ഡോക്ടർക്കെതിരെ വധഭീഷണി; പ്രതിയുമായി തെളിവെടുപ്പ്​ നടത്തി

ഗാ​ന്ധി​ന​ഗ​ർ: കോ​ട്ട​യം മെ​ഡി​ക്ക​ൽ കോ​ള​ജി​ൽ വ​നി​ത ഡോ​ക്ട​ർ​ക്കെ​തി​രെ വ​ധ​ഭീ​ഷ​ണി മു​ഴ​ക്കി​യ പ്ര​തി​യെ തെ​ളി​വെ​ടു​പ്പി​ന്​ അ​ത്യാ​ഹി​ത വി​ഭാ​ഗ​ത്തി​ലെ​ത്തി​ച്ചു. ഗാ​ന്ധി​ന​ഗ​ർ എ​സ്.​എ​ച്ച്.​ഒ കെ. ​ഷി​ജി​യു​ടെ നേ​തൃ​ത്വ​ത്തി​ലു​ള്ള സം​ഘം വെ​ള്ളി​യാ​ഴ്ച വൈ​കീ​ട്ട്​ മൂ​ന്നി​നാ​ണ് ആ​ശു​പ​ത്രി​യി​ലെ​ത്തി​ച്ച​ത്. വ്യാ​ഴാ​ഴ്ച ക​ണ്ണൂ​രി​ൽ​നി​ന്ന് ക​സ്റ്റ​ഡി​യി​ലെ​ടു​ത്ത ഇ​യാ​ളെ കോ​ട​തി​യി​ൽ ഹാ​ജ​രാ​ക്കി റി​മാ​ൻ​ഡ്​ ചെ​യ്തി​രു​ന്നു. തു​ട​ർ​ന്ന് പൊ​ലീ​സ്​ ക​സ്റ്റ​ഡി​യി​ൽ വാ​ങ്ങി​യാ​ണ് തെ​ളി​വെ​ടു​പ്പ്​ ന​ട​ത്തി​യ​ത്.

ക​ഴി​ഞ്ഞ വെ​ള്ളി​യാ​ഴ്ച രാ​ത്രി 12.30നാ​ണ് ഏ​റ്റു​മാ​നൂ​ർ പൊ​ലീ​സ് ഇ​യാ​ളെ മെ​ഡി​ക്ക​ൽ കോ​ള​ജി​ൽ എ​ത്തി​ച്ച​ത്. ത​ട്ടു​ക​ട​യി​ൽ ഉ​ണ്ടാ​യ അ​ടി​പി​ടി​ക്കേ​സി​ൽ ത​ല​ക്ക്​ മു​റി​വു​മാ​യി എ​ത്തി​യ ഇ​യാ​ൾ അ​ക്ര​മാ​സ​ക്ത​നാ​വു​ക​യാ​യി​രു​ന്നു. തു​ട​ർ​ന്ന് കൈ​കാ​ലു​ക​ൾ ക​ട്ടി​ലി​ൽ ബ​ന്ധി​ച്ചാ​ണ് ആ​ശു​പ​ത്രി​യി​ൽ കി​ട​ത്തി ചി​കി​ത്സ ന​ൽ​കി​യ​ത്. പു​ല​ർ​ച്ച ര​ണ്ട​ര​യോ​ടെ നി​രീ​ക്ഷ​ണ വാ​ർ​ഡി​ലെ​ത്തി​യ ഡോ​ക്ട​റെ അ​സ​ഭ്യം പ​റ​യു​ക​യും ഭീ​ഷ​ണി​പ്പെ​ടു​ത്തു​ക​യു​മാ​യി​രു​ന്നു. ഇ​ക്കാ​ര്യം ഡോ​ക്ട​ർ പൊ​ലീ​സ് എ​യ്ഡ് പോ​സ്റ്റി​ൽ റി​പ്പോ​ർ​ട്ട് ചെ​യ്തി​രു​ന്നു. പി​ന്നീ​ട് ശ​നി​യാ​ഴ്ച രാ​വി​ലെ ഇ​യാ​ൾ ആ​ശു​പ​ത്രി​യി​ൽ​നി​ന്ന്​ ചാ​ടി​പ്പോ​യി. പ്ര​തി​യെ അ​റ​സ്റ്റ്​ ചെ​യ്യാ​ത്ത​തി​ൽ പ്ര​തി​ഷേ​ധി​ച്ച് ക​ഴി​ഞ്ഞ ദി​വ​സം പി.​ജി ഡോ​ക്ട​ർ​മാ​ർ പൊ​ലീ​സ് സ്റ്റേ​ഷ​ൻ മാ​ർ​ച്ച് ന​ട​ത്തി​യ​തി​നെ തു​ട​ർ​ന്ന് അ​ന്വേ​ഷ​ണം ഊ​ർ​ജി​ത​മാ​ക്കി​യ​തി​ന്​ പി​ന്നാ​ലെ​യാ​ണ്​ പി​ടി​യി​ലാ​യ​ത്. സ്ഥി​ര​മാ​യി ഒ​രി​ട​ത്ത്​ താ​മ​സി​ക്കാ​തെ അ​ല​ഞ്ഞു​തി​രി​ഞ്ഞു ന​ട​ക്കു​ന്ന​യാ​ളാ​ണ് പ്ര​തി. ഫോ​ൺ ഉ​പ​യോ​ഗി​ക്കു​ന്ന​യാ​ളു​മ​ല്ല. എ​ങ്കി​ലും സം​സ്ഥാ​ന​മൊ​ട്ടാ​കെ പൊ​ലീ​സ് പ​ല സം​ഘ​ങ്ങ​ളാ​യി തി​രി​ഞ്ഞ് വ​രു​ക​യാ​യി​രു​ന്നു. തു​ട​ർ​ന്ന് ക​ണ്ണൂ​രി​ൽ​നി​ന്നു​മാ​ണ്​ ക​സ്റ്റ​ഡി​യി​ലെ​ടു​ത്ത​ത്.