കാരിത്തോട് വീണ്ടും പുലി​ ? കാട്ടുപൂച്ചയെന്ന് വനം വകുപ്പ്

എ​രു​മേ​ലി: ചെ​റു​വ​ള്ളി എ​സ്റ്റേ​റ്റി​ന് സ​മീ​പം കാ​രി​ത്തോ​ട് ഭാ​ഗ​ത്ത് വീ​ണ്ടും പു​ലി​യെ ക​ണ്ടെ​ന്ന് പ്ര​ദേ​ശ​വാ​സി​യാ​യ വീ​ട്ട​മ്മ. വെ​ള്ളി​യാ​ഴ്ച രാ​വി​ലെ വീ​ടി​നു​പു​റ​ത്ത്​ നി​ൽ​ക്കു​മ്പോ​ഴാ​ണ് കു​റ​ച്ച​ക​ലെ പു​ലി​യെ ക​ണ്ട​തെ​ന്ന് വീ​ട്ട​മ്മ​യാ​യ മു​ള​യ്ക്ക​ൽ ബെ​റ്റി പ​റ​ഞ്ഞു. പേ​ടി​ച്ച​ര​ണ്ട ഇ​വ​ർ ഓ​ടി വീ​ടി​നു​ള്ളി​ൽ ക​യ​റു​ക​യാ​യി​രു​ന്നു. വ്യാ​ഴാ​ഴ്ച പ്ര​ദേ​ശ​വാ​സി​യാ​യ ക​ർ​ഷ​ക​നും റ​ബ​ർ​തോ​ട്ട​ത്തി​ൽ പു​ലി​യെ ക​ണ്ട​താ​യി പ​റ​ഞ്ഞി​രു​ന്നു.

വെ​ള്ളി​യാ​ഴ്ച രാ​വി​ലെ വ​നം​വ​കു​പ്പ് ഉ​ദ്യോ​ഗ​സ്ഥ​ർ സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി. പു​ലി​യെ ക​ണ്ടെ​ന്ന് പ​റ​ഞ്ഞ സ്ഥ​ല​ത്ത് വ​ന്യ​ജീ​വി​യു​ടെ കാ​ൽ​പാ​ടും ക​ണ്ടെ​ത്തി.

എ​ന്നാ​ൽ, കാ​ൽ​പാ​ട് പു​ലി​യു​ടേ​ത​ല്ലെ​ന്നും കാ​ട്ടു​പൂ​ച്ച​യു​ടേ​താ​കാ​മെ​ന്നും വ​ന​പാ​ല​ക​ർ പ​റ​ഞ്ഞു. പ​രി​ശോ​ധ​ന​യി​ൽ ആ​റ് സെ​ന്‍റീ​മീ​റ്റ​ർ മാ​ത്രം നീ​ള​വും നാ​ല് സെ​ന്‍റീ​മീ​റ്റ​ർ മാ​ത്രം വീ​തി​യു​മു​ള്ള ജീ​വി​യു​ടേ​താ​ണ് കാ​ൽ​പാ​ട്. പു​ലി​ക്ക് ഇ​തി​ലും വ​ലു​പ്പം ഉ​ണ്ടാ​കും. എ​ന്നാ​ൽ, ക​ണ്ട​ത് പു​ലി ത​ന്നെ​യാ​ണെ​ന്ന കാ​ര്യ​ത്തി​ൽ ഉ​റ​ച്ചു​നി​ൽ​ക്കു​ക​യാ​ണ് പ്ര​ദേ​ശ​വാ​സി​ക​ളും. പ്ര​ദേ​ശ​ത്ത് പ​ട്രോ​ളി​ങ്​ ശ​ക്തി​പ്പെ​ടു​ത്തി​യി​ട്ടു​ണ്ടെ​ന്ന് വ​നം​വ​കു​പ്പ് ഉ​ദ്യോ​ഗ​സ്ഥ​ർ പ​റ​ഞ്ഞു.