തർക്ക പ്രളയമൊഴിയാതെ കോട്ടയം

കോ​ട്ട​യം: മീ​ന​ച്ചി​ലാ​ർ, മ​ണി​മ​ല​യാ​ർ, മൂ​വാ​റ്റു​പു​ഴ​യാ​ർ എ​ന്നി​ങ്ങ​നെ മൂ​ന്ന്​​ ആ​റു​ക​ളൊ​ഴു​കു​ന്ന ജി​ല്ല​ക്ക്​ വെ​ള്ള​പ്പൊ​ക്കം പു​തു​മ​യ​ല്ല. എ​ന്നാ​ൽ, പ​ണ്ട്​ ഒ​രാ​ഴ്ച​കൊ​ണ്ടാ​ണ്​ ജി​ല്ല​യി​ലെ വീ​ടു​ക​ളി​ൽ വെ​ള്ളം ക​യ​റി​യി​രു​ന്ന​ത്.

മ​ഴ പെ​യ്താ​ൽ എ​ന്ന​ത്തേ​ക്ക്​ വെ​ള്ളം ക​യ​റു​മെ​ന്ന്​ പ​ഴ​മ​ക്കാ​ർ​ക്ക്​ അ​റി​യാ​മാ​യി​രു​ന്നു. ആ​ദ്യം പാ​ട​ത്ത്, പി​ന്നെ പ​റ​മ്പി​​ൽ, ഒ​ടു​വി​ൽ വീ​ട്ടി​ന​ക​ത്തേ​ക്ക്. അ​തു കൃ​ത്യ​മാ​യി ക​ണ​ക്കാ​ക്കി വീ​ടു​ക​ൾ ഒ​ഴി​യാ​ൻ ക​ഴി​യു​മാ​യി​രു​ന്നു. എ​ന്നാ​ലി​പ്പോ​ൾ ക​ഥ മാ​റി. ക​ണ​ക്കു​കൂ​ട്ടാ​ൻ പോ​ലും സ​മ​യ​മി​ല്ല. ഒ​റ്റ​മ​ഴ​യി​ൽ വെ​ള്ളം വീ​ടി​ന​ക​ത്താ​ണ്. കി​ഴ​ക്ക്​ മ​ഴ ശ​ക്ത​മാ​യാ​ൽ പ​ടി​ഞ്ഞാ​റു​ള്ള​വ​ർ​ക്ക്​ ഇ​രി​ക്ക​പ്പൊ​റു​തി​യി​ല്ല. രാ​ത്രി സ​മാ​ധാ​ന​മാ​യി ഉ​റ​ങ്ങാ​ൻ പോ​യ​വ​ർ രാ​വി​ലെ കാ​ണു​ന്ന​ത് വെ​ള്ള​ത്തി​ന്‍റെ വ​ര​വാ​ണ്. ​എ​ന്താ​ണി​ങ്ങ​നെ? ​പ്ര​ള​യ​ര​ഹി​ത കോ​ട്ട​യം സാ​ധ്യ​മാ​ണെ​ന്ന്​ പ്ര​ഖ്യാ​പി​ച്ച​ അ​ഡ്വ. കെ. ​അ​നി​ൽ​കു​മാ​റി​ന്‍റെ മീ​ന​ച്ചി​ലാ​ർ -മീ​ന​ന്ത​റ​യാ​ർ -കൊ​ടൂ​രാ​ർ ന​ദീ​പു​ന​ർ​സം​യോ​ജ​ന പ​ദ്ധ​തി​യു​ടെ പ​രാ​ജ​യ​മാ​ണ്​ ഇ​ത്ത​വ​ണ​ത്തെ വെ​ള്ള​പ്പൊ​ക്ക​ത്തി​നു കാ​ര​ണ​മെ​ന്നാ​ണ്​ യു.​ഡി.​എ​ഫും ബി.​ജെ.​പി​യും ആ​രോ​പി​ക്കു​ന്ന​ത്.

പ​ദ്ധ​തി ത​ട്ടി​പ്പ്​ -യു.​ഡി.​എ​ഫ്

പ​ദ്ധ​തി ത​ട്ടി​പ്പാ​ണെ​ന്ന് ഇ​ത്ത​വ​ണ​ത്തെ പ്ര​ള​യം തെ​ളി​യി​ച്ചു. ര​ണ്ടു​ദി​വ​സ​ത്തെ മ​ഴ​കൊ​ണ്ടു മാ​ത്രം കോ​ട്ട​യം പ​ട്ട​ണ​ത്തി​ന്‍റെ സ​മീ​പ പ്ര​ദേ​ശ​ങ്ങ​ൾ വെ​ള്ള​ത്തി​ലാ​യ​തോ​ടെ പ​ദ്ധ​തി​ക്ക് പി​ന്നി​ൽ വ​ലി​യ സാ​മ്പ​ത്തി​ക ത​ട്ടി​പ്പ് ന​ട​ന്നു​വെ​ന്ന് വ്യ​ക്ത​മാ​കും. മീ​ന​ച്ചി​ലാ​ർ- മീ​ന​ന്ത​റ​യാ​ർ- കൊ​ടൂ​രാ​ർ പു​ന​ർ​സം​യോ​ജ​ന പ​ദ്ധ​തി എ​ന്ന പേ​രി​ൽ ന​ട​ക്കു​ന്ന പ്ര​വ​ർ​ത്ത​ന​ങ്ങ​ൾ ദു​രൂ​ഹ​മാ​ണ്. പ​ദ്ധ​തി​യു​ടെ ഭാ​ഗ​മാ​യി ച​ളി​യും എ​ക്ക​ലും നീ​ക്കം ചെ​യ്യു​ന്ന​തി​ന്റെ മ​റ​വി​ൽ ന​ദി​ക​ളി​ൽ​നി​ന്ന്​ വ​ൻ​തോ​തി​ൽ മ​ണ​ൽ ക​ട​ത്താ​നു​ള്ള ശ്ര​മ​മാ​ണ് ന​ട​ക്കു​ന്ന​ത്. ന​ട്ടാ​ശ്ശേ​രി മൈ​ല​പ്പ​ള്ളി ക​ട​വി​ന് സ​മീ​പം ലോ​ഡു​ക​ണ​ക്കി​ന് മ​ണ​ൽ വാ​രി വി​ൽ​പ​ന ന​ട​ത്താ​നു​ള്ള നീ​ക്കം ഊ​ർ​ജി​ത​മാ​ണ്. പ്ര​ള​യം ഒ​ഴി​വാ​ക്കാ​നെ​ന്ന പേ​രി​ൽ ല​ക്ഷ​ക്ക​ണ​ക്കി​ന് രൂ​പ സ​ർ​ക്കാ​റി​ൽ​നി​ന്നും പൊ​തു​ജ​ന​ങ്ങ​ളി​ൽ​നി​ന്നും സ​മാ​ഹ​രി​ച്ചെ​ങ്കി​ലും ഇ​തു​വ​രെ ഒ​രു ക​ണ​ക്കും പ്ര​സി​ദ്ധീ​ക​രി​ച്ചി​ട്ടി​ല്ല. 2019ൽ ​ര​ജി​സ്റ്റ​ർ ചെ​യ്ത മീ​ന​ച്ചി​ലാ​ർ- മീ​ന​ന്ത​റ​യാ​ർ -കൊ​ടൂ​രാ​ർ പു​ന​ർ​സം​യോ​ജ​ന പ​ദ്ധ​തി​യെ​ന്ന പേ​രി​ൽ രൂ​പ​വ​ത്​​ക​രി​ച്ച സൊ​സൈ​റ്റി​യു​ടെ സാ​മ്പ​ത്തി​ക ഇ​ട​പാ​ടു​ക​ൾ വേ​റെ അ​ക്കൗ​ണ്ട് വ​ഴി​യാ​ണ് ന​ട​ക്കു​ന്ന​തെ​ന്ന​തും ദു​രൂ​ഹ​മാ​ണ്. ഇ​തു​സം​ബ​ന്ധി​ച്ച് സൊ​സൈ​റ്റി​യു​ടെ മൂ​ന്നു​വ​ർ​ഷ​ത്തെ ക​ണ​ക്കു​ക​ൾ പ​രി​ശോ​ധി​ക്ക​ണം. പ​ദ്ധ​തി​യു​ടെ മ​റ​വി​ൽ ന​ട​ന്ന ക്ര​മ​ക്കേ​ടു​ക​ൾ സം​ബ​ന്ധി​ച്ച് വി​ജി​ല​ൻ​സ് അ​ന്വേ​ഷ​ണം വേ​ണ​മെ​ന്നും ജി​ല്ല ക​ൺ​വീ​ന​ർ ഫി​ൽ​സ​ൺ മാ​ത്യൂ​സ്, കോ​ൺ​ഗ്ര​സ് ബ്ലോ​ക്ക് പ്ര​സി​ഡ​ന്‍റു​മാ​രാ​യ സി​ബി ജോ​ൺ, എ​ൻ. ജ​യ​ച​ന്ദ്ര​ൻ, എ​സ്. രാ​ജീ​വ് എ​ന്നി​വ​ർ വാ​ർ​ത്ത​സ​മ്മേ​ള​ന​ത്തി​ൽ ആ​വ​ശ്യ​പ്പെ​ട്ടു.

പ​ദ്ധ​തി​യി​ൽ അ​ഴി​മ​തി -ബി.​ജെ.​പി

ന​ദീ​സം​ര​ക്ഷ​ണ​വും ത​രി​ശു​ഭൂ​മി കൃ​ഷി​യി​റ​ക്ക​ലും എ​ന്ന പേ​രി​ൽ മൂ​ന്നു നാ​ല് വ​ർ​ഷ​മാ​യി ജി​ല്ല​യി​ൽ വ്യാ​പ​ക​മാ​യി ന​ട​ന്നു​വ​ന്നി​രു​ന്ന മീ​ന​ച്ചി​ലാ​ർ-​മീ​ന​ന്ത​റ​യാ​ർ-​കൊ​ടൂ​രാ​ർ പ​ദ്ധ​തി​യി​ലൂ​ടെ കോ​ട്ട​യ​ത്തെ പ്ര​ള​യ​ര​ഹി​ത​മാ​ക്കി മാ​റ്റി​യെ​ന്ന സി.​പി.​എം സം​സ്ഥാ​ന ക​മ്മി​റ്റി അം​ഗം കെ. ​അ​നി​ൽ​കു​മാ​റി​ന്റെ പ്ര​ഖ്യാ​പ​നം ത​ട്ടി​പ്പാ​യി​രു​ന്നു. ര​ണ്ടാ​ഴ്ച മ​ഴ​പെ​യ്താ​ൽ മാ​ത്രം വെ​ള്ളം ക​യ​റി​യി​രു​ന്ന പ്ര​ദേ​ശ​ങ്ങ​ൾ വെ​റും ര​ണ്ടു ദി​വ​സം​കൊ​ണ്ട് വെ​ള്ള​ത്താ​ൽ മൂ​ടു​ന്ന സാ​ഹ​ച​ര്യ​മാ​യി. അ​നി​ൽ​കു​മാ​റും പാ​ർ​ട്ടി​യും ഒ​രു​പ​റ്റം സ​ർ​ക്കാ​ർ ഉ​ദ്യോ​ഗ​സ്ഥ​രും ദു​ര​ന്ത നി​വാ​ര​ണ​ത്തി​ന്‍റെ പേ​രു​പ​റ​ഞ്ഞ് എ​ന്താ​ണ് ഇ​വി​ടെ ചെ​യ്ത​തെ​ന്ന് ജ​ന​ങ്ങ​ളോ​ട് പ​റ​യാ​ൻ ത​യാ​റാ​വ​ണം. പ​ദ്ധ​തി​യു​ടെ പേ​രി​ൽ 5200 ഏ​ക്ക​ർ ഭൂ​മി​യി​ൽ കൃ​ഷി​യി​റ​ക്കി എ​ന്നാ​ണ് മാ​ധ്യ​മ​ങ്ങ​ളി​ലൂ​ടെ പ​റ​യു​ന്ന​ത്. എ​ന്നാ​ൽ, ഈ ​കൃ​ഷി​ഭൂ​മി​യി​ൽ പി​ന്നീ​ട് കൊ​യ്ത് ന​ട​ന്ന​താ​യോ വി​ള​വെ​ടു​പ്പ് ന​ട​ന്ന​താ​യോ ആ​ർ​ക്കും അ​റി​യി​ല്ല. ഇ​തി​ന്‍റെ പേ​രി​ൽ സ​ബ്സി​ഡി ഇ​ന​ത്തി​ൽ തു​ക കൈ​പ്പ​റ്റി​യി​ട്ടു​ണ്ടോ​യെ​ന്ന് അ​ന്വേ​ഷി​ക്ക​ണം. 1600 കി​ലോ​മീ​റ്റ​ർ തോ​ട് ഇ​തി​ന​കം തെ​ളി​ച്ചെ​ടു​ത്തു​വെ​ന്ന് പ​റ​യു​മ്പോ​ഴും ചെ​റി​യ മ​ഴ പെ​യ്താ​ൽ​പോ​ലും വെ​ള്ള​ത്തി​ന​ടി​യി​ലാ​വു​ന്ന അ​വ​സ്ഥ​യി​ലാ​ണ് ഇ​പ്പോ​ൾ കോ​ട്ട​യ​ത്തെ ജ​ന​ങ്ങ​ൾ. ദു​ര​ന്ത നി​വാ​ര​ണ​ത്തി​ന്‍റെ പേ​രി​ൽ ജ​ന​ങ്ങ​ളെ തെ​റ്റി​ദ്ധ​രി​പ്പി​ച്ചും പ്ര​തി​ഷേ​ധ​ങ്ങ​ളെ പൊ​ലീ​സി​നെ ഉ​പ​യോ​ഗി​ച്ച് ത​ട​ഞ്ഞും ന​ട​ത്തി​യ പ​ദ്ധ​തി​യു​ടെ പ​ണ​ത്തി​ന്‍റെ വി​നി​യോ​ഗം സം​ബ​ന്ധി​ച്ച്​ വി​ജി​ല​ൻ​സ് അ​ന്വേ​ഷ​ണം ന​ട​ത്ത​ണ​മെ​ന്നും ബി.​ജെ.​പി ജി​ല്ല പ്ര​സി​ഡ​ന്‍റ്​ ലി​ജി​ൻ​ലാ​ൽ ആ​വ​ശ്യ​പ്പെ​ട്ടു.

വെ​ള്ള​പ്പൊ​ക്ക​ത്തി​നു കാ​ര​ണം ക​ട​ലി​ലെ ഉ​യ​ർ​ന്ന വേ​ലി​യേ​റ്റ​വും

മ​ഴ​യു​ടെ അ​ള​വ്​ മാ​​ത്ര​മ​ല്ല വെ​ള്ള​പ്പൊ​ക്ക​ത്തി​നു കാ​ര​ണ​മാ​വു​ന്ന​തെ​ന്നും ക​ട​ലി​ന്‍റെ പ്ര​ക്ഷു​ബ്​​ധാ​വ​സ്ഥ​യും നോ​ക്ക​ണ​മെ​ന്നാ​ണ്​ അ​ന്ത​ർ​ദേ​ശീ​യ കാ​യ​ൽ​നി​ല ഗ​വേ​ഷ​ണ കേ​ന്ദ്രം ഡ​യ​റ​ക്ട​ർ ഡോ. ​കെ.​ജി. പ​ത്മ​കു​മാ​റി​ന്​ പ​റ​യാ​നു​ള്ള​ത്​. വെ​ളു​ത്ത പൗ​ർ​ണ​മി​യോ​ട​നു​ബ​ന്ധി​ച്ച്​ ക​ട​ലി​ൽ ഉ​യ​ർ​ന്ന വേ​ലി​യേ​റ്റ​ത്തി​ന്‍റെ സ​മ​യ​മാ​യി​രു​ന്നു ഒ​രാ​ഴ്ച. ന​ദീ​പ്ര​ള​യ​വും വേ​ലി​യേ​റ്റ പ്ര​ള​യ​വും ഒ​ന്നി​ച്ചു വ​ന്ന​തി​ന്‍റെ വെ​ള്ള​ക്കെ​ട്ടാ​ണ്​ ഇ​പ്പോ​ഴു​ണ്ടാ​യ​ത്. ഉ​യ​ർ​ന്ന വേ​ലി​യേ​റ്റ​മു​ള്ള​പ്പോ​ൾ​ ക​ട​ൽ വെ​ള്ള​മെ​ടു​ക്കി​ല്ല. ഒ​രു മീ​റ്റ​റാ​ണ് ഉ​യ​ർ​ന്ന വേ​ലി​യേ​റ്റ​ത്തി​ന്‍റെ ഉ​യ​രം. അ​തി​നെ ക​വി​ഞ്ഞ്​ വെ​ള്ളം വ​ന്നാ​ലേ ക​ട​ലെ​ടു​ക്കൂ. ശ​നി​യാ​ഴ്ച​യോ​ടെ വേ​ലി​യേ​റ്റം കു​റ​യും. അ​പ്പോ​ൾ വെ​ള്ളം ക​ട​ലി​ലേ​ക്കൊ​ഴു​കാ​ൻ തു​ട​ങ്ങും. തോ​ട്ട​പ്പ​ള്ളി സ്​​പി​ൽ​വേ ക​ഴി​ഞ്ഞ ദി​വ​സം തു​റ​ന്ന​തും വെ​ള്ളം ഒ​ഴു​കി​പ്പോ​കാ​ൻ സ​ഹാ​യി​ക്കും. വെ​ള്ളം ക​ട​ലി​ലേ​ക്ക്​ ഒ​ഴു​കാ​ൻ ഇ​ടം വേ​ണം. 19ഓ​ളം പൊ​ഴി​ക​ളു​ണ്ടാ​യി​രു​ന്ന​തെ​ല്ലാം​ അ​ട​ഞ്ഞു. ക​നാ​ലു​ക​ൾ ച​ളി നി​റ​ഞ്ഞു. വെ​ള്ള​ത്തെ ക​ട​ലി​ലേ​ക്ക്​ ഒ​ഴു​കാ​ന​നു​വ​ദി​ക്കു​ക എ​ന്ന​താ​ണ്​ പ്രാ​ഥ​മി​ക​മാ​യി ചെ​യ്യേ​ണ്ട​ത്. ക​നാ​ലു​ക​ളി​ലെ​യും തോ​ടു​ക​ളി​ലെ​യും ത​ട​സ്സ​ങ്ങ​ൾ നീ​ക്ക​ണ​മെ​ന്നും പ​ത്മ​കു​മാ​ർ പ​റ​ഞ്ഞു.