കോട്ടയം മെഡിക്കൽ കോളജിന്​ 61 വയസ്സ്

ഗാ​ന്ധി​ന​ഗ​ർ: കോ​ട്ട​യം മെ​ഡി​ക്ക​ൽ കോ​ള​ജ് ആ​ശു​പ​ത്രി രൂ​പ​വ​ത്​​ക​രി​ച്ചി​ട്ട്​ ഞാ​യ​റാ​ഴ്ച 61 വ​ർ​ഷം പൂ​ർ​ത്തി​യാ​കു​ന്നു. 1961 മേ​യ് നാ​ലി​നാ​ണ് ആ​രോ​ഗ്യ മ​ന്ത്രി കെ. ​വേ​ല​പ്പ​ന്‍റെ ആ​വ​ശ്യ​പ്ര​കാ​രം മു​ഖ്യ​മ​ന്ത്രി പ​ട്ടം താ​ണു​പി​ള്ള മെ​ഡി​ക്ക​ൽ കോ​ള​ജ് ആ​ശു​പ​ത്രി പ്ര​ഖ്യാ​പ​നം ന​ട​ത്തി​യ​ത്. തു​ട​ർ​ന്ന് ആ​ദ്യ എം.​ബി.​ബി.​എ​സ് ബാ​ച്ച് മേ​യ് 19നും 1962 ​ആ​ഗ​സ്റ്റ് ഒ​ന്നി​ന് ര​ണ്ടാ​മ​ത്തെ ബാ​ച്ചും തി​രു​വ​ന​ന്ത​പു​രം മെ​ഡി​ക്ക​ൽ കോ​ള​ജി​ൽ തു​ട​ങ്ങി. ന​വം​ബ​ർ 30ന് ​ജി​ല്ല ആ​ശു​പ​ത്രി​യി​ലാ​ണ്​ ആ​ദ്യം മെ​ഡി​ക്ക​ൽ കോ​ള​ജി​ന്‍റെ പ്ര​വ​ർ​ത്ത​നം ആ​രം​ഭി​ച്ച​ത്. 1970ൽ ​മെ​ഡി​ക്ക​ൽ കോ​ള​ജി​ലേ​ക്ക്​ പ്ര​വ​ർ​ത്ത​നം മാ​റ്റി. 1962 ഡി​സം​ബ​ർ മൂ​ന്നി​ന്​ കോ​ട്ട​യം മെ​ഡി​ക്ക​ൽ കോ​ള​ജി​ലെ എം.​ബി.​ബി.​എ​സ് ആ​ദ്യ ബാ​ച്ച് ആ​രം​ഭി​ച്ചു. ആ​ദ്യ വി​ദ്യാ​ർ​ഥി അ​ബ്ദു​ൽ റ​ഹ്​​മാ​ൻ ആ​യി​രു​ന്നു. അ​ന്ന​ത്തെ കോ​ള​ജ് യൂ​നി​യ​ൻ ചെ​യ​ർ​മാ​ൻ ഡോ. ​എം.​എം. ജോ​സ​ഫും ജ​ന​റ​ൽ സെ​ക്ര​ട്ട​റി ഡോ. ​റോ​യി പി. ​തോ​മ​സും ആ​യി​രു​ന്നു. ഇ​വ​ർ ഇ​പ്പോ​ൾ യു.​കെ​യി​ൽ സ്ഥി​ര​താ​മ​സ​ക്കാ​രാ​ണ്. എം.​എ​ൽ.​എ ആ​യി​രു​ന്ന ജോ​ർ​ജ് ജോ​സ​ഫ് പൊ​ടി​പ്പാ​റ പ്ര​ത്യേ​ക താ​ൽ​പ​ര്യ​മെ​ടു​ത്താ​ണ് വ​ട​വാ​തൂ​രി​ലേ​ക്ക് പോ​കേ​ണ്ടി​യി​രു​ന്ന മെ​ഡി​ക്ക​ൽ കോ​ള​ജ് ആ​ർ​പ്പൂ​ക്ക​ര​യി​ൽ കൊ​ണ്ടു​വ​ന്ന​ത്. പാ​ട​ക​ശ്ശേ​രി ഇ​ല്ല​ത്തെ ശ്രീ​കു​മാ​ര​ൻ മൂ​സ​ത് ആ​ണ് കോ​ള​ജി​ന്​ 160 ഏ​ക്ക​ർ ഭൂ​മി ന​ൽ​കി​യ​ത്.