മണ്ഡലകാലം അവസാനിച്ചു; ഇനി മകരവിളക്ക് മഹോത്സവത്തിനായി കാത്തിരിപ്പ്

എ​രു​മേ​ലി: മ​ണ്ഡ​ല​കാ​ലം അ​വ​സാ​നി​ച്ച​തോ​ടെ എ​രു​മേ​ലി​യി​ലും തീ​ർ​ഥാ​ട​ക​രു​ടെ തി​ര​ക്കൊ​ഴി​ഞ്ഞു. പാ​ർ​ക്കി​ങ് മൈ​താ​ന​ങ്ങ​ളെ​ല്ലാം കാ​ലി​യാ​യ​തോ​ടെ ബു​ധ​നാ​ഴ്ച വൈ​കീ​ട്ടോ​ടെ താ​ൽ​ക്കാ​ലി​ക ക​ട​ക​ളെ​ല്ലാം അ​ട​ച്ചു​പൂ​ട്ടി. എ​രു​മേ​ലി ടൗ​ണി​ൽ ഏ​ർ​പ്പെ​ടു​ത്തി​യ ഗ​താ​ഗ​ത നി​യ​ന്ത്ര​ണ​ത്തി​നും അ​യ​വു​ണ്ടാ​യി.

പ​രാ​തി​ക​ൾ​ക്കും പ്ര​തി​ഷേ​ധ​ങ്ങ​ൾ​ക്കും സാ​ക്ഷ്യം വ​ഹി​ച്ച​താ​യി​രു​ന്നു മ​ണ്ഡ​ല​കാ​ലം. തീ​ർ​ഥാ​ട​ക​രു​ടെ തി​ര​ക്ക് വ​ർ​ധി​ച്ച സാ​ഹ​ച​ര്യ​ത്തി​ൽ വാ​ഹ​ന​ങ്ങ​ൾ പി​ടി​ച്ചി​ട്ട​ത് പ്ര​തി​ഷേ​ധ​ത്തി​ന് കാ​ര​ണ​മാ​യി. നി​ര​വ​ധി​ത​വ​ണ തീ​ർ​ഥാ​ട​ക​ർ എ​രു​മേ​ലി​യു​ടെ വി​വി​ധ ഭാ​ഗ​ങ്ങ​ളി​ൽ റോ​ഡി​ൽ കു​ത്തി​യി​രു​ന്നു പ്ര​തി​ഷേ​ധി​ച്ചു. തി​ര​ക്ക് കു​റ​യു​ന്ന​തി​ന് അ​നു​സ​രി​ച്ചാ​ണ് പൊ​ലീ​സ് എ​രു​മേ​ലി​യി​ൽ​നി​ന്നും വാ​ഹ​ന​ങ്ങ​ൾ പോ​കാ​ൻ അ​നു​വ​ദി​ച്ച​ത്.

ഗ​താ​ഗ​തം ത​ട​സ്സ​പ്പെ​ട്ട​തു​മൂ​ലം​ ഏ​റ്റ​വു​മ​ധി​കം ദു​രി​ത​മ​നു​ഭ​വി​ച്ച​ത് വി​ദ്യാ​ർ​ഥി​ക​ളും പ്ര​ദേ​ശ​വാ​സി​ക​ളുമാ​യി​രു​ന്നു. ബ​സു​ക​ൾ എ​രു​മേ​ലി​യി​ലെ​ത്താ​തെ സ​ർ​വി​സ് അ​വ​സാ​നി​പ്പി​ച്ച​തോ​ടെ പ​രീ​ക്ഷ​ക്കാ​ല​ത്ത് വി​ദ്യാ​ർ​ഥി​ക​ൾ​ക്ക്​ സ​മ​യ​ത്ത് സ്കൂ​ളി​ലെ​ത്താ​ൻ പോ​ലും ക​ഴി​യാ​തെ​യാ​യി.

മ​ണ്ഡ​ല​കാ​ല​ത്ത് വാ​ഹ​നാ​പ​ക​ട​ങ്ങ​ൾ​ക്കും കു​റ​വു​ണ്ടാ​യി​രു​ന്നി​ല്ല. എ​രു​മേ​ലി-​പ​മ്പ റോ​ഡി​ൽ ഏ​റ്റ​വു​മ​ധി​കം ശ്ര​ദ്ധ​യും മു​ൻ​ക​രു​ത​ലും ന​ൽ​കി വ​ന്നി​രു​ന്ന ക​ണ​മ​ല ഇ​റ​ക്ക​ത്തി​ലാ​യി​രു​ന്നു ഇ​ത്ത​വ​ണ കൂ​ടു​ത​ൽ അ​പ​ക​ട​ങ്ങ​ൾ ഉ​ണ്ടാ​യ​ത്. ഇ​റ​ക്ക​ത്തി​ലെ കൊ​ടും​വ​ള​വി​ൽ നി​യ​ന്ത്ര​ണം​വി​ട്ട ലോ​റി കെ.​എ​സ്.​ആ​ർ.​ടി.​സി ബ​സി​ൽ ഇ​ടി​ച്ച് നി​ര​വ​ധി തീ​ർ​ഥാ​ട​ക​ർ​ക്ക് പ​രി​ക്കേ​റ്റി​രു​ന്നു. ഇ​തി​ൽ ഒ​രു തീ​ർ​ഥാ​ട​ക വാ​ഹ​നം തി​ട്ട​യി​ൽ ഇ​ടി​ച്ച് റോ​ഡി​ൽ മ​റി​ഞ്ഞ് തീ​ർ​ഥാ​ട​ക​ർ​ക്ക് പ​രി​ക്കേ​റ്റു.

എ​രു​മേ​ലി - മു​ണ്ട​ക്ക​യം റോ​ഡി​ലെ ക​ണ്ണി​മ​ല മ​ഠം​പ​ടി​യി​ലെ വ​ള​വി​ൽ തീ​ർ​ഥാ​ട​ക വാ​ഹ​നം ബൈ​ക്കു​മാ​യി കൂ​ട്ടി​യി​ടി​ച്ച് ര​ണ്ട് വി​ദ്യാ​ർ​ഥി​ക​ൾ മ​രി​ച്ചി​രു​ന്നു. എ​രു​മേ​ലി പൊ​ലീ​സ് സ്റ്റേ​ഷ​ന് സ​മീ​പ​ത്തെ പാ​ർ​ക്കി​ങ് മൈ​താ​ന​ത്തു​നി​ന്നും നി​യ​ന്ത്ര​ണം​വി​ട്ട തീ​ർ​ഥാ​ട​ക​ബ​സ് പ്ര​ധാ​ന റോ​ഡും ക​ട​ന്ന് എ​തി​ർ​വ​ശ​ത്തെ മ​റ്റൊ​രു പാ​ർ​ക്കി​ങ് മൈ​താ​ന​ത്തി​ലൂ​ടെ ഓ​ടി വ​ലി​യ തോ​ട്ടി​ൽ വീ​ണു.

തീ​ർ​ഥാ​ട​ക​രെ പി​ഴി​യു​ന്ന​താ​യും നി​ര​വ​ധി പ​രാ​തി​ക​ൾ ഉ​യ​ർ​ന്നി​രു​ന്നു. അ​മി​ത​ചാ​ർ​ജ് ഈ​ടാ​ക്കി​യ പാ​ർ​ക്കി​ങ് മൈ​താ​നം, ശൗ​ചാ​ല​യം ന​ട​ത്തി​പ്പു​കാ​രി​ൽ നി​ന്നും പി​ഴയീടാ​ക്കി. വൃ​ത്തി​ഹീ​ന​മാ​യ സാ​ഹ​ച​ര്യ​ത്തി​ൽ പ്ര​വ​ർ​ത്തി​ച്ച ഭ​ക്ഷ​ണ, പാ​നീ​യ ശാ​ല​ക​ൾ​ക്കെ​തി​രെ​യും ന​ട​പ​ടി ഉ​ണ്ടാ​യി.

ര​ണ്ട് ദി​വ​സ​ത്തെ ഇ​ട​വേ​ള​ക്ക് ശേ​ഷം മ​ക​ര​വി​ള​ക്ക് മ​ഹോ​ത്സ​വ​ത്തി​നാ​യി തീ​ർ​ഥാ​ട​ക​ർ മ​ണ്ഡ​ല​കാ​ല​ത്ത് ഉ​ണ്ടാ​യ അ​നു​ഭ​വ​ങ്ങ​ൾ മ​ക​ര​വി​ള​ക്ക് മ​ഹോ​ത്സ​വ നാ​ളി​ൽ ഉ​ണ്ടാ​വാ​തി​രി​ക്കാ​ൻ അ​ധി​കാ​രി​ക​ൾ ശ്ര​ദ്ധി​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.