വീട് കേന്ദ്രീകരിച്ച് ചാരായ വാറ്റ്; സംഘം പിടിയിൽ

കോ​ട്ട​യം: വീ​ട് കേ​ന്ദ്രീ​ക​രി​ച്ച് ചാ​രാ​യ വാ​റ്റ് ന​ട​ത്തി​വ​ന്ന സം​ഘം പി​ടി​യി​ൽ. പ​രി​ശോ​ധ​ന​ക്കി​ടെ എ​ക്​​സൈ​സ്​ സം​ഘ​ത്തി​നു​നേ​രെ വ​ള​ർ​ത്തു​നാ​​യെ അ​​ഴി​ച്ചു​വി​ട്ട​ശേ​ഷം പ്ര​തി​ക​ൾ ക​ട​ന്നു​ക​ള​യാ​ൻ ശ്ര​മി​ച്ചെ​ങ്കി​ലും സാ​ഹ​സി​ക​മാ​യി കീ​ഴ​ട​ക്കു​ക​യാ​യി​രു​​ന്നു. ഒ​രാ​ൾ പ്രി​വ​ന്‍റി​വ് ഓ​ഫി​സ​റെ ത​ള്ളി വീ​ഴ്ത്തി ക​ട​ന്നു​ക​ള​ഞ്ഞു.

തെ​ള്ള​കം പാ​റ​ത്ത​ട​ത്തി​ൽ വീ​ട്ടി​ൽ വി​നീ​ത് ബി​ജു (26), വൈ​ക്കം ഉ​ദ​യ​നാ​പു​രം വെ​ട്ടു​വ​ഴി​യി​ൽ വി.​എം. ക​ണ്ണ​ൻ (32), കോ​ട്ട​യം തെ​ള്ള​കം മാ​മ്പ​റ​മ്പി​ൽ വീ​ട്ടി​ൽ എം.​എ​സ്. അ​മ​ൽ എ​ന്നി​വ​രെ​യാ​ണ്​ കോ​ട്ട​യം എ​ക്​​സൈ​സ്​ അ​റ​സ്റ്റ്​ ചെ​യ്ത​ത്. വെ​ള്ളി​യാ​ഴ്ച പു​ല​ർ​ച്ച 1.30ന്​ ​വാ​റ്റു​ന്ന​തി​നി​ടെ​യാ​യി​രു​ന്നു ര​ഹ​സ്യ​വി​വ​ര​ത്തി​ന്‍റെ അ​ടി​സ്ഥാ​ന​ത്തി​ൽ റെ​യ്​​ഡ്. മൂ​ന്ന്​ ലി​റ്റ​ർ ചാ​രാ​യം, 75 ലി​റ്റ​ർ കോ​ട, വാ​റ്റു​പ​ക​ര​ണ​ങ്ങ​ൾ എ​ന്നി​വ​യും പി​ടി​ച്ചെ​ടു​ത്തു.

തെ​ള്ള​കം പാ​റ​ത്ത​ട​ത്തി​ൽ വീ​ട്ടി​ൽ ഹ​രി​പ്ര​സാ​ദി​ന്‍റെ (ഉ​ണ്ണി -48) വീ​ട്​ കേ​ന്ദ്രീ​ക​രി​ച്ചാ​യി​രു​ന്നു വാ​റ്റ്. പ്രി​വ​ന്‍റി​വ് ഓ​ഫി​സ​ർ അ​നു വി. ​ഗോ​പി​നാ​ഥി​നെ ത​ള്ളി​വീ​ഴ്ത്തി ഇ​യാ​ൾ ക​ട​ന്നു​​ക​ള​ഞ്ഞു. മ​ൽ​പ്പി​ടി​ത്ത​ത്തി​ൽ അ​നു വി. ​ഗോ​പി​നാ​ഥി​ന്​ പ​രി​ക്കേ​റ്റു. കേ​സ് തു​ട​ർ ന​ട​പ​ടി​ക​ൾ​ക്കാ​യി ഏ​റ്റു​മാ​നൂ​ർ റേ​ഞ്ച് ഓ​ഫി​സി​ലേ​ക്ക് കൈ​മാ​റി.