകയായിരുന്നു. വെള്ളിയാഴ്ച രാവിലെ 10 ഒാടെ വീട്ടിൽനിന്ന്​ ജോലിക്കുപോയ ഇദ്ദേഹം രാത്രി വൈകിയും തിരിച്ചെത്തിയില്ല. സ്വകാര്യ സ്ഥാപനത്തിൽനിന്ന്​ വാടകക്കെടുത്ത ഇന്നോവ കാറിൽ സ്വയം ഓടിച്ചാണ് ജോലിക്കുപോയിരുന്നത്. വൈകീട്ട് 5.30 വരെ ബന്ധുക്കളുമായി ഫോണിൽ ബന്ധപ്പെട്ടിരുന്നു. പിന്നീട് ഫോൺ സ്വിച്ച് ഓഫ് ആയി. തുടർന്ന് ശനിയാഴ്​ച രാവിലെ ഭാര്യയും ബന്ധുക്കളും ഗാന്ധിനഗർ പൊലീസിൽ പരാതി നൽകി. ഈ സമയം പ്രശാന്ത് വാടകക്കെടുത്ത ഇന്നോവ കാർ ഗാന്ധിനഗർ പൊലീസ് സ്​റ്റേഷനുമുന്നിലൂടെ കടന്നുപോയി. ശ്രദ്ധയിൽപെട്ട പൊലീസ് ഉദ്യോഗസ്ഥർ ഗാന്ധിനഗർ ജങ്​ഷനിലെ പെട്രോൾ പമ്പിനുസമീപം തടഞ്ഞ് കസ്​റ്റഡിയിലെടുത്തു.

കാറിൽ ഉണ്ടായിരുന്ന ആളെ ചോദ്യം ചെയ്തപ്പോൾ ത​െൻറ കാറാ​ണെന്നും ഗൂഗ്​ൾ ​െസർച്ചിലൂടെ കണ്ടെത്തി എടുക്കുകയായിരുന്നെന്നും താക്കോൽ കാറിൽതന്നെ ഉണ്ടായിരുന്നതായും പറഞ്ഞു. തുടർന്ന്​ കാർ കിടന്ന സ്ഥലത്ത് പൊലീസ് അന്വേഷണം നടത്തുകയായിരുന്നു. മെഡിക്കൽ കോളജ് കുട്ടികളുടെ ആശുപത്രി റോഡിൽനിന്ന്​ ചാത്തുണ്ണിപ്പാറക്കുപോകുന്ന വഴിയിൽ അര കി.മീ. മാറി ആളൊഴിഞ്ഞ പ്രദേശത്ത് കുറ്റിക്കാട്ടിലാണ് മൃതദേഹം കണ്ടെത്തിയത്. ഇതിനുസമീപത്താണ്​ ഡോക്ടർമാർ താമസിക്കുന്ന ക്വാർട്ടേഴ്സ്​. മൃതദേഹം മെഡിക്കൽ കോളജ് ആശുപത്രി മോർച്ചറിയിലേക്കുമാറ്റി. വൈക്കം വെള്ളൂർ സ്വദേശിനി പാർവതിയാണ് ഭാര്യ. മക്കൾ: അദ്വൈത് (നാല്​), അർണവ് (ഒന്ന്​).

സംഭവത്തിൽ ദുരൂഹതയുണ്ടെന്നും അന്വേഷണം വേണമെന്നും ബന്ധുക്കൾ പറഞ്ഞു​. സാമ്പത്തിക ബുദ്ധിമുട്ട്​ ഉണ്ടായിരുന്നില്ല. കോവിഡ്​ കഴിഞ്ഞ് വിമാനയാത്ര തുടങ്ങുമ്പോൾ വിദേശത്ത്​​ പോകാൻ തയാറായിരിക്കുകയായിരുന്നു. ഒരിക്കലും ആത്മഹത്യ ചെയ്യില്ലെന്നും​ ബന്ധുക്കൾ പറഞ്ഞു.

എന്നാൽ, പ്രശാന്ത് ഫോറൻസിക് വിഭാഗത്തിലെ ഡോക്ടറാണെന്ന വ്യാജേന വിദേശത്ത് ജോലി വാങ്ങിനൽകാമെന്ന്​ പറഞ്ഞുവിശ്വസിപ്പിച്ച് പലരിൽനിന്നായി വൻ തുക കൈപ്പറ്റി​െയന്ന​ വിവരം കിട്ടിയിട്ടുണ്ടെന്ന്​ പൊലീസ്​ പറഞ്ഞു. ജോലി ലഭിക്കാത്തതിനെത്തുടർന്ന് ഇവരിൽ ഒരാൾ പണം തിരികെ ആവശ്യപ്പെട്ടു. ഒമ്പതുലക്ഷം രൂപയാണ് അയാൾക്ക്​ നൽകാനുള്ളത്. തുക ശനിയാഴ്​ച നൽകേണ്ടതായിരുന്നു. അത്​ സാധിക്കാതെ വന്നതിനാൽ സാനിറ്റൈസർ ദേഹത്ത് ഒഴിച്ച് ആത്മഹത്യ ചെയ്യുകയായിരു​െന്നന്നാണ്​ സൂചന. ആറുമാസത്തോളമായി വാടക​െക്കടുത്ത കാറിന് 9000 രൂപ മാത്രമാണ് വാടക നൽകിയിട്ടുള്ളത്. കാറിൽനിന്ന്​ സ്​റ്റെതസ്കോപ് കിട്ടിയിട്ടുണ്ട്. ആത്മഹത്യ ചെയ്തതാകാനാണ്​ സാധ്യതയെന്നും ഗാന്ധിനഗർ എസ്.എച്ച്.ഒ സുരേഷ് വി. നായർ പറഞ്ഞു.